هذه كلمات مسروقه من دفتر طفل كتبها بالعامية اللغة ودهشة السؤال!!

[ملكة الحنان]

[fot1]هذه كلمات مسروقه من دفتر [/fot1]
[fot1]طفل كتبها بعامية اللغه..ودهشة السؤال[/fot1]

السبــــت:

فتحت عيوني..أدور عن نور..أمروني <غمض>..و...غمضت..بعدها ما

شفت لا ابيض ولا اسود !


الأحــــد:

كنت أسمعهم يقولون:<ألعـ......¿¿.!>,<يا حمـار....>,<يا حيوان>, <يا

ثور>,<يا بقرة>,<يا لوح>,<يا جدار>...

فتوقعت اني في حديقة حيوانات..فتحت عيوني ابغى اشوف

هـ(الحيوانات)..قالوا لي:"ما يصلح تشوف قلة أدب"..

سألتهم:طيب..في عصفور¿¿

صرخوا في وجهي:<انطم وغمض>..!!



الاثنيــــن:

سمحوا لي اشوف التلفزيون..كنت لحالي منسجم مع أفلام كرتون..دخلت

امي..وكان ابو عائلة ادمز(يبوس) أمهم..ركضت امي ..غيرت القناة..

وصرخت بأعلى صوتها.."عيب عليك..قاعد تشوف قلة أدب..!!"

ناظرتها بكل براءه وانا متعجب من اللي صار:"طيب وش صار¿¿أبوهم

يبوس أمهم!.."

قالت لي وهي معصبه مرررررره(التبويس..قلة حياء!!)


بعدها بأسبوع..شفت امي تسلم على ام الجيران و(تبوووووسها)..قلت لها

وانا كلي أسى"يا ماما..التبويس قلة حياء!!.."



الثلاثـــاء:


كانوا بنات خالتي عندنا..وكنت الولد الوحيد اللي يلعب معهم..وأبوي بس

يبحلق عيونه فيني وين ما رحت ووين ما جيت..

بعد ما راحوا..ناداني أبوي وقال:"عيب الواحد يجلس مع بنات..قلة أدب..!"


بعدها بكم يوم..كان أبوي جالس مع عماتي..ناظرته بطرف عين(وتبون

الصدق حقدت عليه)..

وقلت له:"اللي يجلس مع بنات..قليل أدب!!"


الأربعــــاء:

كنت اسمعهم يقولون(صدام قوي)..وأعجبني...بعد الأزمه..قالوا(حرامي

ومجرم)..

سألتهم:كيف¿¿!!..قالوا:"حرامي ومجرم..وبس..واسكت..!"


وكنت أسمعهم بعد يقولون (جيم كاري..فاسد)..فكرهته على طول..وكانوا

يشوفون أفلامه..ويضحكووون..

كنت أسألهم"ليه تضحكون¿!..ما تقولون انه فاسد"...قالوا..ورا ما تنطم

بس.!¿¿




الخميــــس:


أبوي يقول<االتدخين>حرام.. واللي يدخن يدخل النار..وفي يوم شفت ابوي

جالس مع صديقه أبو حمد..وأبو حمد ماسك السيجاره بيده..

وقفت وسألت ابوي""طيب اللي يجلس مع اللي يدخنون..يدخل النار

بعد¿!!!"




الجمعــــة:

أسمعهم يقولون..ان اللي يطول في مكالمته يغازل..واللي يروح للسوق

يغازل..واللي يعرف انترنت يغازل...

وامي تطول على التلفون,,وتروح للسوق,,وتطقطق على الكمبيوتر..

رحت لأبوي وانا مصدووووم::"أبوووووي الحق..


أمي تغازل!!!!




للاسف هذي صور من المجتمع ..




لكن سؤالي ...


لماذا لانوضح للطفل المقصد الأساسي من هذا المنع أو من كلمة (عيب) ¿!

حتى لا يعمم كل مايراه ويُطبّق عليه هذا الوصف ..

كمافي الصور السابقه !!
بالطبع هم لم يقصدوا ماقصده الطفل ولكن لأنهم لم يوضحوا له

ويفهموه لماذا عيب ولماذا حرام

راح ينظر لكل تصرف من زاوية مافهمه هو !

فما الفائده اذاً من التربيه إذا لم نوضح هدفنا الأساس لأطفالنا ¿!ا


اتمنــى ان أرى نقشاتكمـ





[fot1]ملطوش لطشا محترما[/fot1]

[ولد الرياض]

مشكووووووره على الموضوع الحلو
والله لا يحرمنا من جديدكي

[اشين واحد]

صدقتي خيتو

مكلة الح ـنـان

وربي هاذ1 الشئ إللي يصير في وقتنا الحاظر من تعامل وتنفيذ امام اعين الاطفال ,,

لا والمشكله زي ماذكرتي إنهم يقولون له [ عيب ] والطفل بنفسه بعد فترة يحصل اللي قالوآ له لا تسوي كذ1 ترى عيب يحصلهم يسوون زيه ,,

بـس ما اقول غير الله يستر علينا وعلى اخواننا المسلمين في كل مكان ,,

ووجهة نظري من ناحيه التعامل هذ1 والوضع هاذ1 غلط كبير بعين الحق طبعآ لإن الطفل يستحقر نفسه ويقول [ ليش انا ما يخلونني اسوي وهم اللي يسوومنه ويمنعونني منه¿ ]

المفروض يخلون الطفل امام الصورة بالحق وبالباطل عشان ما يأثر فيه بيوم من الايام ,,

وأشكـرك عزيزتي على طرح هاذ1 الموضوع الجميل والرآئـع وآتمنـى الكل يشـآرك فيه ويبدي وجهة نظره اما هاذ1 الموقف ,,

تسلم يمينك عزيزتي لا عدمناك ,,

":" دمـــتِ بــوٍوٍوٍد ":"

[SôFt G!Rl]

من جد ماخرب العيال

الا معاملة الاهل لهم

لانهم مايوضحون لهم الصح من الغلط

واذا سالوهم قالوا لهم اسكت بس

ولا بعدين اعلمك

من جد الاطفال خاصه يحتاجون تبريرات لاسئلتهم

يبغون اجوبه صحيحه

لانه هي اللي راح ترسخ بمخه لما يكبر

بس للاسف انشغال الاهل

دمر الاطفال

ما اقول الا الله يعيييييين الجميع

:::

ومشكوره يالغلآ

على الموضووع

ننتظر جديدك