الموضوع: خير البشر صلى الله عليه وسلم

في عيني اخيل بـراق الحيـا لـه وقيـد
والرعد يجهش بصدري والمزون امطـرت
ذكرت خير البشر فاهتز عـرش القصيـد
واخضر روض المعاني والحروف ازهرت
جتني القوافي تسابـق فـي زحـامٍ شديـد
على جميـع الطواريـق البحـور اقبلـت
لها بصـدري دوي النحـل واللـي تريـد
اعظم شرف لو بذكر اعظم نبـي سطـرت
هلت شآبيـب رحمـه لينـت كـل حيـد
حتى الصحاري بذكر ابرك رسول اخصبت
سنابلٍ من ذهـب ماهـي سنابـل حصيـد
رمالـهـا سبـحـت لله واستـغـفـرت
ياسيـدي يارسـول الله جهـدي زهـيـد
في نصرتك لو بذلت الـروح مـا جملـت
ياسيدي ياحبيبـي مـا بقـى لـي رصيـد
غير الذي لك بقلبـي والـدروب اغلقـت
آعيش خيبة أمـل وابـات طرفـي سهيـد
تسامر الدمع عيني مـن قهـر مـا غفـت
ياسادة القوم صـح النـوم مـل الصعيـد
ثقـالـة ابدانـكـم واذانـكـم سـكـرت
إلى متى الصمت في حق النقـي الشهيـد
رسولكـم فخركـم فيـه الأراذل حـكـت
حكت بمـا هـو منـزه عنـه والله شهيـد
يعلم بمن ينصـره منكـم ومنهـو سكـت
واذا تخاذلتـم المولـى العزيـز المجيـد
ماهو مخليـه لـه حكمـه بهـذا قضـت
الله كافـيـه .للمستهزئـيـن الـوعـيـد
في (سـورة الحجر)آيـه ثابتـه ماخفـت
واذا الله انـزل عذابـه فانتقامـه شـديـد
لقوته كـل قـوه فـي الوجـود اذعنـت

م ن ق و ل