imported_ksa
03-15-2008, 15:46
السلام عليكم ورحمة الله وبركاته
اخواني الاعضاء جايب لكم قصه اليوم قد صارت لي على ايام الطفوله بالاخص في مرحلتي الابتدائيه
الزبده
الزبده انا اشوف اغلب العالم اذا قعد يسولف عن الطفوله يقعد يبهر ويقول يازين ذيك الايام ويازين ويازين ويبتل يزين الين تحوم تسبدك وتطرده من المجلس
وين اللي يازين ذيك الايام وانت عندك احساس انك مجرم حرب من رزة الدنيا تلقاك ياملحوق والا داخل عند خويك بكل براءه تبي تعلب اتاري ويجي ابوه ويطردك تحس من قو الطرده واسلوبه وهو يطردك انك قاعدن تغازل بناته ماجيت تلعب اتاري بكل براءه بلا الواحد منا يومنه صغير يجي حقنه ولا يفهم تقل ماعندهم بيت يدور من يلفيه بس وتلقى هالشايب يلمح وانت اطقع ماتشوف يعني طبيعي اذا واجه الواحد اشنع طرده
المهم مالكم بالطويله انا بادخل في صلب الموضوع وباقول لكم وش حصلي بالضبط وتقريبا هالكلام يوم كنت في ثاني ابتدائي
في الصباح الباكر جاءت والدتي لايقاظي من النوم لكي لا اتاخر عن المدرسه وبعض الاحيان تلجا الى والدي عند عدم الانصياغ للامر وبعض الاحيان يتطرقون الى اللجوء الى فرقه من الدفاع المدني لايقاظي من النوم
قمت من النوم وانا لابس تكلمية الرياضه وهي عباره عن سروال اخضر وفنيله زرقاء لان اليوم عندنا حصة رياضه وطاقن التكمليه من امس تحسبا للحصه:clap: عاد على هالتحمس كننا نبي نتهى بالحصه زي العالم تلقى المدرس يعزربنا تعزير الين مايبقى الا ربع ساعه وتنتهي الحصه ويجدع علينا كوره في نص الملعب ويقول يالله فرقوا اعماركم والعبو وعلى مانفرق الاه رانه الحصه ونعود خائبين الامل الى داخل المدرسه حتى المدرس من قو التزليب نلقاه يداوم بثوب في اغلب الاحيان مايلبس تكاميل الا اذا جاء الدوري يعني تصير حصة هالرياضه تقل جزا عسكري والادهى والامر ان المدرس يجربع اي واحد مايلبس رياضه ويوقفه على رجل وحالتنا حاله المهم اني لبست ثوب فوق البدله عاد انتم تخيلو الشكل مايحتاج رسمي امي تسمي علي قبل لا اطلع تخاف انضل ( ودايم امي تقول اني اكشخ من محيسن الجمعان))
مع انه كان مصرح للي عندهم رياضه يجون بليا ثياب بس فيه واحد من اخواني زرار الله يهديه وكان يدرس بالمتوسطه اذا طلعت مسوي ان الدعوه فري قعد يسفل بي الين يدخل مدرسته وبعض الاحيان يلحقني الى مدرستي وهو يسفل بي يالمصري يالقروي فشلتنا يا..... .... ابتعادا عن الفاظه الجارحه
دخلت المدرسه وراحت الحصه الاولى والثانيه نوم يعني لو انك نايم في بيتنا اصرف:icon3:
وجت الفسحه وطبعا اغلب العالم مايفرح بفسحه يعني سندويشه وعصير سنتوب من البيت وسندويشه ياجبن ومربى والاجبن مالح وطحينيه تغدي هالسندويشه تقل ..... (( كرم الله النعمة)) اتحدى واحد يشرب عصير سنتوب حار وتجي الحصه الثالثه ماطرش:yucky: المهم كانت الحصه الخامسه حصة رياضه ومن حسن حضنا ان المدرس ذاك اليوم غايب وجاء مدرس العلوم وجدع علينا الكوره وقال يالله العبو ومن الفسقه انا ذاك اليوم تعيجزت افصخ الثوب ودخلت الثوب بالسروال ومارست هواياتي طلعت هالهوايه بمره ذاك اليوم المهم ان ذاك اليوم ثلوث طلعت من المدرسه
