مصيـــوٍل .. وآخر الترقيـــم ..( أفطس ظحك) . ..

[اذكى الغبيات]

السلام عليكم ورحمه الله وبركاته ..
اخباركم ان شاء الله تمام ..¿¿
نبدأ القصه مع مصيول ..!!!


أول الصبح الوالد رايح الدوام ومصيول رايح المدرسة والبنات على الروضه الولد مصيول مسوي كبير يضرب البنات كل صباح يقول إنهم ما يسمعون الكلام




(( والله لو إني موجود لأسطرك تسطير ما عمرك شفته ))




وبعد أسبوع على بداية المدارس الأخ مسوي شبابي وحق تجمعات ولا عليه من احد قال للشباب اليوم طالعين العليا




(( مسوي يبي يرقم ))




هو عاد دجه ما عنده ما عند جدتي المهم جا الوعد الشباب ينتظرونه هو الى معاه السيارة




ومصيول يتكشخ طالع العليا أول مره في عمره




(( والله ما يطبها قال بيطلع ))




راح يستأذن من أبوه يقول عشان الله يوفقني وأرقم زين راح قال: يبه أبي مفتاح السيارة لو سمحت عندي مشوار قريب ساعتين وجاي قال: أبوه علا وين إنشاء الله يا ما البلا




(( الولد كبير خلاص يسوق سيارة ))




قال : يبه انت عارف الأيام هذي قرب العيد




(( يقصد رمضان الافدغ ))




والمشاوير كثير أبي القط لي كم ريال عشان عندي طلبات أبي أكملها




(( مسوي يبي يعتمد على نفسه )) قاله أبوه : شف المفتاح في الثوب بالمقلط بس تعال انت ما تقولي ليه متكشخ تقول رايح عرس




قال مصيول : لا يبه الله يهديك هذا لزوم الشغل . راح الولد واخذ المفتاح وعلى العليا والسيارة مليانه أخوياه متعفصين جوتها ما عمرهم ركبو سيارة معا واحد خويهم .




مصيول شاف بنت تمشي على الرصيف




(( المصيبة إن البنت متزوجة )) البنت كتبت رقم لوحة السيارة ***** قال واحد من الداجيين إلي معه أنا اعرفلك سوق فيه بنات كثر شعر راسك





قاله مصيول وليه ما قلت من بدري انت وخشمك هذا تقول كنداسه




(( يتكلم عليهم زي ما يبي هو الى مركبهم سيارة )) وعلى السوق على طول يوم وصل شاف وحد كاشفه عن وجهها وتأشر لليموزين (( الرجال يحسبها معجبه فيه !!! امحق إعجاب )) مصيول طلع من طوره وتهور يبي يستعرض يقول والله أبي اعقد بالسيارة قدامها عشان تركب معي




(( قمة في التخلف ...))




الرجال ينطل الأولى وينطل الثانية والثالث .... في العمود............ المصيبة الكبرى (( الى معاه في السيارة تبخروا ولا واحد قعد أنواع الجحدات )) وينزل من السيارة ووجهه مفقع من كل جهة





(( والله يستاهل من قاله )) الرجال مسوي مصيبتين الأولى مرقم بجوال أبوه والثانية صادم بالسيارة (( هذي ما لها حل خربت خلاص )) مصيول خلى السيارة وعط (( مسوي ذكي ))




ويروح البيت ويقول لأبوه والله ركبت معي ناس ويوم وصلتهم محل ما يبون ضربوني بالعصي واخذوا السيارة




***** الساعة الحين 10 بالليل دق الجوال وقال مصيول أكيد هذا وحد من اخوياي (( وأبوه مشتعل نار )) يرد مصيول إلا ذاك الصوت الي يحبه قلبك صوت بنت (( الولد ما عرف يتكلم )) وشوي قالت انت الي رقم لوحة سيارتك ******





أنا قالت أبي القاك وين ***** قال عند بيتنا ***** قالت وين بيتكم ***** قال بالروضه ***** (( الرجال ما يدري وش الي بيجيه***** أعطاها الوصف الكامل للحي مو البيت بعد ))




المهم في نفس الموعد الوالد كان طالع يبي يروح مركز الشرطة ولا الجوال يدق يرد الابو سمع وحده تقول انت وينك (( الابو مو منتبه همه في السيارة))






قال عند باب البيت قالت انظر الحين جايه (( مصيول يبي يصرف أبوه ما في أمل أبوه يقول أنا منتظرلي واحد الحين بيجي





وصلت المصيبة جاك هالجثه الي ما تدري من وين تطالعله ونزلت معه مره وقالت هذا هو إيه هذا هو الرجال من دون أي تفاهم اخذ مصيول وقام يرفع فيه ..



