النتائج 1 إلى 6 من 6

الموضوع: مسابقه وجوائز قيمه لا تفوتك الفرصه

  1. #1
    مشارك جديد
    تاريخ التسجيل
    Nov 2004
    المشاركات
    41
    معدل تقييم المستوى
    0

    مسابقه وجوائز قيمه لا تفوتك الفرصه

    [align=center]بسم الله الرحمن الرحيم

    السلام عليكم ورحمة الله وبركاته

    إخواني / أخواتي

    أعود إليكم اليوم بمشاركة جديده
    وبصراحة هي من الخيال

    ( هناك جائزة مقدمه من )

    ((((حلويات باتشي))))

    الموضوع فيه نوع من المنافسة والخيال

    وهو عبارة عن كتابة قصة خيالية

    ولهذه المشاركة شروط
    .....................

    أولا : أن تكون الكتابة من خيال المشارك وليس لها من الواقع مكان
    ثانيا : تكون القصة مضحكة أو محزنه .. بشرط أن تشد القارئ لمتابعة القرائه وأن يعيش في خيالها
    ثالثا : الإبتعاد عن الدين بهذه المشاركة وعن الاستهزاء بالشخصيات المعروفة

    علما بأن تقييم المواضيع سيكون بعدد ترشيحاتكم

    يا ليت تتفاعلون من الموضوع لأنه بصراحة ما يحتاج له تفكير
    كل الموضوع أن تكتب من خيالك

    ((ولا تنسون الجوائز))

    تحياتي لكم
    أخوكــــــم

    حــيــاوي
    [/align]
    الزمـن , يفـرض سـؤال ! .. كـل اجاباتـه محـال .. !
    السعــادهـ شي واضــح .. ولا مـن وحـي الخيال ..¿!
    في بـدايـات الأمــور .. تبني أحــلامـك قصــور ..
    ولمــا تتعمّــق .. على نفســك تــدور ..!
    كلنــا محــد سلمـ .. مــن تعاســه أو ألمـ ..
    بس منهـو اللي فينــا .. مـن وسـط " قلبــــه " .. إبتسمـ .. ¿!!

    ------------------
    -------------
    -------

  2. #2
    مشارك متميز الصورة الرمزية ..:: الغلا ::..
    تاريخ التسجيل
    Sep 2003
    الدولة
    باريس نجد
    المشاركات
    1,053
    معدل تقييم المستوى
    22

    افتراضي مشاركة: مسابقه وجوائز قيمه لا تفوتك الفرصه

    حياك الله ياحياوي

    يعطيك العافيه

    هي الفكره مب شينه بس تحتاج تفاعل الاعضااااااااااء

    اما عن مشاركتي


    المرة الجايه







    لنا باك




    تحياتي
    [align=center]


    [/align]

  3. #3
    مشارك متميز الصورة الرمزية ..:: الغلا ::..
    تاريخ التسجيل
    Sep 2003
    الدولة
    باريس نجد
    المشاركات
    1,053
    معدل تقييم المستوى
    22

    افتراضي مشاركة: مسابقه وجوائز قيمه لا تفوتك الفرصه

    [align=center]
    اقتباس المشاركة الأصلية كتبت بواسطة الوفي
    حياك الله ياحياوي

    يعطيك العافيه

    هي الفكره مب شينه بس تحتاج تفاعل الاعضااااااااااء

    اما عن مشاركتي


    المرة الجايه







    لنا باك




    تحياتي
    [line]


    الووووه

    وش هاللجه ile:

    اف ياكرهه لا منه حطت التلفون عند بزرانه

    الووووه

    الووو الووو يابابا وين ماما

    هاه بابا ماما

    ياحبيبي وين ماما رح تسالمه

    واوه بابا دادا

    وش دادته ياملا الدوده

    تشك طووووط << قطع الخط

    << تعاود الاتصال

    بااباا دااداا ابه امه اببببببب

    الو حبيبي تبي حلاوه شاطر رح تسالم ماما عشان اعطيك حلاوه

    مااماا وااوااه

    يالله شااااااااااطر حبيبي تروح معنا للبر ونطعس و نركب الدباب

    بااب بااب هييه باااب هيييه

    << جت امه

    هلا

    هلا والله مها وينتس طاعون ساعه احتريتس عيالتس طلعوا عيوني

    هلا والله سعاد هلابتس هلا والله ومسهلا وراتس تقولين تسذا ياكافي

    زاد اندري عنتس مخليتن التلفون عند بزرانتس غثون يخربطون علي وصكوه بوجهي بعد وين انتي عنهم مخليتهم عند التلفون لايقعدون يتصلون على شرطتن والا بادزعه

