بحــــــور الحب [الأرشيف]

دانـــــــــــه

12-13-2003, 23:31

أول الحب

انت اول الحب واحساس .. الوله كله
يامشرق في سماء قلبي .. وفي عيني
في داخلي لك محل ..ماحدن حله
الا انت ياللي تذكرتك وناسيني
وارجي سحابك يهل والغيم ..ماهله
وراحت بحبك سنين الحب وسنيني
احاول انسى غرام ..ظلني ظله
وغيرك ولو كان جنبي ..مايكفيني
واليوم قلبي على كيفك ومحتله
مره يجيلك يسار ومره ايميني
ايو الله اني احبك دون خلق الله
ويحبك القلب واحساسي ومافيني
وانت القمر .. والقمر وشلون ابوصل له
لامن بغيته ..قصيره دونه ايديني
وسيور الايام .. تجمع خل وخله
وتنزل كل العوائق بينك وبيني
وانا احبك .. وكل الحب لك كله
ياغالي .. مسكنه في قلبي وعيني
ـــــــــــــــــــــــــ ــــــــ
الشاعره سلطانه

:wrd23m:

دانـــــــــــه

12-13-2003, 23:55

تولعت بك
تولعت بك والله كتب لي على فراقك
حسبي على الحظ الردي كانه أشقاني
أنا ما شعرت أني مع الناس قبل ألقاك
ولاذقت للدنيا طعم قبل تلقاني
ولكنت أحس بروعة الحب قبل أهواك
ولولا عيونك ما كتبت اجمل الحاني
سقا الله ليالي عشتها وياك
بدرب الحوية بين عشب وغدراني
تذكرت يوم أقبلت كنك تحسب خطاك
تمايل بعودٍ نايف الطول رياني
وترفع طرف ملبوسك الضيق بيمناك
وشلال شعرك تنثره فوق الامتاني
ترى اللي يسليني عن مشاهدك ذكراك
أنا مستحيل أنساك أخاف أنت تنساني
ــــــــــــــ
الشاعر سعود بن بندر

:zkh5m:

أنفاس القصيد

12-14-2003, 17:47

دانه اسعد الله مساك 00
يسعدني ان ابدا معك هذه الرحله لبحور الحب

اقول أحبك

قالوا حروفي عمي وعيونك بروق
مافي قصيدي جنح ليلٍ وبارق
قلت الذي له داخل ضلوعي حروق
أقرب من اللي في سماالناس شارق
غيري يشوفك وأجود الشعر مطروق
وأنا أحسـّك وأصدق الحب فارق
ياللي عيونك دم وعيونك عروق
ولهاث قلبٍ فـي نواعسك غارق
أقول أحبك يخرج البحر صندوق
تبرالغزاة وكنز سود البيارق
وأقول أحبك صدرالايام مشقوق
عن وجه غرناطه وعن مهر طارق
وأقول أحبك والله إني من الشوق
ألقا طيوفك في جميع المفارق
كتبت لك قلبٍ من القلب مسروق
ولا طاب لي وصفٍ من الوصف سارق
بدر بن عبدالمحسن

:zkh19m:

دانـــــــــــه

12-14-2003, 22:08

ياهلا وغلا فييييك اخوي انفاس
ـــــــــــــــــــــــــ ــــــــــــــــــــ

بحر حبك
لو بيدي شي .. لو هو الود.. ودي
مايصير الوقت .. والايام ضدي
وانت اللي في حياتي .. أو حياتي
كيف تبعدك الليالي .. وانت عندي
يا امل عمري .. واغلا امنياتي
ياخفايا الروح .. في هزلي .. وجدي
لكن اني ..رغم امالي وشوقي
خايف ابني شي واقداري .. تهدي
بحر حبك .. مابه امواج وشواطي
وحب غيرك بين جزر وبين.. مدي
كل من يسأل عن افراقك عيوني
جاوبه .. دمعي ولو ماهوب .. ودي
انت في قلبي مثل .. نبض لقلبي
لو هو اسمك.. ثابت ابصمات يدي
ـــــــــــــــــــــــ
الشاعر فيصل بن يزيد

:wrd19m:

