نسيـت أنسـاك

[أمير الأحلام]

تجاهلتك تناسيتك نويت انسى غرامي فيك
وفعلا كنت أنا بانسى ولكني نسيت انساك

جبرت الكلمه بلساني وجيت وكلمتي ما أبيك !!!
ولكن ضاعت اعلومي وقلت ابلهفتي أغليك

عجيبه كل ما يبعد يسيرني الوله واجيك
تصور من كثر حبي أشوف البعد هو لقياك

ألا يا متعب روحي ترى وأن كان مايكفيك
سهر عيني وتعذيبي وهاجوس خذاني هناك

ترى روحي تحت امرك وقلبي يالغلا بيديك
تدلل كلي لعيونك ولو تطلب حياتي هـــاك

كفايه تجرح احساسي واقدم روحي لجل ارضيك
أزعل كل هالعالم وهمي بس هو رضاك

عطيتك كل مااملك ولو تطلب بعد بعطيك
فداك العمر واشعاري وروحي كلها تفداك

كتبت الشعر وابدعته وكله لجل عينك ذيك
تشوفه يا كبر حظه يحظك يا شعر يقراك

تصدق !!! كيف أنا بنسى شعوري أو غرامي فيك
يجوز أنسى أنا نفسي ولا يمـكن أبدا أنساك

[نديم الليل]

الاخ/ اميــــــــــر الاحــــــــــــلام


اشكرك على المشاركه الرائعه

وسجل اعجابي في جميع مواضيعك

صراحـــــــــــــــــــــ ــــــــــــــــــــه

ابـــــــــــــــــــــــ ــداع .. ابـــــــــــــــداع

الى الامام اخي..

تحياتي

اختك/ نديـــــــــــ الليــــــــــل ــــــــــم