مروووووق
10-21-2002, 03:38
سلام مربع ومثلث ومتوازي الاضلاع
الصراحه ياجماعة الربع انا مقصر بالتواصل معكم لكن العذر والسموحه ..
وعلى طاري التقصير ودي اكتب موضوع ولا ادري وش اكتب كل ماخطرت ببالي فكرة انلطشت وفي رواية اخرى اننطلت وفي زمن العولمه انسرقت
وعلى طاري السرقات ليش انتشرت هاليومين السرقات يعني الواحد الحين مايضمن شي بكرى القى موضوعي هذا مسروق ونازل بنفس المنتدى كخخخخخ <---((لايكثر..بس)) عاد تصدقون فيه واحد دلخ مر على منتدى ولقى موضوع لكاتب بذاك المنتدى يحش فيه بالاعضاء وعجبه تعليق ذا الكاتب والله والرجال ماكذب خبر وضف الموضوع بالاسامي اللي فيه ولصقه بالمنتدى اللي يكتب فيه كخخخخخخخخخخخخخخ دلاخه منقطعة النظير
وعلى طاري الدلاخه ليش اغلب السعوديين فيهم دلاخه مايعلم بها الا الله وانا اولهم بلا فخر .. فيه مره كنت معزوم عند واحد من الشباب وهو بالمناسبه زميل عمل وكان مسوي عشاء بمناسبة ترقيته وكان فيه ناس كثيرين واغلبهم من اقاربه وجلس جنبي واحد واستلمني اسئله انت من وين وين تشتغل ويوم عرف اني زميل راعي العزيمه بدأ يسألني عنه وانا ماقصرت عطيته كل المعلومات اللي يبيها واللي مايبيها وجلست اسولف له عن اشياء تخص خوينا والصراحه مدري وش اللي خلاني اطلع فضايحه <--------((لحد يعطيه سر ثمن يندم)) المهم بعد يومين اتصل علي زميلي وهو متضايق قلت له عسى ماشر وش فيك قال ابد بس اهل خطيبتي زعلانين فيه واحد فضّح بي عندهم <--------((يلعن ام الفضيحه)) طلع ابو الشباب اللي مستلمني اخوهااااااااااا
وعلى طاري الفضايح ليش الناس يحبون الفضايح يعني تحس احيانا ان كن محد عنده شغل غير انه يدور فضايح العالم حتى الاخوان وهم الاخوان تلقى واحد يفضخ اخوه وكن الجو متعكر بينهم
وعلى طاري الجو ياعندنا جو هنا يحوم التسبد يعني لو تقارن جونا بجو اي دوله ثانيه تحس بالمغص واللي قاهرني انك بعز القايله تشوف شباب يفحطون ويدوجون بذا الشوارع كنهم ليموزينات.. مدري وش اللي حادهم
وعلى طاري الليموزينات ياخيييييييييييييي ذا الباكستانيين يافيهم نشاط غير طبيعي تحس ان امهاتهم من يوم دحدروهم الين كبروا وهم يدغون من حليب امهاتهم ماهم مثلنا اول يومين وبعدين الله يخلي النيدو <-----((كخخخخخخخخ))
بس ماتلاحظون ان الباكستانيين يقدّرون البخاري تشوف الظهر الواحد منهم جالس على حبة دجاج مع الرز وعبوة سفن اب واذا شبع ترغ ترغتن خلت المروحة اللي بالسقف تاخذله كم دوره على نفسه ومن زين الريحة تشوف المروحة سكرت خشمة و لبست نعولة وطلعت
وعلى طاري الريحه ياجماعه عندنا شغاله ريحتها تصرع اي كائن حي وهي مبيد لأي كائن غير حي وإن دخلت هالشغاله لأي غرفه تقعد ريحتها بهالغرفه لمدة يومين ماتشوف بالغرفه اي اثر لأي حياة من أي كوكب , اذا صادفتك شغاله من هالنوعيه ماعليك سوي تبليغ اقرب انثى وهي تحوس مريرها .
وعلى طاري الانثى تصدقون المفروض يكون تحت اسم كل شخص هنا بالمنتدى جنسه يعني ياذكر ياانثى علشان الواحد مايتوهق وعلشان بعد مايكون فيه اختلاط..!
