النتائج 1 إلى 3 من 3

الموضوع: هـااااوي والسياحه الخارجيه

  1. #1

    تاريخ التسجيل
    Nov 2002
    الدولة
    في ارض الله الواسعه
    المشاركات
    77
    معدل تقييم المستوى
    22

    افتراضي هـااااوي والسياحه الخارجيه

    عندما تشرق الانهار , وتزهر الكواكب , ويتساقط القمر , وتمطر الاشجار , وتهبّ الشمس .... لنا موعد مع اشراقة امسٍ جديد , نتذكر فيه مستقبلنا الماضي , وماضينا الـ إل بي سي !


    مرّه كنت بالمبطخ واهلي مسافرين يعني انا اللي اطبخ وانفخ ... كنت جالس اقشر بصل وماعندي سفره اضطريت احط جريده عشان ما اوصخ الارض !!
    وانا مندمج مع ريحة البصل والعيون تهل الدموع والخشم برضه يصب وصرت اصبصب مع كل محل من تأثير الريحه طاحت عيني على دعايه بالجريده مكتوب فيها (( الهند سياحه بلا حدود ))

    احترت معقول الهند تكون أول دوله تتشرف بوطأة قدمي عليها ¿ << ياشين الثقه

    قلت بيني وبين نفسي الهند دوله عريقه وحضاره قديمه وتعتبر قاره بحكم انها تجمع جميع اللغات والديانات وانا من النوع اللي احب استكشف واغامر ...

    رحت وقصيت تذاكر للهند واشتريت آخر ماتوصلت اليه التكنلوجيا من كريمات الشعر مع اني شعري مايتحرك لو اطلع راسي من طياره (( فلافل ))
    فرقت راسي فرقتين وصار يلمع واشتريت ملابس هنديه عشان مايدرون اني سعودي ويستغلوني لانهم على بالهم اي سعودي كاش ومايدرون ان مخباتي فيها سبعه ريال ونص (( كانت معي عشره واشتريت بريالين مشط وريال بيبسي ونص اشتريت فيها علوك ))

    وانا اقص تذاكر لقيت صديقي المفضل رايح وطي =سعود قلت تخاويني الهند ¿¿ قال قدّام وش ورانا << ياشين الفراغ
    المهم انا درج وصديقي كمدينه يعني كلنا دلووخ متجمعه والله يعين الدوله الي بتضفنا ...... القطه كانت من 1000 ريال <<=--- قايل لك حدّك الشرقيه

    حنا نسمع انها دوله رخيصه قلنا بتكفينا الفلوس وعلى هالمبدأ سافرنا للهند ويوم طبينا مطار نيو دلهي حنيت لشوارع الحسا وقلت هذا فرع الحسابالهند واشوف العالم تسولف وانا وخويي مبققين عيوننا وماندري وش السالفه .... يعني لا لغه ولا فلوس .... ركبنا تكسي والحمد لله الهندي سواق التكسي اشتغل بالحسا سنتين وسوا فينا خير ودانا لفندق وقال انثبرو هنا لين تجي موعد رجعتكم وراح وتركنا .. طلعنا وريحنا شوي من عناء السفر ...... قلت لسعودوش رايك نتجول في هالشوارع ونشوف الدنيا وبدينا نتمشى وصرنا كذا لمدة اسبوع نمشي وندربي روسنا وماندري وين الله حاطنا ...... مره كنا بالفندق نسولف انا وسعود وسألته كم بقا من القطه ياخوي نبي نرجع ملينا ..... سعودقال القطه باقي فيها خمسين ريال بس يعني مانقدر نقص تذاكر عوده

    تهاوشنا انا وياه وقمنا نلعن بعض ونلعن اليوم اللي فكرنا فيه نسافر برا لاننا توهقنا بديره مانعرف فيها احد , جلسنا ساعتين ساكتين ونفكر بالمستقبل المؤلم اللي يواجهنا ويوم شفنا الجلسه مابها فايده قلنا ننزل نتمشى لعل وعسى نشوف واحد عربي يسلفنا ولا يشوف لنا حل

    -=-=-=-=--==-=-=-=-=-=-(( حكمه ))-=-=-=-=-=-=-=-=-=--=-=-=-
    لا للمخدرات 000 خيرٌ من عشره على الشجره
    مع تحيات الهيئه الوطنيه لحماية الحياة الفطريه
    -=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-