    ميخالف امسحيه بوجهي هالمره

    تقطع وجهتس من كثر ما امسحبه ماادري متى تعقلين المهم ترى البنات اتفقن نطلع باتسر للبر وش رايتس تخاويننا

    :gathering

    هو انا الاوله ياحلالاتي يالبر عقب هالسيول

    اجل خلاص تولمي مب تقطعيننا انتي وذرتس

    طيب ماقلتي لي وش اجيب معي

    لاتجيبين شي غير الكراث والخبيزات و فطيركم وتسان باقي عشيكم تتجيبينه بهواتس

    ههههههه اغدين جارتن مطيبخي

    هههههههههههههههه ماتقصرين مير يالله خن ادق على فوزيه

    يالله اجل مع السلامه

    مع السلامه ياعردزي

    << تتصل على فوزيه

    الوه

    هلا والله مين سعاد

    هلا فوز وش اخبارتس

    الحمدلله تمام كيفك انتي وش مسويه

    بهالدنيا وش اخبارتس انتي ووش اخبار الخكري

    هه الله يسامحك

    لاتزعلين وش اخبار ابوكم عسنا جزناله بالعزيمه

    الله يخليك انشالله انتم كلكم خير وبركه

    المهم اقول فوز لا تطوليبنه وهي قصيرة باتسر ننطلع للبر تجون

    والله ماادري عن عادل

    والله ينتي معطيته اكبر من حجمه بعد تتشاورينه بالكشته

    اكيد

    اغديتس هالمرة عاسفته

    لاوالله الزم ماعلي هو

    هذا اللي طلع معتس يالعنز عاد حنا طالعين طالعين سوى جيتي والا ماجيتي تسانتس جزمتي علمينا

    خلاص اساله وارد عليكم

    بهواتس اجل يالله مع السلامه

    عاد لاتزعلون علينا ان ماحصل لنا

    لا محنب زاعلين ابد تسان نشره علتس والا ماهنا زعل

    هههه الله يسهل

    يالله مع السلامه

    هلا والله مع السلامه الله يسلمتس

    << جى وقت الطلعه

    وووه منكن بنات يابغضيلكن ياملا العله انشالله قومن يسد نوم طارت الطيور بارزاقه وانتن تشخرن



    يمه اولاه تونا احد يكشت احدعش الصبح

    اعنبوا دارتس الساعه اثنعش ونص مذن الظهر وش احدعشه

    ايه اولاه يووه بلا لجه اذا ركبتوا قومينا نركب

    مابقى الا هي قومن عاونن على القش حملنه بالددسن عشان يروح اخوكن يدورلنا محل زين

    خلاص يمه اولااااه الحين نقوم

    اتفوووو اتفووووو عليج اتفووووو اتفوووووو عليج وعلااللي عرفني عليج

    << مها يتصل بك

    هاه هلا هلا مها وش صار عليكم طلعتوا

    ووه تسيف حنا نطلع وهالعله مابعد راح يحصد كراث الى هالحين

    يالله الخيره اللي مابعد حصد الكراث الى هالحين طاعونته متى بيحصد ترانا نبيه اليوم

    ايه معي علم قايلتن له مير من تحتسين عليه

    طيب وش عندتس متصله وش تبين

    ايه الله يخويتس ابقولتس ان فوز ارسلت لي تقول ان عادل معزوم وماتقدر تطلع معنا

    منحيني ماارتحتله عقب هرجته امس مير بالطقاق هي و رجله هالخكري

    وراتس تسذا الحين انتي على المرة

    زاد بعذري تقل اشحذه الجنه ماتسن الخبه والوناسه له

    عاد مهب مخليتن رجله وهي عريسه على حسابتس بعد انتي تحسبين كل الحريم مثلنا

    اشوا مير يالله بس خن اروح ازين لكن قشد

    يالله بعد انا ماقومت عيالي ولا ولمت شناطهم

    مع السلامه اجل وخلتس عجله ماودي يذن العصر وحنا بالديرة

    انشالله يالله مع السلامه

    جوجو روحي جيبي لي سمنه وطحين من المستودع خن ابحكر القشد

    طيب ماما

    جيبي معتس القفره اللي فوق الفزيزر

    ماما انا مافي معلوم قفر ممكن يزيب طهين وسمنه بس قفر مافي معلوم

    احدمايعرف القفر لحمن يابس ياملا اليباسه لاتجيبينه انا اروح اجيبه بس انتي جيبيلي الطحين والسمنه خن نقضي

