حركات البنات أثناء المزاكره

[أمير الأحلام]

الثلاث وجبات الرئيسية لازم تقعد عليها أول وحده وماتقوم الا آخر وحده
جوعانة المسكينة ياحراااام ¡¡ واحيانا تزيد وجبات اضافية اذا كانت المادة دسمة

2- تقعد تسوي نفسها طفشانه وتعبانه ويااااااربيه ماني قادرة اذاكر مدري وشفيني
حاسة بكتمة يمه 00الظاهر احد قاري علي والا صاكني عين 000 تقعد امها تقول باسم
الله عليك000 تعالي اقرا عليك يابنيتي00
كل هذا عشان اذا سقطت يقولون عين00
3- بعضهن ينزل عليها وسواس نظافة ايام الامتحانات تتروش الصبح والليل وتستشور
شعرها كل مرة طبعا مايصير تخليه يخرب وبكره كيف تروح الجامعة والكتاب على جنب
طبعا هذي من واجباتها اليومية ماتقدر تتركها عشان تذاكر مايصير0
4- هذي تترك الكتاب على جنب وتقوم تقيس فساتين السهرات اللي عندها عشان بعد
الاختبارات على طول فيه عرس فلانه بنت فلان لازم تحدد وش تلبس من الحين 000لا
وبعضهن ليلة الاختبار عند الخياطة رايحه تسوي بروفه 00
الله من قل الدبره بس0
5- وبعضهن تنزل عليها صلة الرحم فجأه تقوم تكلم وحده من صديقاتها القدام من
زمان ماكلمتها 000تبي تشوف وش صار عليها وتشغلها عن المذاكره 00
6- وهذي تنزل عليها الشطارة فجأة تقوم تسوي العشا لاهلها00وتغسل الصحون عن
الشغالة وتقولها اطلعي نامي انتي خلاص انا اكمل00
7- وهذي مبتليها ربي بحب الجوال قالبتها تشات حشا مو مسجات وماتصحى على نفسها
الا قبل الفجر بساعتين00
-8 وهذي المسكينه اللي من قل الحيله توجع القلب لاقفلت معها قضبت المخده ونامت
لين تصحى وتقول يووووووه راحت علي نومه00
9- وهذي ايام الامتحانات تنزل عليها حالات غريبه كل شوي مشتهيه اكله معينه
وماتلقى السواق الا رايح جاي رايح جاي 00000يعني اذاكر 00وامها ايه يابنيتي وش
تبين بس 000قال ايش تبي تساعدها عشان تفتح نفسها للمذاكرة وما تدري ان كل ذا
هروووووب 000ذا النوع ماتنتهي الامتحانات الا وهي زايده 4 كيلو000
تحياتي للجميع

[بنــــــت الباديه]

مرحبااااااااااا

أمير الأحلام

أولا اسمح لي بنقل الموضوع للزقرتيه
لأنه يندرج تحتها أكثر

ثانيا :
انا بقول لك الأولاد شيسون أيام الأختبارات:-

- تلقاه 24 ساعه يحوم في الشوارع ولا كأنه وراه اختبارات .
- هاه ماتبون شيء من السوبر ماركت ناقصكم شيء أنا حاظر وبالشوفه
هذا بس اوقات الاختبارات والا الايام العاديه تطلبه ولايوريك وجهه
- اليوم فيه مباره بين فريق .......وفريق ........
ماعمره طالعها ولا اهتم فيها
- لا وتلقاه مصمم له جدول بالمباريات لكل الفرق والانديه لكل البلدان .
- تلقاه مقابل تلفون البيت كل مادق شاله يتسلى .
- لا والا اذا دق جرس الباب راح يركض وكأنه مافيه احد بالبيت غيره
والا باالأيام العاديه يتعاجز يشوف من على الباب ..... ويرسل الخادمه واللي مايعجبه يصرفه ... يقول لها قولي له نايم والا مو موجود ..
- وبأيام الأختبارات تلقاه حط كل الأمراض فيه .... بس على اساس انه يطقها مشوار بالسياره لطبيب ....وهو مافيه الا العافيه ويجيب بندووول
- لا والأكثريه منهم والله اني جوعاااان وماني مشتهي أكل البيت
ودي بأكل المطعم .... ومايبي الا المطعم الفلاني .... تدرون ليش عشانه مايوصل الطلبات والأخ ضايق خلقه يبي يشم هواء ....
- والا بروح لمحمد بجيب منه اوراق المراجعه كنت غايب يوم خذوهااااا وبروح اصورها .

هذي بعض من أساليبكم أيام الأختبارات
مو بس احنا لنا أساليبنا
كل واحد و له طريقته
ومن غير زعلللللل

وطبعا الموضوع مايشمل الكل

تحياتي
أختكم
بنــــت البــــاديه


")(

[موادع الغرام]

مرحبا أخوي أمير الأحلام
مرحبا أختي بنت الباديه

الموضوع كثير مهم خاصه انه يهتم بجزاء من جزئيات حياة الشباب
انا من رأيي (بدأت الفلسفه) أنو الطالب/الطالبه بحاجه للراحه لكن مو كل الوقت
وأعتقد ان السبب الرئيسي اللي يخلي الطلاب يفكرون بعمق وبتأليف أنجح
الأسباب للخروج من جوا الدراسه هو عدم مراجعته للماده ويشوف انها طويله
ومتى بينتهى منها ويزداد عنده التوتر ويبدأ التفكير الثاني (كيف يتشيطر ويغش)
سواء من براشيم او من الغز للي جنبه .
شكرا تحياتي لكم
أخوكم موادع غرام

[ضحــ عشق ــية]

هههههههههههه
الشباب
1- كل شوي عند واحد من زملائه يتفقون على طريقة جديدة للغش
2- متنقلين بين المكتبات لتصوير البراشيم بأصغر الأحجام
3- معتمدين على الطالب فلان طبعاً هو متكفل شراء الأسئلة من المعلم


البنات
1- تتصل وتحسن علاقاتها بالمعلمات
2- تتميلح مع زميلاتها المتفوقات علشان مايقصرون وقت الاختبار
3- تتكفل بالغداء والعشاء علشان تتعذر وتقول تعبتوني وماقدرت اذاكر




خخخخخخخخخ
ضحية

[هشال الخلا]

السلام عليكم ورحمة الله وبركاته
اخوكم هشال الخلا يدخل للمشاركه معكم اول مره

[أمير الأحلام]

هلا أخوي هشال الخلا ويامرحبا فيك وعم ننتظر الجديد من ك وهلا بباقي الأصحاب