وعلى طاري الاختلاط تصدقون هالايام انا قاعد اشوف اشياء غريبه بأحلامي يعني كل يوم بعد ما اعبي فل واطرقع كوبين لبن المراعي((دعايه مدفوعة الثمن)) واستلم المخده يبدأ المسلسل اليومي وابقولكم وش شفت اليوم :
ياطويلين العمر بعد ماغفيت شفت نفسي امشي بشارع البراميل يؤؤؤؤؤ قصدي بشارع طويل عريض وفجاءه شفت مدرسة كبيره جديده وعندها مجموعه من الشباب اللي لابسين بناطيل وتيشيرتات كت وواقفين يسولفون مع مجموعه من البنات الفاتشات <---((يعني من غير غطاء)) ولابسات بنطلونات بدون عبايات وانا اجي واقول لهن وين عباياتكن تسترن وجعن يوجعكن
والله وهن يخزني بذيك النظرة ويمشون ويخلوني كلهم لحالي وانا امسك يد واحد من الشباب قلت استح على وجهك وجع الحين تجيكم الهيئه ,قال وش هيئته الله يرحم والديك ضف وجهك بس وهو يأشر على المدرسه ويقول هذي كليتنا وانا اناظر للمدرسه الا مكتوب عليها ((((( كلية الدمج الباقي لتعليم الفن الراقي ))))) للبنين والبنات, والله وانا امسك راسي انا بحلم ولا بعلم وانا انطلق للشارع وانا مااشوف شي من المفاجأه ولا اسمع الا ذيك الفرامل ........ دوووووووووووووووووووووو طاااااااااااااااااااااااا ااااااااااااااااخ طييييييييييييييييييخ <-----صوت الصدمه كخخخخخخخ وانا اسمع صوت حرمه تقول قمممممممممم يكفي نوووووووم ((اثرها الوالده تصحيني لصلاة المغرب ))
وعلى طاري الصلاة بعد ساعه ونص بيحين موعد صلاة الفجر ...فأقم صلاتك قبل مماتك
لاتشرهون علي ودي اسولف لكم اكثر واكثر بس تعبت وسامحونا
<--------- متعمد اني مااحط ولا صورة واحتفظ بالسبب لنفسي <--تكفى
ت ح ي ا ت ي
الصراحه ياجماعة الربع انا مقصر بالتواصل معكم لكن العذر والسموحه ..
وعلى طاري التقصير ودي اكتب موضوع ولا ادري وش اكتب كل ماخطرت ببالي فكرة انلطشت وفي رواية اخرى اننطلت وفي زمن العولمه انسرقت
وعلى طاري السرقات ليش انتشرت هاليومين السرقات يعني الواحد الحين مايضمن شي بكرى القى موضوعي هذا مسروق ونازل بنفس المنتدى كخخخخخ <---((لايكثر..بس)) عاد تصدقون فيه واحد دلخ مر على منتدى ولقى موضوع لكاتب بذاك المنتدى يحش فيه بالاعضاء وعجبه تعليق ذا الكاتب والله والرجال ماكذب خبر وضف الموضوع بالاسامي اللي فيه ولصقه بالمنتدى اللي يكتب فيه كخخخخخخخخخخخخخخ دلاخه منقطعة النظير
وعلى طاري الدلاخه ليش اغلب السعوديين فيهم دلاخه مايعلم بها الا الله وانا اولهم بلا فخر .. فيه مره كنت معزوم عند واحد من الشباب وهو بالمناسبه زميل عمل وكان مسوي عشاء بمناسبة ترقيته وكان فيه ناس كثيرين واغلبهم من اقاربه وجلس جنبي واحد واستلمني اسئله انت من وين وين تشتغل ويوم عرف اني زميل راعي العزيمه بدأ يسألني عنه وانا ماقصرت عطيته كل المعلومات اللي يبيها واللي مايبيها وجلست اسولف له عن اشياء تخص خوينا والصراحه مدري وش اللي خلاني اطلع فضايحه <--------((لحد يعطيه سر ثمن يندم)) المهم بعد يومين اتصل علي زميلي وهو متضايق قلت له عسى ماشر وش فيك قال ابد بس اهل خطيبتي زعلانين فيه واحد فضّح بي عندهم <--------((يلعن ام الفضيحه)) طلع ابو الشباب اللي مستلمني اخوهااااااااااا