دانـــــــــــه

12-14-2003, 23:22

حبيتك بسمعي

قولي وأنا اسمع كل كلمة تقولين
عن كل مافي داخلك حدثيني
قولي وش تحبين وش ما تحبين
قولي كرهتك .. قولي انك تبيني
أنا هويتك قبل اعرف الهوى وين
عرفت حبك قبل ما تعرفيني
حبيتك بسمعي قبل نظرة العين
وحبيتك اكثر يوم شافتك عيني
حبيت طبعك زين وألا ما هو زين
في كل حالاتك معي تعجبيني
في قسوتك والظلم في العطف واللين
في كل شي ٍ صار بينك وبيني
صحيح غيرك ناس واجد وغالين
لكنك أنتي شي مني وفيني
وداعك اصعب من وداع المحبين
ونسيانك اصعب من تناسي حنيني
دخيل ربك قبل عني تروحين
قولي احبك لو كذب واتركيني
ـــــــــــــــــــــ
الشاعر رشيد الدهام

:candlel1m

بنــــــت الباديه

12-15-2003, 02:24

عــــذابي بحبك راحة لي وانا الكسبان......سنين العـــــــمر في وصلنا دوم عذريه
احبـــــك وحبك نايف والرضى بـــرهان......وجنبت عن حـــــــــــبك قوانين عرفيه
حبيبي على بعض الخطا منك انا شرهان...على الشك من قول العرب والحكي فيه
وانا الغــــافل اللي يجمع الظن بالاحسان...شــــرينا ولابعــــناك وزلتك مشــــــريه
نهـــاري وعيدي يوم لقــــــياك يافتان....سحابتك تمــــــطر روضتي وبل وســميه
واليـــا خيم بروض الحشا مزنك الهتان....اعيش العـمر عمــرين وكل واحد ميــــه
سلامــــي عليك اسمى سلام بكل الوان......تحيــــات من قلب لكل بكل حنـــــــيه
بعلمــــي وعلمك للهوى فيك وفيني بان.......احبـــــك عسانا نلتقى بعش زوجيه
ولي فيك كــــل الحق ياداعج الاعيان........بعـــــينك تتل القلــــــــب تلات جذريه
تحمــــلت منك الصد ولا قلت للهــجران.....أنا منك ومني انت والارواح مبـــــليه

خالد عبدالرحمن

:zkh19m:

دانـــــــــــه

12-15-2003, 21:43

اهلين بنت الباديه منووره
ـــــــــــــــــــــــــ ــــــــ
قضية حب

أنا كلي على بعضي قضية حب.. منسية
ابد ما أتحمل النكران ولاتقبل بعد تأجيل
طبيعية بكل مابي وأحاسيسي ..طبيعية
وأولها كحل عيني من دموع السهر .. والليل !
وجرحي من أعز الناس شلته عن حسن نيه
وصنعت الجرح واللوعات .. بالكتمان .. والتضليل
نعم اكتب قصايد حب .. لو تدرون وهميه
عشقت الحلم ..لأجل الحلم كان الشرح والتأويل
أنا عندي أمل واحد .. وأماني حقيقية
يجي فارس ويخطفني على صهوة رياح وخيل
ويكتبني قصيدة للهوى ..بحروف سحريه
بليلة حب ارددها على ريحة بخور وهيل ¿
متى يستأنف الواقع قضية حب منسيه
أنا ما أتحمل النكران .. ولا أقبل أبد تأجيل
ـــــــــــــــــــــــــ ـــ
الشاعره هتان

:wrd18m:

بنــــــت الباديه

12-16-2003, 02:42

http://www.alhttan.com/images/mqdar.jpg

عابرة سبيل

نديم المحبين

12-16-2003, 15:59

:li11m:

مساء الخير والأحساس لأهل الخير والأحساس

قصيدة للشاعر / عبدالله بن حجاب

وهي من القصائد الجميله أتمنى أنها تعجبكم

--------

( فــــرقــــاك عـــيـــد )

ليتني ما ذكرتك ليت قلبي نساك
يابعد ما قضى لي من عمر والجديد
ليه أحبك وأحبك واتجاهل خطاك
والمسافه بعيده والمحبه تزيد
لا يهمك كلامي وانت عارف غلاك
انت نبض المشاعر وانت بيت القصيد
واسحب أخر قصيدة قلتها من جفاك
لا سمعها قريب أو سمعها بعيد
أنسى اني أجامل صادق العلم جاك
أنسى اني نسيتك وأنسى اني شديد
أعترف كنت مخطي يوم ادور عطاك
ابشر القلب جالك اجرحه ياعنيد
اجرحه أو جرحته دام جرحه فداك
وش تبي بالمشاعر جاك نزف الوريد
لو كرهتك احبك لو عشقتك هلاك
لو نسيتك ذكرتك بس فرقاك عيد

