الموضوع: الشاااااعر\ قدساوي

أحـس إني إذا شفتك أتوه بعالم التفكـير
تحاصـرني المشاعر فيـك وتطلق سربها ويجيك

قصايد حبي بكتبها ولو خـانني التـعبيـر
أبكتبها على يدينك وأضم يدي على كفيك

شعرت بسحرها يسري وينبض خافقي ويثيـر
وعاهدتك بكل إخلاص وعهدي إنكتب بيديـك

ولا يمكن أخون العهد ولا يمكن يجيه تغييـر
ولو باعوك كل الناس أنا لك بالوفا أشريك

ومهما حاول الحساد أقول الي يصير يصيــر
مدامك سـاكنة قلبي بعيني تشـوف كيف أغليك

إذا تبغـى تشوف قدرك تراه هو عالي التقدير
لأنك صـرت لي القلب وروحـي ساكناتٍ فـيــك

أشـوفك تمشـي بين الناس ولكنك حقيقة غـيــر
عجزت ألقى أحد يشبهك قلت يارب بس يحميك

هذي نبــرة إحساس وإحساسي مـعـاك بخــيـر
إحساسـي معاك حتى إذا أخطيت جاك يشكيـك

أحـس بـلهفة العطشان لمويه لو تجـيـة تقطـير
وأحس بلهفة العميان لنظرة وتسأليني اشفيك¿

أحس بالقلـب له جنحان ولو وده يجيك يطـيـر
ولو مكتوب أموت بيديك طلبتك ادفنيني فيك



قدسااااااااااااااااااوي____ ______________