وعلى طاري الفضايح ليش الناس يحبون الفضايح يعني تحس احيانا ان كن محد عنده شغل غير انه يدور فضايح العالم حتى الاخوان وهم الاخوان تلقى واحد يفضخ اخوه وكن الجو متعكر بينهم
وعلى طاري الجو ياعندنا جو هنا يحوم التسبد يعني لو تقارن جونا بجو اي دوله ثانيه تحس بالمغص واللي قاهرني انك بعز القايله تشوف شباب يفحطون ويدوجون بذا الشوارع كنهم ليموزينات.. مدري وش اللي حادهم
وعلى طاري الليموزينات ياخيييييييييييييي ذا الباكستانيين يافيهم نشاط غير طبيعي تحس ان امهاتهم من يوم دحدروهم الين كبروا وهم يدغون من حليب امهاتهم ماهم مثلنا اول يومين وبعدين الله يخلي النيدو <-----((كخخخخخخخخ))
بس ماتلاحظون ان الباكستانيين يقدّرون البخاري تشوف الظهر الواحد منهم جالس على حبة دجاج مع الرز وعبوة سفن اب واذا شبع ترغ ترغتن خلت المروحة اللي بالسقف تاخذله كم دوره على نفسه ومن زين الريحة تشوف المروحة سكرت خشمة و لبست نعولة وطلعت
وعلى طاري الريحه ياجماعه عندنا شغاله ريحتها تصرع اي كائن حي وهي مبيد لأي كائن غير حي وإن دخلت هالشغاله لأي غرفه تقعد ريحتها بهالغرفه لمدة يومين ماتشوف بالغرفه اي اثر لأي حياة من أي كوكب , اذا صادفتك شغاله من هالنوعيه ماعليك سوي تبليغ اقرب انثى وهي تحوس مريرها .
وعلى طاري الانثى تصدقون المفروض يكون تحت اسم كل شخص هنا بالمنتدى جنسه يعني ياذكر ياانثى علشان الواحد مايتوهق وعلشان بعد مايكون فيه اختلاط..!
وعلى طاري الاختلاط تصدقون هالايام انا قاعد اشوف اشياء غريبه بأحلامي يعني كل يوم بعد ما اعبي فل واطرقع كوبين لبن المراعي((دعايه مدفوعة الثمن)) واستلم المخده يبدأ المسلسل اليومي وابقولكم وش شفت اليوم :
ياطويلين العمر بعد ماغفيت شفت نفسي امشي بشارع البراميل يؤؤؤؤؤ قصدي بشارع طويل عريض وفجاءه شفت مدرسة كبيره جديده وعندها مجموعه من الشباب اللي لابسين بناطيل وتيشيرتات كت وواقفين يسولفون مع مجموعه من البنات الفاتشات <---((يعني من غير غطاء)) ولابسات بنطلونات بدون عبايات وانا اجي واقول لهن وين عباياتكن تسترن وجعن يوجعكن
والله وهن يخزني بذيك النظرة ويمشون ويخلوني كلهم لحالي وانا امسك يد واحد من الشباب قلت استح على وجهك وجع الحين تجيكم الهيئه ,قال وش هيئته الله يرحم والديك ضف وجهك بس وهو يأشر على المدرسه ويقول هذي كليتنا وانا اناظر للمدرسه الا مكتوب عليها ((((( كلية الدمج الباقي لتعليم الفن الراقي ))))) للبنين والبنات, والله وانا امسك راسي انا بحلم ولا بعلم وانا انطلق للشارع وانا مااشوف شي من المفاجأه ولا اسمع الا ذيك الفرامل ........ دوووووووووووووووووووووو طاااااااااااااااااااااااا ااااااااااااااااخ طييييييييييييييييييخ <-----صوت الصدمه كخخخخخخخ وانا اسمع صوت حرمه تقول قمممممممممم يكفي نوووووووم ((اثرها الوالده تصحيني لصلاة المغرب ))
وعلى طاري الصلاة بعد ساعه ونص بيحين موعد صلاة الفجر ...فأقم صلاتك قبل مماتك
لاتشرهون علي ودي اسولف لكم اكثر واكثر بس تعبت وسامحونا
<--------- متعمد اني مااحط ولا صورة واحتفظ بالسبب لنفسي <--تكفى
ت ح ي ا ت ي