    خلاص ماما انسالله

    اعنبواذي هالوره اقالنه ماتعرف القفر ياملا الفقر ماتنسه هي اللي حاطته ياملا الحوله

    خن ابتصل على امل اشوف وش صار عليه هي وبناته

    اخصمك آآآآآآآآآآآه اسيبك لااااااااااااااااا وقوى الروح حتفضل حبيبي اللي انا بهوااااااااااااااااه

    << سعاد يتصل بك

    هلا والله هلا براعيت الاوله

    هلابتس يابعدي هاه بشري وش صار عليتس عساتس ولمتي

    الله امستعان انا من زمان والمه مير احتري وليد ماجى من الاستراحه الى هالحين هو اللي يبي يجيبنا

    صدز عاد وينهوا دقي عليه ترانا حولتس حنا ننطلع

    لاااه والله اني دقيت عليه مير مقفلن جواله عسى مب نيم

    الله يستر مير اتصلي عليه مرتن ثانيه اغديه يفتحه

    اكيد انشالله اببتل ادقدق عليه الين يرد مير كود هالبنات يقضن من قومتهن البارح مانامن مواصلات

    وراهن مانامن الى هالحين تفوء اجل تتفوتهن الخبه ويبي يفوتهن التطعيس

    كل الليل والمسجل ينعر يسجلن اغاني بنات الدجه يقولن نبي نرقص بالبر ونختب

    :groupwave :groupwave :groupwave :groupwave

    هههه ياحليلهن بنياتس يوسعن الصدر لو ولدي يبي العرس اخذت له سما

    والنعم والله ماحنب لاقين مثلكم

    الله يدزاتس خير والله يالله اجل خن اروح ازين القشد مع السلامه

    الله يسلمتس ياحيي مع السلامه

    ماما خوذ سمنه انا مافي يلقى طهين وين ودي انتا هذا كيس صغير

    هو همانا امس كزيناه لام سعد جيبي من الكيسه الكبيرة ملى الطاسه

    ماما هذا كيس كبير خلاص

    ياملا الحوله ورا ماعلمتي بابا يجيب

    ماما انا قول حق بابا طهين خلاص بس بابا مافي جيب

    يابغضيل بابا اللي انتي تعرفين بعد والله من المهانه بهاك الادمي خلاص اجل مب لازم قشد

    ماما يودي سمنه حق فريزر

    ايه وديه وش انزينبه اجل الشكوى لله اغدي الحنيني يسد

    تفوووووووووو تفوووووووووو عليج تفووووووووو تفووووووووووو عليج وعلا اللي عرفني عليج

    << مها يتصل بك

    هاه وش اهنا

    اقول اذن العصر ماطلعنا اغدينا مخلين البر مرتن ثانيه

    وراتس تسذا انتي تراتس دايم تحوسيننا تسانتس مالتس خلق والا بريه عيا علمين لا تقعدين تقولين تسذا

    لايابنت الحلال ابراهيم ماله دخل بس تقل عندننا ابطينا وانا الى الحين ما ولمت

    انتي يابغضيلتس ماحد مفشلنا بالدنيا غيرتس انتي ومزرانتس وراتس ماولمتي الى هالحين وش قاعدتن تزينين كل امس

    امس قاعدتن افرد شعر وسن تدرين السبت عندهم حفله ووده تختب مع البنيات

    طاعون ورى ماجدعتيه عند ادنات مشغل انتي تفردينه

    ايه عاد فردته

    تتدمرين شعره زود انتي

    المهم

    المهم اننا نبي نطلع عندتس غير هالحتسي

    الشكوى لله

    اجل روحي ولمي قشتس وخلي عنتس القرق اللي ماخوذن خيره يالله مع السلامه

    مع السلامه الله يسلمتس

    اففف من هالمها اعوذ بالله عنده 9 ولاعترف تصرف الى هالحين

    << اذن العصر

    يالله يابنات امشن ركبنا

    يمه من انتي مواعده من يبي يطلع معنا للبر

    قايلتن لخالك منال وخالك الجوهرة وعماتك اماني واشواق ويبن يجن صديقاتي مها وامل ومنيره والا فوزيه عيا عليه رجله

    عاد انتي يوم صادزه عازمتن هالخكري بالبر والله من قل ماجى :war::fishing1:

    الشكوى لله ياوليدي لازم اقوله بابن يجيك منه ريح سده واستريح تجي منه احسن من انه تجي من

