الموضوع: الخاينه ارجووو الدخول...........¿

الســـــــــلام عليــــــــــكم

هاذي قصيدة اعجبتي وحبيت انقلها لكم

اسمها خاينة الإيميل وااااخ من فضايح الإيميلات هالأيام

الله يكفينا شرهم

تفضلوا


خاينة الإيميل... بس ياليت قبل ما تقرون تسمعون الشعـر ليسهل عليكم شوي

والأن مع الخـاينـه ...¿






وهاذا الرابط اذا ماشتغل معاكم


http://songs.dubaimoon.com/arshef/5aaynh-alemeel.ram



خاينة الإيميل

تعلمتي على الإيميل وعندج على المسنجر ناس
حلفتي لي صديقاتج وياما جذب الحالف
صدفة صاقها ربي وبلا قصد عرفت الفاس (password)
فتحته وشفت كم صورة معاهم كم رقم هاتف
انا وش ذنبي يوم اني عطيتج صادق الإحساس
لعبتي فيه وما صنتيه بكذب احساسج الزايف
ترى اعرق اللي مثلج ولو طال الزمن دساس
واذا فيج الغدر مذهب ترى مسموحة ما يخالف
عرفته مذهب أمثـالج وكل شي راجع من الساس
وانا ما عاد يعنيني غرامج صار شي سالف
طفح جدرج من الزحمة طلع مافيه بلا ملاس
فضح امرج غباء وطيش وقلبي صار لج عارف
فضيحة ذوقج الواطي محتفظه بصور نسناس
عمى يعميج يا فلانه على الصورة ترى صارف
بعد يومين يتكشخ وعلى كرسي المصور خاس
بتوش ورسم لعيونه وخشم لويهه مخالف
وصورة ذاك المعضل مصور لج بدون لباس
صحيح اللي اختشوا ماتوا فقدته ذوقه التالف
قوية عين ما تخيلين ولا تحشمين عالي الراس
قليلة اصل من يومج انا الغلطان انا عارف
لكن والله ما ارجع قدرج تحت ريلي انداس
بعد ما خنتي الباقي وبدلتيه بالذالف
عيشي اليوم ندمانه وذوقي الهم والوسواس
وانا غيري بيوفيلي ويضمد حرجي النازف
بكملج بعد ساعة متأخر وعندي كلاس (class)
اذا في وقت تنتطرين على الإيميل بنتشاوف
واذا مشغولة لج عذرج عندج دوري عندج كاس
مثل جدر الهريس اصبحتي كل من يغرف وهو طايف
رخيصة وبيزة ما تسوين وحبج قمة الإفلاس
ومن مثلي رفيع الشان حرام وياج يتوالف
لعبتي من ورى قلبي وفضح لعبج شديد الباس
واذا غمضت انا في يوم ترى رب الملا شايف