الموضوع: (بعد الدار)....

(بعدالدار)...

تداعيت الفراق ولادريت اني عليك اذوب
............. من الفرقا وبعد الدار والطرقه ومنزالك
وأنا ماهمني لو قلتلي مالك علىّ دروب
............. وانا اشوف اول دروبي عليك إحساسي اقبالك
عرفتك قبل اعرف ان الهوى به غالب ومغلوب
............. ولكني عرفت اني انهزمت ومنك ولحالـــك
صغير ماعرف وشهو خطاه ولا عليه ذنـوب
............. كبر ثم شال اعماله اللي كلها اعمالــك
ياليت الحب كان اعمى بصيرة مايدل قلوب
............. أو ان القلب كان اعمى ولا دلك ولا جــاك
وانا ياليت لي ماض(حبيب)وحاضر (محبوب)
............. اجيهم لاتذكرتك وحن القلب لوصـــالــك
تعبت اعيش في دنيا بها شفت الشروق اغروب
............. توديني على حلك ولااجني غير ترحـــالك
ودام القدر مكتوب هانت والقدر مكتوب
............. اجل ليه الفرح ياعين وانت الحزن من فالك