ورحت لبيت خويي جنب المتوسطه وطلع سيكله عاد انا محتر عقب الحصه وافصخ كنادري الدبابيس والشراب وانتم بكرامه واحطهن بالشنطه قلت بالعب مع صديقي الين يطلعون اخواني من المتوسطه ونروح جميع للبيت مع انه دايم يطلعون ويروحون للبيت ويرجعون مره ثانيه ينادوني من عند خويي عاد رفيقي ذا الروح بالروح انا وياه اخويا بالدراسه وابوه رفيق ابوي بالدوام يعني مسوى اقوى حالة انتشاب لها لعائله المهم ويوم طلع السيكل ويجي هاك السوري الله لا يوفقه ويلقط خويي ويساقيه بمخمس ويصيح خويي ويتفلت عليه وينفلت منه ودخل بيتهم ويصك الباب وانا بيتنا بعيد والسيكل معي وشنطتي جادعه تحت بلك في عماره تعمر قدام بيت خويي قلت ياولد واجه مصيرك:icon_eek: ويجيني السوري ويبدي المخمس قبل السلام ومن قوى الكف قلت له وعليكم السلام ويمسكني على جنب ويقولي
السوري:كم عمرك¿¿¿
انا:6سنين
السوري:الله كل هالجرم وعمرك 6 سنين
انا:لا سبع سنين
قال: سبع معقوله طيب وش اسم امك
قلت له: مااعرف ويلقطني بمخمس وانا في حالة ذهول
وقال: فيه احد مايعرف اسم امه
قلت انا: ايه انا امي قالت لنا هالسنه ان شاء الله اذا نجحتوا باعلمكم اسمي واعتبروها نجاحتكم <<<<والله يانا مااعرف اصرف ابد
قال ايه ميخالف دام ان اسم امك نجاحه هالسنه انا اوريك ويمسك السيكل وانا راكب ويوقفه بنص الشارع ويحط الجلاس وقال اي سيارة تمر لا توخر عنها فاهم
قلت: ان شاء الله ويمر الموتر الاول بسلام صار شايب ووخر عني وتحمد الله شكله والثاني نفس الحكايه الا الثالث شبابي ومعه قراندي يوم شافني من اول الشارع وهو يدوس حسيت اني باصير لعبة بولنغ
القراندي الكوره وانا القوارير المرززه تحتري الضربه واقول في نفسي ياروح مابعدك روح واوخر ويوم افتكيت من الموتر انهل علي السوري بكم هائل من المخمسات ويقولي صح وانا من اللخمه عجزت اصيح واقعد امثل اني اصيح وماش عيت تطلع دموع قال مانيب فاكك الين تصيح واتغصب يادموع اطلعي عيت شوي ويجي الفرج ويرن جرس المتوسطه ومن الفرحه التفت للمدرسه وابتسامتي شبرين بشبر ويوم التفت ادور السوري مالقيت الا عجته وهو لافن مع اللفه وتطقن الغلقه يوم بغيت اصيح صدز ويطلع خويي من بيتهم واجدع عليه السيكل ويقولي خويي زعلت وانا اقوله لا بالعكس وش دعوى عايدي لو انه صايره مع هاليومين يمكن تلقوني محكوم علي بالاعدام لاني باذبح:135: رفيقي قليل هالخاتمه خاتمة البس هاللي مايستحي ومن الدباشه صز اني راجعن للبيت حافي ومخلي كنادر ام دبابيس بالشنطه ماادري وشوله شاريهن
مايستفاد من الموضوع
1-من البيت للمدرسه من المدرسه للبيت واترك عنك مرمرة اخوياك وانت طالع
2-لا تعمد على خويك ابد لانه يمكن ينكبك باي لحظه نظام وانت بعد لا تسوي سنايدي وتوقف انطل سيكله واطلق لرجليك العنان وخله خويك يتهاوش مع العالم
3-لاتشربون سنتوب وقت الفسحه تراه مضر بالكبد
4-لاحد يقول ان ايام الطفوله حلوه ورحمتن من الله اننا لا نعاني من امراض نفسيه من طفولتنا الحمقاء
5-هذه القصه من نسج الخيال عن الكذب فيها كلمتين حقيقية
6-لو اشوف هالسوري الحين شرط لاكله وهو حي هاللي مايخاف الله
نتقبل انتقادتكم بصدر رحب واتمنى ان تحوز على رضاكم
وعلى فكره يازين ايام الطفوله
اخواني الاعضاء جايب لكم قصه اليوم قد صارت لي على ايام الطفوله بالاخص في مرحلتي الابتدائيه
الزبده
الزبده انا اشوف اغلب العالم اذا قعد يسولف عن الطفوله يقعد يبهر ويقول يازين ذيك الايام ويازين ويازين ويبتل يزين الين تحوم تسبدك وتطرده من المجلس
وين اللي يازين ذيك الايام وانت عندك احساس انك مجرم حرب من رزة الدنيا تلقاك ياملحوق والا داخل عند خويك بكل براءه تبي تعلب اتاري ويجي ابوه ويطردك تحس من قو الطرده واسلوبه وهو يطردك انك قاعدن تغازل بناته ماجيت تلعب اتاري بكل براءه بلا الواحد منا يومنه صغير يجي حقنه ولا يفهم تقل ماعندهم بيت يدور من يلفيه بس وتلقى هالشايب يلمح وانت اطقع ماتشوف يعني طبيعي اذا واجه الواحد اشنع طرده
المهم مالكم بالطويله انا بادخل في صلب الموضوع وباقول لكم وش حصلي بالضبط وتقريبا هالكلام يوم كنت في ثاني ابتدائي
في الصباح الباكر جاءت والدتي لايقاظي من النوم لكي لا اتاخر عن المدرسه وبعض الاحيان تلجا الى والدي عند عدم الانصياغ للامر وبعض الاحيان يتطرقون الى اللجوء الى فرقه من الدفاع المدني لايقاظي من النوم
قمت من النوم وانا لابس تكلمية الرياضه وهي عباره عن سروال اخضر وفنيله زرقاء لان اليوم عندنا حصة رياضه وطاقن التكمليه من امس تحسبا للحصه:clap: عاد على هالتحمس كننا نبي نتهى بالحصه زي العالم تلقى المدرس يعزربنا تعزير الين مايبقى الا ربع ساعه وتنتهي الحصه ويجدع علينا كوره في نص الملعب ويقول يالله فرقوا اعماركم والعبو وعلى مانفرق الاه رانه الحصه ونعود خائبين الامل الى داخل المدرسه حتى المدرس من قو التزليب نلقاه يداوم بثوب في اغلب الاحيان مايلبس تكاميل الا اذا جاء الدوري يعني تصير حصة هالرياضه تقل جزا عسكري والادهى والامر ان المدرس يجربع اي واحد مايلبس رياضه ويوقفه على رجل وحالتنا حاله المهم اني لبست ثوب فوق البدله عاد انتم تخيلو الشكل مايحتاج رسمي امي تسمي علي قبل لا اطلع تخاف انضل ( ودايم امي تقول اني اكشخ من محيسن الجمعان))
مع انه كان مصرح للي عندهم رياضه يجون بليا ثياب بس فيه واحد من اخواني زرار الله يهديه وكان يدرس بالمتوسطه اذا طلعت مسوي ان الدعوه فري قعد يسفل بي الين يدخل مدرسته وبعض الاحيان يلحقني الى مدرستي وهو يسفل بي يالمصري يالقروي فشلتنا يا..... .... ابتعادا عن الفاظه الجارحه
دخلت المدرسه وراحت الحصه الاولى والثانيه نوم يعني لو انك نايم في بيتنا اصرف:icon3:
وجت الفسحه وطبعا اغلب العالم مايفرح بفسحه يعني سندويشه وعصير سنتوب من البيت وسندويشه ياجبن ومربى والاجبن مالح وطحينيه تغدي هالسندويشه تقل ..... (( كرم الله النعمة)) اتحدى واحد يشرب عصير سنتوب حار وتجي الحصه الثالثه ماطرش:yucky: المهم كانت الحصه الخامسه حصة رياضه ومن حسن حضنا ان المدرس ذاك اليوم غايب وجاء مدرس العلوم وجدع علينا الكوره وقال يالله العبو ومن الفسقه انا ذاك اليوم تعيجزت افصخ الثوب ودخلت الثوب بالسروال ومارست هواياتي طلعت هالهوايه بمره ذاك اليوم المهم ان ذاك اليوم ثلوث طلعت من المدرسه
ورحت لبيت خويي جنب المتوسطه وطلع سيكله عاد انا محتر عقب الحصه وافصخ كنادري الدبابيس والشراب وانتم بكرامه واحطهن بالشنطه قلت بالعب مع صديقي الين يطلعون اخواني من المتوسطه ونروح جميع للبيت مع انه دايم يطلعون ويروحون للبيت ويرجعون مره ثانيه ينادوني من عند خويي عاد رفيقي ذا الروح بالروح انا وياه اخويا بالدراسه وابوه رفيق ابوي بالدوام يعني مسوى اقوى حالة انتشاب لها لعائله المهم ويوم طلع السيكل ويجي هاك السوري الله لا يوفقه ويلقط خويي ويساقيه بمخمس ويصيح خويي ويتفلت عليه وينفلت منه ودخل بيتهم ويصك الباب وانا بيتنا بعيد والسيكل معي وشنطتي جادعه تحت بلك في عماره تعمر قدام بيت خويي قلت ياولد واجه مصيرك:icon_eek: ويجيني السوري ويبدي المخمس قبل السلام ومن قوى الكف قلت له وعليكم السلام ويمسكني على جنب ويقولي
السوري:كم عمرك¿¿¿
انا:6سنين
السوري:الله كل هالجرم وعمرك 6 سنين
انا:لا سبع سنين
قال: سبع معقوله طيب وش اسم امك
قلت له: مااعرف ويلقطني بمخمس وانا في حالة ذهول
وقال: فيه احد مايعرف اسم امه
قلت انا: ايه انا امي قالت لنا هالسنه ان شاء الله اذا نجحتوا باعلمكم اسمي واعتبروها نجاحتكم <<<<والله يانا مااعرف اصرف ابد
قال ايه ميخالف دام ان اسم امك نجاحه هالسنه انا اوريك ويمسك السيكل وانا راكب ويوقفه بنص الشارع ويحط الجلاس وقال اي سيارة تمر لا توخر عنها فاهم
قلت: ان شاء الله ويمر الموتر الاول بسلام صار شايب ووخر عني وتحمد الله شكله والثاني نفس الحكايه الا الثالث شبابي ومعه قراندي يوم شافني من اول الشارع وهو يدوس حسيت اني باصير لعبة بولنغ
القراندي الكوره وانا القوارير المرززه تحتري الضربه واقول في نفسي ياروح مابعدك روح واوخر ويوم افتكيت من الموتر انهل علي السوري بكم هائل من المخمسات ويقولي صح وانا من اللخمه عجزت اصيح واقعد امثل اني اصيح وماش عيت تطلع دموع قال مانيب فاكك الين تصيح واتغصب يادموع اطلعي عيت شوي ويجي الفرج ويرن جرس المتوسطه ومن الفرحه التفت للمدرسه وابتسامتي شبرين بشبر ويوم التفت ادور السوري مالقيت الا عجته وهو لافن مع اللفه وتطقن الغلقه يوم بغيت اصيح صدز ويطلع خويي من بيتهم واجدع عليه السيكل ويقولي خويي زعلت وانا اقوله لا بالعكس وش دعوى عايدي لو انه صايره مع هاليومين يمكن تلقوني محكوم علي بالاعدام لاني باذبح:135: رفيقي قليل هالخاتمه خاتمة البس هاللي مايستحي ومن الدباشه صز اني راجعن للبيت حافي ومخلي كنادر ام دبابيس بالشنطه ماادري وشوله شاريهن
مايستفاد من الموضوع
1-من البيت للمدرسه من المدرسه للبيت واترك عنك مرمرة اخوياك وانت طالع
2-لا تعمد على خويك ابد لانه يمكن ينكبك باي لحظه نظام وانت بعد لا تسوي سنايدي وتوقف انطل سيكله واطلق لرجليك العنان وخله خويك يتهاوش مع العالم
3-لاتشربون سنتوب وقت الفسحه تراه مضر بالكبد
4-لاحد يقول ان ايام الطفوله حلوه ورحمتن من الله اننا لا نعاني من امراض نفسيه من طفولتنا الحمقاء
5-هذه القصه من نسج الخيال عن الكذب فيها كلمتين حقيقية
6-لو اشوف هالسوري الحين شرط لاكله وهو حي هاللي مايخاف الله
نتقبل انتقادتكم بصدر رحب واتمنى ان تحوز على رضاكم
وعلى فكره يازين ايام الطفوله