    انتي يوه معطتن الناس وجه المفروض انتس مزاعلتن فوزيه من يوم ماوافقت على عادل

    وش قالولك طاعون كبرك انا ازاعل لو هي اخذتن ابوك مازاعلته وش كاري من رجله انا

    هههههه ابوي عاد يالنصابه هههههههه

    ولد عيب عليك وجع احد يقول لامه يالنصابه

    امزح

    ياثقل دمك

    اقول يوه تراي منب قاعدت معكم ابحطكم واروح لم العيال

    وشوله تروح للعيال انثبر معنا اقعد طعس بالبنات يحول مشاوفاتن للبر

    بعد منب مطعسن باحد لاتقعدين تخوينن الحين وتجمعينهن لي بالصندوق تراي من الحين منب مطعسن باحد ابنام الين تمشون

    من زينك بعد جايدن بك مردي

    علمتس عاد

    امش بس اقول حرك رح دورلنا محل والا منك لقيت دق على ابوك وصف له

    خلاص انتم قضيتوا حملتوا قشكم والا باقي بعد

    لامابقى شي توكل على الله

    عزالله انه مابقى شي هذا وهي كشته انتم لو تخيمون وش تسوون والله ما يسدكم و لا عشر دينات

    يالله بس توكل

    مع السلامه

    الله يسلمك

    <<< الباقي بالعدد القادم[/align]


    [line]


    [glow=FF0000][align=center]يارب افوز بالباتشي يارب[/align][/glow]
    [align=center]


    [/align]

  4. #4
    مشارك جديد
    تاريخ التسجيل
    Nov 2004
    المشاركات
    41
    معدل تقييم المستوى
    0

    افتراضي مشاركة: مسابقه وجوائز قيمه لا تفوتك الفرصه

    مبروووووووووووووووووووووو وك عليك الباتشي يا الوفي

    تستاهلينه بصراحه

    لان ما فيه مشاركات ولا يصير الغي المسابقه

    الف مبروك أختي
    الزمـن , يفـرض سـؤال ! .. كـل اجاباتـه محـال .. !
    السعــادهـ شي واضــح .. ولا مـن وحـي الخيال ..¿!
    في بـدايـات الأمــور .. تبني أحــلامـك قصــور ..
    ولمــا تتعمّــق .. على نفســك تــدور ..!
    كلنــا محــد سلمـ .. مــن تعاســه أو ألمـ ..
    بس منهـو اللي فينــا .. مـن وسـط " قلبــــه " .. إبتسمـ .. ¿!!

    ------------------
    -------------
    -------

  5. #5
    الصورة الرمزية فصولي
    تاريخ التسجيل
    Mar 2004
    الدولة
    ساكن لحالي
    المشاركات
    613
    معدل تقييم المستوى
    21

    افتراضي مشاركة: مسابقه وجوائز قيمه لا تفوتك الفرصه

    مبروووووووووووك


    الوفي
    [flash=http://www.lbab.net/uploaded/100009.swf]WIDTH=450 HEIGHT=250[/flash]



  6. #6
    مشارك جديد الصورة الرمزية فتون
    تاريخ التسجيل
    Feb 2005
    الدولة
    الرياض
    المشاركات
    44
    معدل تقييم المستوى
    0

    افتراضي مشاركة: مسابقه وجوائز قيمه لا تفوتك الفرصه

    ألف مبرووووووووووووووووووووك الوافي
    تستااااااااااهلين
    تؤي أدري عن المسابقه عيدوها خاصه إن الجائزه تغري<<تمووووووت في الباتشي

المواضيع المتشابهه

  1. ((مدينه كامله من أعواد الأسنان)) لا تفوتك
    بواسطة عبودي الميلاني في المنتدى الصور الطبيعية العامة
    مشاركات: 7
    آخر مشاركة: 05-20-2009, 12:28
  2. مسابقه
    بواسطة الشذري في المنتدى قطـــرات وناسة (زقرتيه)
    مشاركات: 9
    آخر مشاركة: 05-21-2008, 00:13
  3. لو اتيحت لك الفرصه ان تكتب علي جدار الزمن فماذا ستكتب ¿
    بواسطة سمووو في المنتدى من كل بحر قطرة
    مشاركات: 21
    آخر مشاركة: 03-07-2008, 23:20
  4. الرخيص ماله قيمه بدنينا
    بواسطة شقــــــاوه رووح في المنتدى منتدى الشعر والشعراء
    مشاركات: 1
    آخر مشاركة: 12-22-2007, 16:45
  5. معلومات قيمه (هل تعلم )¿
    بواسطة الوفاء في المنتدى قطرات من التعليم
    مشاركات: 6
    آخر مشاركة: 10-31-2007, 21:34

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •