المساعد الشخصي الرقمي

مشاهدة النسخة كاملة : قصيده حزينه ابكت الجميع ومازالت تبكيهم في دار العجزه....



ولد القصيم
02-05-2008, 19:29
هذي القصه واقعيه ولد قط امه في دار المسنين علشان زوجته كانت ماتبيه وكانت تقوله ان المصحه احسن لها واريح والام قصدة هل القصيده لولدها




وين انت يا حمدان امـك تناديـك
وراك مـا تسمـع شكايـا وندايـا

يا مسندي قلبي على الدوم يطريـك
ما غبت عن عيني وطيفك سمايـا

هذي ثلاث سنين والعيـن تبكيـك
ما شفت زولك زايـر يـا ضنايـا

تذكر حياتي يوم اشيلك واداريـك
والاعبـك دايـم وتمشـي ورايـا

ترقد على صوتي وحضني يدفيـك
ما غيرك احدٍ ساكن فـي حشايـا

واليا مرضت اسهر بقربك واداريك
ما ذوق طعم النوم صبـح ومسايـا

ياما عطيتك من حنانـي وبعطيـك
تكبـر وتكبـر بالأمـل يـا منايـا

لكن خساره بعتني اليـوم وشفيـك
واخلصت للزوجه وانا لي شقايـا

انا ادري انها قاسيـه مـا تخليـك
قالت عجـوزك مـا ابيهـا معايـا

خليتني وسط المصحه وانا ارجيك
هذا جزا المعروف وهـذا جزايـا

يـا ليتنـي خدامـة بيـن اياديـك
من شان اشوفك كل يوم برضايـا

مشكور ياولدي ووتشكر مساعيـك
وادعـي لـك الله دايـم بالهدايـا

حمدان يا حمـدان امـك توصيـك
اخاف ما تلحق تشـوف الوصايـا

اوصيت دكتور المصحه بيعطيـك
رسالتـي واحروفهـا مـن بكايـا

وان مت لا تبخل علـي بدعاويـك
واطلب لي الغفران وهـذا رجايـا

وامطر تراب القبر بدموع عينيـك
ما عـاد ينفعـك النـدم والنعايـا



هذه القصيده ابكتني وهزت كياني كلمات ام تستنجد بولدها فهل من مجيب¿¿

بقايا جروح
02-06-2008, 02:54
هل من مجيب ..¿!!






والله حزينه

SôFt G!Rl
02-06-2008, 10:41
يـا ليتنـي خدامـة بيـن اياديـك
من شان اشوفك كل يوم برضايـا
.
.
.

كلمات عجزت التعبير عنها

من جد إبـــــــداع

عبودي الميلاني
02-07-2008, 16:54
حزينه بمعنى الكلمه

الصراااحه ما ادري وش اقوووووووول

ولد القصيم
02-15-2008, 07:42
ايوالله عجيبه قصه حقيقه وحاصله في زمننا هل تصل القسووه الى الدرجه وش القلب الاسود وين يرروح من عذاب الله لاحوالله ولاقوه.
يعطيكم العافيه على مرورك الرائع واللي نورتوافيه صفحتي المتواضعه الله لايحرمني من مروركم المبهج والرائع يارب.

جرحي كبير
02-15-2008, 15:34
صح لسانك اخوي ولا تهون قايلتها

لا حول ولا قوة الا بالله

بس قصيدهـ روووووعه

والاروع نقلك لها


تسلم اناملك على هالنقل

تقبل مروري