    قمنا نمشي بالسوق وبعت انا ساعتي وتعشينا بقيمتها وبقا معنا الخمسين ريال ماغير نقلبها ونبوسها تقول واحد من عيالنا ......... وحنا نمشي لقينا شباب وبنات واقفين بوسط الشارع يرقصون ويضحكون وواضح انهم فالينها قلت وش رايك نروح ندخل بينهم نبسط روحنا شوي قال ياخوي صعبه مايعرفوننا قلت ياحبيبي خش بعيونهم تعال بس

    دخلنا بينهم الا كل واحد فيهم معه قارورة (( وسكي )) وجالسين يطيّشون الشراب ويرشون على بعض وعينك ماتشوف الا الضحك قلت لسعودوش رايك نشتري خمر ونجلس نطّيش على بعض مثلهم يمكن نستانس قال الفلوس ماتكفي !! قلت ياخوي اشتر اي شي اهم شي نسوي قدامهم اننا فاهمين ....... راح سعودواشترا بيبسي الله يفشله وجا عندي وعطاني قاروره وقمنا نطيّش على بعض ويرشني وارشه بالبيبسي لين تغرقنا وقعدنا نرقص مع الهنود .

    انتهت الحفله وتفرقو الناس وانا وسعود من تأثير البيبسي لزقنا بالارض وصرنا مانقدر نتحرك وصرنا تقول مجسمات !!

    الشي الوحيد اللي اقدر اسويه اني افتح عيوني ....... يوم صار من بكرا الصبح لقيت العالم تطوف علي انا وسعود واللي يتبرك فيني واللي يمسح فيني واللي يحط على راسي فلوس ... صارت عندنا زحمة مرور اضطرت حكومة الهند انها تنظم الحركه وصار فيه رسوم دخول وحطو علينا سور كبير وصارت الناس تتهافت علينا انا وخويي يجون من سبع الصبح لين اذان المغرب ويطوفون ويصيحون وحالتهم حاله (( صدق انهم هنود )) صار موقعنا كله فلوس منثره وانا وخويي واقفين مانقدر نسوي شي غير اننا نطالع وماندري وش نسوي لين مالله فرجها وامطرت ذاك اليوم وقدرنا نتحرك وضفينا فلوسنا وجمعنا حق تذاكر العوده للسعوديه


    مايستفاد من القصه :
    1/ لاعمرك تسافر مع واحد اسمه هــااااوي.
    2/ ايقنت ان البيبسي احسن مشروب بالعالم .
    3/ اذا قريت هالموضوع لاتصدق شي وحاول تاخذني على قد عقلي .
    الصمت اجابه بارعه لا يتقنها الكثيرون

  2. #2
    الصورة الرمزية بنــــــت الباديه
    تاريخ التسجيل
    Jun 2002
    الدولة
    الكويت
    العمر
    41
    المشاركات
    1,071
    معدل تقييم المستوى
    23

    افتراضي

    اهليــــــن

    هاااااااااوي

    اماااااااا هي سفرررررره

    عجيبه

    كنت اتمنى اكووووون معكم

    حتىىىىىى اصوووووورك انت وخوووويك سعوووووود

    بس متى الرحله الثانيه

    بلغوووووني حتى اجهز كامرتي حتى يكون مع المووووضوع صووووور

    الله يوفقكم إن شاء الله

    ويرزقكم بالوظيفه

    تحياتي
    أختك


    سـ يقال ..

    .. كانت هنا يوما رسمت فكره وخطت حرفا ..

    .. ثم رحلت ...

    .. سقى الله تلك الأيام الجميله والصحبة الرائعة ..

    ..إذكرونا بخير ..

    ..وسامحوا زلاتنا ..

    ولاتنسونا من طيب دعواتكم

  3. #3

    تاريخ التسجيل
    Nov 2002
    الدولة
    في ارض الله الواسعه
    المشاركات
    77
    معدل تقييم المستوى
    22

    افتراضي

    اهلين بنت الباديه الله يوفق الجميع ان شاء الله

    اما من ناحية السفره فهي عجيبه مرره

    واذا كنتي تبين تطلعين معنا ولا يهمك المره

    الثانيه نحجزلك معنا بس بدون تصوير علشان ما تطلع الفضايح
    وشكرا على المرور والرد بنت

    تقبلي تحياتي ...
    هــاااوي
    الصمت اجابه بارعه لا يتقنها الكثيرون

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •