الموضوع: ياللي زعلت ازعل

يالي زعلت إزعل ولاني مراضـيك
أشرب كدر ماي البحر كانه أرضـاك
لا تحسب أني عقب صدك بداريـك
بأعز نفسي عنك مـدراك مــدراك
أربـع ســنين وأنا متحمـل تغليك
راضي بتعذيبك لأجـل قلبٍ أغــلاك
وخليتني واليــوم والله لأخـليـك
وأدوس قـلبي لينـه يقـول خـــلاك
قبـل توريني الحسـاير بأوريــك
ليمن يقـال فـلان هانــــك و ورآك
كـانك تحداني فأنـا أقبـل تحـديك
وأنسى الغـرام اللي مـضىوأتحداك
مـاني بقايـل لك عسى الله يهنيـك
الله يحـرمك كـل مـا كان هنّـــاك
عـسى العمـى ياخاين العهد يعميـك
فوق الغرور الي عن الماضي أعمـاك
وعسـاك ما تسمـع قريب يناديـك
حيثك تجاهل صوت محـروم نـــاداك
وعسى الشلل يعـوق رجـلٍ تمشيك
لـينك
تندم ليه غـيرت ممشــــاك
وعسى حياتك بس فرحـة لشـانيك
يلقى بها الفـرصـة عدوك ويشنـــاك
وعسى الليـالي الي تجيني بطاريك
يصبح عليها الصبح ويموت طريــاك
وعسى المنـام وكل راحة تجافيـك
آمين حتى اللي تمنــاه يجفـــــاك
وعساك ما تفـرح وتكثر بلاويـك
وأمك تشق الجيب من عظم بلـــواك
وإلى مت جعلك في جهنم تصاليـك
نار الجحيم ونار دنياك تصـــــلاك
الله يكـره فـيك حـتى دوانيــك
غشـاش خـاين من من الناس داناك
هذه النهايـة روح والله يجازيــك
أمسـك ويومـك عنهم الغد يجـزاك
طلال سعيد