النتائج 1 إلى 7 من 7

الموضوع: خاطر حزينه....

  1. #1
    الصورة الرمزية شتات القلوب
    تاريخ التسجيل
    Oct 2008
    المشاركات
    251
    معدل تقييم المستوى
    16

    افتراضي خاطر حزينه....

    اعجبتني هذه القصيده فأحببت ان انقلها لكم رغم
    حزنها اتمنى ان تنال اعجابكم



    في ليلة عرسها تبكي..
    حزينه وقلبها يحكي ..
    يقول الحمد لك ربي على كل حال ..
    على الصحه .. على النعمه ..
    على قلبٍ شكى همه ..
    وصبرٍ طال ..
    تجيها أمها وتقول ..
    خلاص يا بنيّـتي إنسي ..
    قوّي قلبك الحاني وإقسي ..
    نصيبك هو نصيبك ..
    ما بيدينا شي ..
    ولو كان الله كاتب لك حبيبك ..
    ما وقف في دربكم شي ..
    تجاوبها ..
    أبي أعرف ..
    أبوي شلّي استفاده الحين ..
    لو ذابحني كان ابرك ..
    وزوجي .. اش ذنبه المسكين
    يعيش باقي العمر .. مع جثه تتحرك
    عليك الله يا يمّه .. قوليلي اشلون اضمّه ..
    واذا ودّه يكلمني .. وشاف دموعي فـ عيوني ..
    قولي اشلون اكلمه ..
    واذا ناداني بإسمي ..
    وانا أخطيت في إسمه ..
    يا ترى وش موقفه مني ..
    وهو يسمع اسم غيره
    تجيها أمها وتقول ..
    خلاص فضيها من سيره ..
    خلاص يا بنيّـتي إنسي ..
    قوّي قلبك الحاني وإقسي ..
    نصيبك هو نصيبك ..
    ما بيدينا شي ..
    ولو كان الله كاتب لك حبيبك ..
    ما وقف في دربكم شي ..
    بقولك شي يا يمّه .. وخليها من الأسرار ..
    أبكتب له رسالة شوق ..
    بشاكيه الألم والعوق ..
    عقب ما أنتهي منها ..
    بكل الحرص أرسليها ..
    وخبيها عن الأنظار ..
    وابي منّك وعد صادق ..
    توصليها لذاك المغرم العاشق ..
    وبعد ما يوصلك ردّه ..
    على طول بلغيني بآخر الأخبار ..
    ربع ساعه يا يمّه ..
    عطيني بس ربع ساعه ..
    أبكتب له عن اللي طفّى ما في القلب ولاعه ..
    أبكتب له الين دمع القلم ما يجف ..
    تعالي بعدها واستلمي ما في الظرف ..
    وكتبت من حزنها ابيات ..
    تقول فيها ..
    سلاماتي .. تحياتي .. وأشـواقـي الشديده
    .................. على اللي روحه قبالي .. وأنفـاسـه بعيده
    على اللي افترقنا غصب عن عينـي وعينه
    .................. بعد ما كنت انا وهو نحلم بلحـظـه سعيده
    بعيش بغربتي لحـالـي .. وهـو الله يعينه
    .................. يكمّل نصفه الثاني .. ويلـقـى مـن تريده
    مثل ما قالت امـي .. مـا لـنـا إلا قدرنا
    .................. والا مـن زمـان المفتـرض إيـدي بإيده
    يسامحك الله يالوالـد .. علـى عمـرٍ قتلته
    .................. بعد ما ماتت ابنيتـك وش اللـي بتستفيده
    أنا آسفه على اعذاري .. وربي غصب عني
    .................. نعم بتزوّج فلان .. بس بعيش عمري وحيده
    محّد ممكـن انّـه يملا عيـونـي بدونك
    .................. تذكّر كلمتي هـذي .. أنـا فـ حبّـك شهيده
    تذكّر كلمتي أرجـوك .. لأنهـا مـن فؤادي
    .................. فؤادي اللي ذبحوه اليوم.. وطعنوه فـ وريده
    تذكّر كلمةٍ فيهـا شـعوري ومـا طـرى لي
    .................. أنا فـ حبك شهيده .. وذي ترى آخر قصيده
    ...وجتها الوالده عندها ..
    وهي تحاول تغض الطرف ..
    وتسألها ..
    وش اللي بداخله هالظرف
    أبيات ..
    هي أبيات .. لحبٍ من حياتي فات ..
    لحبٍ من حياتي طار ...
    بسرعه ارجوك أرسليها ..
    وهي تذرف .. دموعٍ نار ..
    على هونك يا يمّه ..
    على هونك ..
    خلاص اطّمني انتي ..
    برسل ما كتبتي ..
    واستعدّي ..
    بعد شوي بيزفونك ..
    يزفوني
    وربي كان أهون لو يكفنوني ..
    بعد ايّام ..
    تسافر لاجل تقضي في فرنسا .. شهر العسل ..
    والمكتوب للعاشق وصل ..
    وهي مع زوجها تضحك ..
    وهو من فرحته يضحك ..
    يقول افديك انا بروحي ..
    وبيتي .. ومالي .. والأهل ..
    وهي تقول اشكرك بالحيل ..
    لأنك من جديد .. رجّعت في قلبي الأمل ..
    وساعه بعد ساعه ..
    فرحتهم تزيد ..
    في الصبح يتجولون من باريس .. لحتى ليل ..
    وفي الفندق .. يشربون قهوه بالهيل ..
    بعدها يسهرون .. كل الليل ..
    وحانت ساعة الردة ..
    بعد ما طالت المدة ..
    وموعدهم بعد ساعات ..
    لاجل ما توصل الرحله على أرض الرياض ..
    وأول ما وطوا أرض المطار ..
    من الفرحه بكوا ..
    واستقبلوهم أهلهم باحضانهم ..
    سلامات .. سلامات .. عساكم بس تهنيتوا ..
    يجاوبهم ... الله يسلمكم ..
    والحمد لله الهنا في حجرنا بات ..
    تطير البنت ناحية أمّها ..
    اشتقت لك حيل يمّه ..
    وهاتي حضنك الدافي ..
    ترى مشتاقه أضمّه ..
    وعلميني عن احوالك ..
    عن اخبارك .. عساك بخير
    بخير يا بنيّـتي .. دامك بخير ..
    بس ما سألتيني ..
    خير يا يمّه .. خير
    نسيتي إنك ارسلتي رساله ..
    قبل ما ترحلين بخير وسهاله ..
    صحيح ... توني تذكّرت
    أرسل لك جواب ..
    بعد ما ارسلتها ..
    صرت انتظر منّه خطاب ..
    ومرّت ايام وليالي وساعات ..
    بعد مدّه .. شهر أو يمكن شويه يزيد ..
    لقيت نفس الرساله .. عند صندوق البريد ..
    تقول : لم يقرأها أحد ..
    قلت بنفسي اتأكّد ..
    وصلت لباب منزلهم ..
    وكلّمني اخوه محمد ..
    عرفتي ليش ما في حد .. قرا الابيات ..
    في نفس اليوم لي إنتي تزوجتي ..
    وكنتي حيل مغتمّه ..
    حبيبك ما قدر يتحمّل الصدمه ..
    مع كل الأسف ... مـــات!!!!!!!
    [SIGPIC][/SIGPIC]

