r7eell
06-27-2003, 03:30
هل كل الناس فى مزاج جيد بحيث انهم يتقبلون اي كلمه غلط او مزحه فيها تجريح ¿
للاسف في بعض الناس يطيحون الميانه مرره .. وتصير مصاخه مو ميانه بحيث انه يفقد حس الادب والاحترام ويلغى الرسميات على اساس ان الصداقه او المعرفه تسمح له انه يمون وهالشي لاحظته كثير بالشات من بعض الاخوة والاخوات يمزحون مع بعض وبالتالي يصير بينهم سوء تفاهم وزعل احيانا توصل للغلط وبألفاظ خارجه عن الادب واذا سالت واحد منهم يقول كنت اتغشمر " على فكره اسلوب الشخص يدل على تربيته "
اوكي اغلبنا يحب المزح ومافي انسان مايحب يغير جو ويستانس والكل يحب يتعرف على الناس وتكون بينه وبينهم موده وراحه نفسيه وكلنا نطيح الميانه بينا وبين بعض ونتغشمر وصرنا نمون على بعض فليش ما تكون الميانه وغشمرتنا باحترام ونحافظ على صداقتنا ومعرفتنا بالناس علشان ما نخسرهم لازم يكون الاحترام أساس تعاملنا قبل كل شي لان مو كل الناس فى مزاج جيد وبكل وقت ولا انهم يتقبلون اي كلمه غلط او مزحه فيها تجريح فمثل ما تحب الناس تعاملك باحترام عاملهم بأحترام . مانبي نقول على قولة المثل " بغيناها طرب صارت نشب " بمعنى بغينا نستانس ونضحك لكن السالفه صارت زعل :)
اتمنى من جميع الأخوة اعضاء الشات انهم يفهمون قصدي من وراء هالكلام ويتصرفون بأكثر لباقه وكياسه في تعاملهم مع بعض
وشكرا
اختكم / ~*¤ô§قطرة حب§ô¤*~
للاسف في بعض الناس يطيحون الميانه مرره .. وتصير مصاخه مو ميانه بحيث انه يفقد حس الادب والاحترام ويلغى الرسميات على اساس ان الصداقه او المعرفه تسمح له انه يمون وهالشي لاحظته كثير بالشات من بعض الاخوة والاخوات يمزحون مع بعض وبالتالي يصير بينهم سوء تفاهم وزعل احيانا توصل للغلط وبألفاظ خارجه عن الادب واذا سالت واحد منهم يقول كنت اتغشمر " على فكره اسلوب الشخص يدل على تربيته "
اوكي اغلبنا يحب المزح ومافي انسان مايحب يغير جو ويستانس والكل يحب يتعرف على الناس وتكون بينه وبينهم موده وراحه نفسيه وكلنا نطيح الميانه بينا وبين بعض ونتغشمر وصرنا نمون على بعض فليش ما تكون الميانه وغشمرتنا باحترام ونحافظ على صداقتنا ومعرفتنا بالناس علشان ما نخسرهم لازم يكون الاحترام أساس تعاملنا قبل كل شي لان مو كل الناس فى مزاج جيد وبكل وقت ولا انهم يتقبلون اي كلمه غلط او مزحه فيها تجريح فمثل ما تحب الناس تعاملك باحترام عاملهم بأحترام . مانبي نقول على قولة المثل " بغيناها طرب صارت نشب " بمعنى بغينا نستانس ونضحك لكن السالفه صارت زعل :)
اتمنى من جميع الأخوة اعضاء الشات انهم يفهمون قصدي من وراء هالكلام ويتصرفون بأكثر لباقه وكياسه في تعاملهم مع بعض
وشكرا
اختكم / ~*¤ô§قطرة حب§ô¤*~