راح الشرطة ولقي السيارة في الحجز (( ما تنفع بريال معدومة )) اخذ السيارة على ونش ووداها التشليح وباعها بـ300 ريال ورجع البيت




مصيول ضميره أنبه (( عرق مصري )) راح يعترف لأبوه بالي صار (( والله مو ناقص اعترافات يالخبل ))وبعد ما أعترف بالجرائم (( أكيد بيقولون في الأخبار إن مصيول صار في عداد المفقودين )) أبوه قام وقال ياولدي كل واحد يخطي بهالدنيا




(( والله العقال ورا ظهره اهرب يالحمار ))




وأنت أخطيت لكنك اعترفت بالخطأ عشان كذا راح....... (( يقول في نفسه والله لا العن سابع جدك يالفسل )) أعاقبك




(( أنا عاد ما طالعت وش صار )) اليوم الثاني لقو مصيول في المستشفى (( طريح الفراش )) والسبب الترقيم




بعد كذا قطع عهد على نفسه انه ما يرقم لو على موته (( مسوي فارس قريش ))




والله الولد صار كبير ومحد يخاف عليه ***** أبوه طرده من البيت وأمه ماتت بجلطه (( كانت تقول قبل ما تموت لزوجها ترقم يالملعون بعد هالعمر )) وأخواته الصغار عند عمتهم – حصه - الحين هو يفكر في المستقبل (( امحق مستقبل )) يفكر يفتح خباز ويكون المدير (( يبي يحس انه مدير شركه )) وهو الى يأمر وينهي وكلمته ما يثنيها :




لكن القدر حده انه يكون ممثل سينمائي (( لكن في البيت )) يقدم أفضل أعماله على قناة الفيديو المنزلية (( هذي خاصة فيه بس )) هذي القناة تبث عن طريق غطى القدر الي فوق السطوح ويستقبلها دش عمته – حصه – عشان أخواته يشوفون أفضل الأعمال السينمائية (جاكي شان )




لقى مصيول وظيفة حارس امن في احد المراكز التجارية الكبيرة ولكنه ما وفا بعهده رقم أربع بنات وانضرب مرتين وكسب وحده وتزوج الاخيره



بعد كم سنه (( وبحنكته )) صار مدير فرع بنك في التخصصي وصار عنده بنتين وولد وصار إنسان محترم وله قدره في المجتمع وعاش احلي أيامه مع زوجته وأجمل أطفال في الدنيا *****(( الله يهنيه )) .



مــــنــــق ـــــــــــــووول لعنونكم

[شـكـولاطـهـ]

ههههههههههههههههههههههههه هههههههههه


الله يرج بليستس على هالصبح


مشكووووووووووووووووورة

[حرآمي مطنووخ]

ههههههههههههههههههههههههه ههههههههااااي
ههههههههههههههههههههههههه هههههههههاااي

اوما قصته دللللللللللللع رهيبه :biggrin: هههههههههههههههااااي


الله يرجه اثريه مجرم هالخبل :biggrin: هههههههههههههههههاااااي


بس شوفي يوم كبر عقل الله يهنيه :biggrin:


تقبلي مروري :biggrin:

[حلوه وشقيه]

هههههههههههههههههههأأي




الله يعطيك العافيه

[اذكى الغبيات]

ههههههههههههههههههههههههه هههههههههه


الله يرج بليستس على هالصبح


مشكووووووووووووووووورة

العفوو

[اذكى الغبيات]

ههههههههههههههههههههههههه ههههههههااااي
ههههههههههههههههههههههههه هههههههههاااي

اوما قصته دللللللللللللع رهيبه :biggrin: هههههههههههههههااااي


الله يرجه اثريه مجرم هالخبل :biggrin: هههههههههههههههههاااااي


بس شوفي يوم كبر عقل الله يهنيه :biggrin:


تقبلي مروري :biggrin:

ههههههههههههههه

[اذكى الغبيات]

هههههههههههههههههههأأي




الله يعطيك العافيه

الله يعافيك