الموضوع: ياحلاوة صرختك والحر تكفيه الإشاره

[align=center]

ما انت في غزه وحيد إلا معك عشرين دوله : : يـا نهارا كل ماله يسقي الليل المراره

........................

ما عليك من الفوازير الفوازير إمحلوله : : البطل يا شيخ ياسين إن شكى التاريخ عاره

..........................

قوّم الدنيا وطش ابها وراه وقال قوله : : والبطوله تارةٍ تشرق ضحى وتغيب تاره

...........................

يا بطل علمتنا كيف أبجديات البطوله : : إنت لا من قلت - لا - صدّيت لك خمسين غاره

.......................

وانت لا قلت -إيه - تشحن لك ميَة صوله وجوله : : كل وسم بجلدك الصوّان طيّر له شراره

........................

يا شموخا تنحني له هامة الدنيا خجوله : : وإن حنت ظهْرك كرابيج ٍ تعز أسخف حضاره

.........................

ما تـذلـّك وانت ممتلي دين ورجوله :: بس حدثني حديث الما لعشّاق الطهاره

.......................

عن بلادٍ صار للجغرافيا فيها ألف صوله : : عن مخيماتٍ تـنشد الفزعه زياره

......................

عن رجالٍ لا نفاق ولا خنوع ولا عموله : : عن جرادٍ اسمه - أطفال - الحجاره

.....................

القـدر بالحرب عوّضهم مراجيح الطفوله : : عن عروسٍ فجرت عشرينها لعيون حاره

....................

واذكروا سكانها أيامٍ من الخنسا وخوله : : عن هـذيـك القبه حلمنا واول مناره

..................

بيلسانٍ عزه الله واحتضن مسرى رسوله : : عن حماس الرايح اللي كل ما ذعذع سماره

...................

لان وجه القاع واهـتـز البحر عرضه وطوله : : عن زغاريد البنادق هي تظاهر بالغزاره

.....................

عن عصافـير البيـادر هي تحلّق بالسهوله : : عن شبابيك اليد اللي حرّمت لمس الستاره

...................

عن رغيفٍ من صباح الله قـليل اللي ينوله : : عن سما الموّال وارض الدّبكه ورقص العباره

...................

والتـفـاصيل الكثير وخطوة الذهـن العجوله : : عن يسر مدري عسر مدري كسر مدري جباره

......................

هـدنةٍ لعيـون عيدٍ ما درينا عن حلوله : : جيلنا مل الجـرايد ما لقى فيها بشاره

..................

واكثر الاجراس خرسا والزمن هذي فعوله : : ما وعينا الا على النكسه وموال الخساره

....................

نحسب اللي وسط بال اجدادنا نقـدر نطوله : : يا حرام الحر أجل ما عاد تكفيه الاشاره

: : : : :

الشاعر نــاصر القحطـاني


http://www.islamonline.net/arabic/alhdth/2004/03/22/article00.shtml

***

لكم مني خالص التحية والتقدير

اخوكم

فيصل[/align]