  2. #2
    مراقب عام الصورة الرمزية مجبور انا اعيش
    تاريخ التسجيل
    Nov 2008
    المشاركات
    353
    معدل تقييم المستوى
    16

    افتراضي

    الله يعطيك العافيه
    [SIGPIC][/SIGPIC]

  3. #3
    الصورة الرمزية !~¤§¦ الغندرري ¦§¤~
    تاريخ التسجيل
    Nov 2008
    المشاركات
    171
    معدل تقييم المستوى
    16

    افتراضي

    شيتووووووووووو اهنيك على ها القصه الي على شكل ابيات ..
    الصراحه قمة با المعاني الحزينه والحساسه...قمه با التظحيه والوفاء
    اسلوب البنت واهتمامها بكتابت رساله وهي بليلة فرحها يدل على وفاها لحبها وانها ما تحب تخون الي بترتبط فيه..........
    اهنيك على ذوقك ونقلك لنا لها الموضوع واهنيك على كل مواضيعك الرائعه وللامام دوما اختي. :fl: :wink_smile:

    !~¤§¦ الغندرري ¦§¤~

  4. #4
    الصورة الرمزية شتات القلوب
    تاريخ التسجيل
    Oct 2008
    المشاركات
    251
    معدل تقييم المستوى
    16

    افتراضي

    مشكووووووووووورين

    يامجبور والغندري على مروركم

    عطرتو صفحتي
    [SIGPIC][/SIGPIC]

  5. #5
    الصورة الرمزية حلوه وشقيه
    تاريخ التسجيل
    Jan 2008
    المشاركات
    4,502
    معدل تقييم المستوى
    21

    افتراضي

    [align=center]شوشو الله يعطيك الفـ عاافيه حبيبتي

    سلمت اناملك على النقل


    ودي


    حلوهـ وشقيهـ[/align]

  6. #6

    تاريخ التسجيل
    Nov 2008
    المشاركات
    87
    معدل تقييم المستوى
    16

    افتراضي

    مشكوره الله يعافيك [gdwl]ويقويك[/gdwl] ويخليك

    ودمتم بود
    [SIGPIC]http://grh-kbr.com/vb/image.php?type=sigpic&userid=277&dateline=12295682 89[/SIGPIC]



    شيبهـ الريحـ .. وشـ باقيـ .. من الألامـ .. والتجريحـ ..

  7. #7
    الصورة الرمزية شتات القلوب
    تاريخ التسجيل
    Oct 2008
    المشاركات
    251
    معدل تقييم المستوى
    16

    افتراضي

    مشكوووووووورين

    ياحلوه وشبيه

    على مروركم

    دمتوا بود
    [SIGPIC][/SIGPIC]

المواضيع المتشابهه

  1. شغاله تهرب من العمل وتقول قصيده حزينه.
    بواسطة ولد القصيم في المنتدى قطـــرات وناسة (زقرتيه)
    مشاركات: 6
    آخر مشاركة: 03-01-2009, 09:27
  2. قصيده حزينه الله يكفينا شر ها الحزن
    بواسطة الصادقـ الكذابـ في المنتدى منتدى الشعر والشعراء
    مشاركات: 2
    آخر مشاركة: 11-27-2008, 02:59
  3. البوم عبدالمجيد عبدالله .:: مليون خاطر
    بواسطة قلب_مسافر في المنتدى الأغاني العربية
    مشاركات: 0
    آخر مشاركة: 08-19-2008, 11:27
  4. قصه حقيقه حزينه.
    بواسطة ولد القصيم في المنتدى قطرات القصص والروايات
    مشاركات: 4
    آخر مشاركة: 01-26-2008, 13:48
  5. قصه حزينه لفتاة سعوديه
    بواسطة عاشق المستحيل في المنتدى قطــرات إجتماعية
    مشاركات: 2
    آخر مشاركة: 03-18-2007, 00:28

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •