مأساة قلب

[هاااوي]

والله حزين ونفسي امووت ياخوك

نفسي امووت ولا اشوفه جرحني...

اخلصت له واعطيته القلب ياخوك..

وهو طعني بالكلام وجرحني ..

ماكنت احسبه يجرح القلب ياخوك ..

بس بصراحه انصدمت وظلمني..

سعود امانه وش اسوي وانا اخووك..

قلي وانا اطيعك لوى الخل ظني..

ياخوي دورلي على حل مبروك

اسعف خويك وداو الجرح مني

فلي ياسعود ويش اسوي انا ارجووك..

خلي غدرني وفوق جرحي جرحني

ان كنت مخطي .. قول .. لا تجامل ارجوك..

قلي ياسعود جرح خلي فضحني..

جيتك بهجدتك تالي الليل ياخوك

هايم ولا ادري كيف دربي حذفني ..

تذكر سواليفي عن الشووق ياخوك

اليوم بأجمل حرف قلته طعني

تذكر حياتي قبل اعرفه وانا اخوك

وشلون كانت وكيف حبه فتني

مجنون حبه صرت مجنوون ياخوك..

لو قالوا انه سمش بقول ظني

زرعت له مليووون ورده وزرع شوك

هذي جزاة الطيب لا صار مني

سعود ياسعود فزلي قوم ياخوك..

اطعن خويك وريح الحب مني

لا عاش قلبي سالم صدق ياخوك..

بلعن طريق الحب وابعده عني

بحط قلبي ودونه الباب مصكوك

وابن امه يقرب ترى يموووت مني



وسلامتكم هاااوي

[قلب_مسافر]

سلامت قلبك وروحك يا خوك

صح لسانك

وكلمات نبيلة . . . مشاعر تحتاج لأعادة تهيئة

:(

بإعتقادي أن هنالك دائماً بدايات وطرق جديدة

شوكرن لك أستاذنا على هالمشاركة


وسلمت أناملك

[ارين]

قصيد ه رئعه

بس الحزن ليش:(

القصائد التفائليه زينه:p

اتمنى اقراء لك شي يفرح عن قريب

يسلموه

[maya]

هلا هااااى

والله جرحك صعيب

حركت معه مشاعرنا

تمنياتى لك بالسعادة3)

[walid]

مشكور