-«¤¶ العنـود ¶¤»-

[أمير الأحلام]

[align=center]مـن يسلينـي لياضـاق بعيونـي فـضـاي
دام مايملـى مكـان العنـود إلا العنـود ¿

من يبدد فـي الأحـزان مـن همـه عنـاي
من عطيته جود وأخجل عطاي من الوجـود¿

من يقدر طيب مجنـاي مـن ينصـف وفـاي
من يرتبني لياتهـت مـن ضلـم الجحـود ¿

من يراعي كبريائي ومـن يفضـح صبـاي
من يعاتبني وأصير استحي من كـل نـود ¿

من يلاطفني غلا .. ود.. قبـل أطـري غـلاي
كل ماحاولـت ازيـده وفـا قبلـي يـزود ¿

غير غيداً تزرع الحـب ليـن أزهـر حشـاي
جعـل يوم﴿ن﴾ صافحتنـي طهارتهـا يعـود

وجعل روض﴿ن﴾ ضمها شوق يورق من دعاي
عـام ما يفقـد لميـع البـروق ولا الرعـود

صوت رجع الغيث بالقـاع ينسينـي شقـاي
يرهجه عقب البطـا ليـن يثمـر كـل عـود

منه جيٌان ﴿الضفر﴾ نصف عشب ونصف ماي
لين يجتـاح البسـاط الخضـر حـد النفـود

يختلط نبته ويرضـي غـرور أجمـل هنـاي
لين ترمـي شالهـا غـي وتغـار الـورود

وجعل قلب﴿ن﴾ مايراعيك يرحل عن سمـاي
كل ماشاورنـي أغليه¿ قلـت إرقـى سنـود

منـه سرٌيـت الركايـب وطهـره منتهـاي
دام للعشـاق سـيـره وللعـفـه صـعـود

أقبلـي مالـك ديـار وربـيـع إلا حـشـاي
وإسكنينـي حـب ليـن أحتويـك بلاحـدود

ماسكن غيرك ومن قـال يكـذب مـن وراي
كـل ماعشتـه وهـم لاعفـاف ولاعـهـود

وإن تغنابـك قصيـدي مـن أدنـاي لمـداي
ماكتبتـك شعرمـن لاشـعـور ولا بــرود

وإن سألتيني عن الحـزن وأسـراره معـاي
قلت مـن غبـر الليالـي وحظ﴿ن﴾ مايجـود

شحـت أيامـي ولاقـدرت مبـدا سـخـاي
راس مالي حلمـي العـف مـع شلفـا وذود

آه لودنيـاي تنصـف نخيـت وقلـت جـاي
إن ملكتك عز وإن ضعـت لعيونـك إسهـود

ومن يسلينـي لياضـاق فـي كلـي فضـاي
من تميـز بالحـلا والغـلا غيـر العنـود[/align]

[شــــاطر]

مرحبا

اخوي أمير اليوم قاعدك على رجل

ومن يسلينـي لياضـاق فـي كلـي فضـاي
من تميـز بالحـلا والغـلا غيـر العنـود

صح لسانك



قلتها من الاول ------------> دام مايملـى مكـان العنـود إلا العنـود ¿

الله يعطيك ألف عافية أخوي أمير

تحياتي

[أمير الأحلام]

والله أنك صادق ومافي أحسن من العنود