توك صغيره

[رفيع الشـــان]

من طول الغيبات جاب الغنايم

بعد هذا الانقطاع الخارج عن الاراده اهديكم هذه القصيده



توك صغيره وابتديتي تحبين = من علمك ليل السهر ياصغيره ¿

بدري عليك العشق يابنت هاللحين = حرام هذا القلب وشهو مصيره ¿

انتي بريئه في الهوا ليه تشقين¿ = دروبه طوال ٍ عليك وعسيره

رحتي بدرب ٍ ماله اصلا ً عناوين = وانتي مشاويرك من اول قصيره

ياطفلة ٍ حبّت وراحت على وين ¿ = عقب الهنا ذقتي الحياه المريره

وينك ووين الحب والشوق والبين ¿ = عنّيتي عيونك وصرتي سهيره

امحق تسلّي كان ودك تسلّين = الورد لولا اللون وشهو عبيره ¿ ¿ ¿

خلّيتي دروسك وصرتي تحاتين = الدرس في ديره وصرتي بديره

وصرتي بعد من غير هذا تغارين = والمشكله يابنت منتتي خبيره

نصيحتي لك كان ودك تردين = يم السعاده والحياه المثيره

خلّك بجو العايله لا تعدّين = ماما وبابا والعجوز الضريره

شيبانك اللي ما يبونك تعانين = من بينهم عشتي كأنك اميره

الحب قبلك هز ناس ٍ كثيرين = خلا القلوب تعيش هم ٍ وحيره

والحب يفضح لا انكشف داخل العين = وانتي بنفسك ما هقيتك بصيره

طيعي كلامي واحذري لا تمادين = تراجعي لعل في الأمر خيره

عيشي الطفوله والبراءه لك سنين = وبعدين حبّي لا غديتي كبيره

[الوفاء]

الله عليك رفيع الشأن


اختيار رائع سلمت انامل ناقلها وكاتبيها



يعطيك العافيه


تحيتي

[غــــــــالى]

واللـه اختيـار رائـع اخـوي رفيع الشأن


باانتظـار الاروع والاجمـل


تحيـاتـي

[أموووولة]

فعلااا اختياار حلوووووو


الله يديمك لقطرات