تحياتي وأشواقي

:li11m:

دانـــــــــــه

12-16-2003, 21:48

ياهلا وغلا بمشرفنا نديم المحبين
ـــــــــــــــــــــــــ ـــــــ
راحات بالي

أنا عرفت الحب يوم عرفتك
ومن قبل أعرفك والهوى ماصفالي
أحلف برب البيت ما شفت مثلك
انته فريد النوع بأول وتالي
ما ينحسب عمري ومافات قبلك
وكل الدقايق ضايعه في خيالي
ومن يوم ضحكتلي أسارير وجهك
استبشرت دنياي يا راس مالي
اكتب حروف الحب يا شوق لجلك
والله ما غيرك على القلب غالي
يا غالي ٍ قلبي يحن وقربلك
وقربك هوى قلبي وراحات بالي
ـــــــــــــــــــ
الشاعره غيوض

:zkh13m:

نديم المحبين

12-17-2003, 08:26

صباح الغلا ياكل الغلا

فيك الامل
-------------
بين المحال وبين تحقيق الامال
مثل الذي بيني وبينك
بين الشقا والجرح والدمع والحال
عشره متينه وثقتها سنينك
عزفت في روحي من الوجد موال
روحٍ تلاعبها بانامل يدينك
أحيي خيالك في خيالي وتغتال
حلمٍ جمعنا خايف انه يدينك
دايم تعذبني ودايم على البال
الحب غلا فيك زينك وشينك
يزول عمري والامل فيك مازال
الشوق خلف لي بقايا حنينك
وكل المحال يخون في لحظه وصال
درب المحال امشيه .. من شان عينك

تحياتي وأشواقي

( منادي)

دانـــــــــــه

12-17-2003, 22:37

مجبور تبعد

مجبور تبعد يا منى النفس و أنساك
مجبور أنا ابعد واتركك لليالي
خلك مع اللي تنتحي له ويهواك
من عافنا عفناه لو كان غالي
يومي وحيد ٍ في غرامك ودنياك
وانته مكانك داخل القلب عالي
كنت اتمناني ورجواي لاماك
وأنت الوحيد اللي تشارك خيالي
منته بعيدٍ لا بغيتك ترى ألقاك
دايم رفيق لي مرافق ظلالي
مرتاح يا شوقي من الحب لولاك
دفتر غرامي قبل مالقاك خالي
ادعي ولي العرش يازين يرعاك
قلبي مع الأيام لابد سالي

ـــــــــــــــــــــــ
الشاعره ريم الصحراء

:zkh2m:

نديم المحبين

12-18-2003, 06:02

صباحكم عسل ونرجس وياسمين

الجميل هو الجمال وما يصح غير الصحيح
---------------

ليت الأيام مافيها وداع
يا هلا بك ولا تطري الوداع
عش معي لحظة الفرحة حبيبي
عمرنا اليوم والباقي ضياع
تصبح الأرض في قربك وساع
دام فرحة عيونك من نصيبي
ونبتة ضاقت الأرض الوساع
آه لولاك يا دافي الشعاع
كان مرتاح بالي وش تبي بي
تشغل البال يا دافي الشعاع
أحسب إني على الفرقا شجاع
بطوي الجرح أو بخفي نحيبي
وأثر ما في الهوى مغرم شجاع
يا هلا بك عدد عمري اللي ضاع
او عدد ماتمنيت حبيبي
ليت الأيام ما فيها وداع
للأمير / بدر بن عبدالمحسن
-----------------
تحياتي وأشواقي

دانـــــــــــه

12-19-2003, 04:03

أحبك

أحبك .. أحبك :hearts1:
أحبك كثر خطوات الثواني
كثر ما تبكي في الصمت المعاني
كثر ما تشهق أمواج المواني
أجي مثل الربيع
غرقانه بالواني
أجي وياك
وردة تخاف بستاني
طفلة شايلة أحزاني
أجي وياك
واتبع سر ناداني
اتبع صمت ناداني
وأحاول وأنت ما تدري
أحاول أنا ولساني
أحاول و اخسر ارعاني
أحاول وأنا في ضعفي
أحاول أنهي بركاني
وأحبك :hearts1:
أحبك:hearts1:
أحبك:hearts1:
كثر خطوات الثواني . . كثر ما تبكي في الصمت المعاني
كثر ما تشهق أمواج المواني

إلهام البدر

:wrd18m:

نديم المحبين

12-19-2003, 17:59

مساء الغلا للجميع

عــذاب أنتظــــارك

الروح تشكي من عذاب انتظارك
و لعتني واقـفيت و الناس يدرون
أرحم محب في هواك استجـــارك
العين تسهر و الخلايق ينامون
أمنــوّ ل حطــيتني مسـتــشارك
واليـــوم تبعد ياهـوى البال وشلون
ابعــدت عني و الحشـا فيه نارك
ناراً لهــا كل البشـر مايطـفون
ودي معك طول العمـر في ديارك
ماهمني ناســا علينا يهرجون
لو أتهـزمني راضيــه بانتصارك
لو كان عدواني بهـا النصر يحكون
تكفي تخفف لوعـتي باعتذارك
مادام انا مغرم لشـوفك ومفتون
انا الذي صوب خفوقي عيارك
ورغم الصــواب متيما منك ممنون
...............
كلمات رائعه للشاعره
الملتاعه

تحياتي وأشواقي

قلب_مسافر

12-19-2003, 20:08

كلمات رائعه

تهانينا على اختيارك الرائع

تقبلي تحياتي

دانـــــــــــه

12-20-2003, 01:38

قول أحبك

قول أحبك
يبتسم عالم خيالي
واحلم اني مالك الدنيا لحالي
اشتري كل النجوم من السما
وما اخلي ورده تشعر بالضما
واقر للريح القصايد
والبس الحكي القلايد
واتعطر من وجودك
انتظر حالي ردودك
وانتظرها كلمة وحده
انتظر كلمة احبك
قول أحبك

:wrd14m:

قولها خل المسافه
تقترب اكثر واكثر
قولها ماهي حسافه
يمكن الاحلام تكبر
ونتلاقى حتى لو صعب الكلام
يكفي ادري عن شعورك والغرام
اهدني طوق النجاه
خلني احيا الحياه
قول كلمة احبك
رجع لقلبي صباه
قولها ماظن تندم
يامنى القلب وغلاه

:wrd14m:

قول أحبك
ليه خايف
هذا انا واحساسي قدامك وشايف
مدري كيف
ابدى حبيبي مرتبك مثلك وخايف
يارجى الملهوف تكفى
لم باقي الشوق يدفى
واحضن الشوق بوجودك
خلني داخل حدودك
دام هذا الشوق فينا
والهوى يركض يبينا
قولها مره حبيبي
ينتشي الحب ويجينا
قول أحبــــك

:wrd14m:

فيصل بن تركي

نديم المحبين

12-20-2003, 11:03

صباح الأشراق والطيور المغرده على الجميع

:wrd2mm:

ابسأ لك وبذمتك
هذي الورود اللي مرتك ماشمتك ..¿¿
وابسألك ..
هذا الجسد ليه ارتجف
ليه لونه انخطف !!
يوم رنت ضحكتك
وبسألك
ليه تسمح للزهر...جوري الزهر
يسرق نضاره وجنتك ¿¿
وليه الفجر .. يهدي عمر من بسمتك
وليه القمر فجأه اختفى.... نوره خبا ¿¿¿
لحظه تبارت طلتك
وبسألك ذيك العيون
اللي حيل ...حيل ضمتك ما وحشتك ¿¿
وبذمتك شوق دفين
وعمر ضنين
وليل كحيل ما يلين
ما فكرك بذيك الليالي الماضيات
بذاك الربيع
بذاك الحنين اللي مايضيع كل الحكي ما ذكرك ¿¿
يوم سألتك.... وبذمتك
ذيك الورود اللي مرتك ... ما شمتك ¿¿

للشاعره { مزون العطر}
----------------------

تحياتي وأشواقي

:wrd2mm:

دانـــــــــــه

12-21-2003, 21:33

اهلا فيك اخوي قلب مسافر ... اسعدنا حضورك بالموضوع .. وتمنيت نشوف قطرة من قطراتك بالموضوع

يكفي تواجدك :019:

ـــــــــــــــــــــــ
صباح الحب

كتبت الشعر لعيونك وهمي فالحياة رضاك
واشوف اشعارك بغيري ولافكرت ترضيني
ابزرع حبك بشعري ولو صار القصيد اشواك
ابجني زهرة اشواكك ولو طاريك يدميني
وباخذ عاصف همومك-ايمطر - لك حنان وهاك
بقايا فرحة ايامي عساك تكون مشقيني
تفضل واشرب افراحي - تقهوى- والفرح يفداك
تعال وصب لي همك وأنا بسقيك من عيني
اسيرك وانتظر عمري احس ان القتل فرقاك
وإذا قررت هجراني بكت تبغاك سكيني
تخون دروبي الخطوة - اشوفك - بس كيف القاك
أحس انك قريب حيل ولاتوصلك يديني
بدور احساسي الصادق ضياها ينتشر بضياك
تموت انواري لغيرك وتنساني عناويني
" صباح الحب " ياحب يعيش ودنيته طرياك
أحس انك هنا ايامي ولو ماكنت تطريني
يفوح من الزهر عطره ويبقى القلب مع ذكراك
وهج ذكراك في قلبي بعد صدك يدفيني
رهنت أيامي وعمري على شاطئ بحور شفاك
بكلمة تفرق افراحي وكلمة منك تحييني
ـــــــــــــــــــــــــ
الشاعر : مسرى بدر

:zkh18m:

نديم المحبين

12-22-2003, 02:26

صباح الخيرات والمسرات

لا والذي سواك ما أريد سلواك
ما اخبر به نفس تمنت قدرها
وكان التفرق ياداعج العين عناك
أنا الذي روحي عذابه صهرها
والله لو ما اعي..نفسي برجواك
واجزم وكاد انه يهمك خبرها
لا طفى شعاع العمر..لا غيب ضياك
عميت عيون ما يطولك نظرها
اغلي حياتي من ثواني بها القاك
لولاك ما تسوى حياتي كدرها
ودنيا خلت من صافي الود وياك
ياعل تكسف شمسها مع قمرها

{ بدر بن عبدالمحسن }

تحياتي وأشواقي

بنــــــت الباديه

12-28-2003, 02:57

أنا احبــــــــــك

يا عمري الدنيا ما تسوى تنام وخاطرك زعلان

ولابه شي يستاهل يخلي قلبك يعاني

طلبتك كان لي خاطر تبعد عنك ألأحزان

فديت أعيونك الحلوه تبسم لو على شاني

حبيبي صار لي مدة أشوفك تايه وحيران

وانا والله لا شفتك حزين تزود أحزاني

أنا احبك ولا ودي تعيش بدنيتك ندمان

ترى ألأيام محسوبة وتالي ها لعمر فاني

تصدق بسمتك والله تفرح خاطري الولهان

يطير من الفرح قلبي واصير بعالم ثاني

والى من شفتك بضيقة أحس اني انا الغلطان

أعاتب نفسي بنفسي ولو ما كنت أنا الجاني

غلاك بداخل أعروقي ولا يوصل غلاك انسان

يمر الوقت ويثبت لك غلاك ان الله أحياني

أضحي بعمري لعيونك تنام انته وانا سهران

ونادي جروحك لقلبي تجي واحد ورى الثاني

:wrd22m:

ابيات اعجبتني
لكني لللأسف مااعرف قائلها

المحير

12-28-2003, 03:16

بنت الــــــــباديه /عسى اوقاتك كلها مسرات مثل مااسعدتي الكل بكتابك الشعر الجميل وعلى كل حال كتابتك له هى الجميله وليس هو وانا ادلك على قائله اسمه ( المحير )¿

دانـــــــــــه

12-30-2003, 01:31

حظك

حظك إني احبك
وشلون ضيعت الطريق
وضيعني قلبك
لو إن جرحي يهون
والدوا دمع العيون
لك بكيت العمر كله
انت قلبك حجر خالي من الحياه
وانا قلبي يسع هذا الكون كله
خذت أنا درس العمر
ولو إنها منيه
وتقول هذي بقايا
جروحك هديه
ولو بكيت ألف نهر
من الدموع
من يقول إن الدموع تكفر خطيه¿
وحظك
إني أحبك

مليحه الفودري

:wrd16m:

دانـــــــــــه

12-30-2003, 02:16

احبـــــك

احب ايدي بعد مانامت بأيدك
احب انفاسك وهمسك .. احب شوقك وتنهيدك
واحب حتى الغلا منك
واحب شعرك وتغريدك
واحبك همس بشعري عجز حرفي بترديدك
واحب رعشه ايديني .. امل منوى مواعيدك
ولهفة عيني لعينك .. جمال وفتنة مواعيدك
احبك حب ماقد شافته عيني
ولا مر خاطر العشاق
احبك لمسة القطرة
على شفاف الزهر مشتاق
واحبك فرحة الخاطر
إذا حن الصدر أو ضاق
واحبك دقة حيرى .. تنادي واله خفاق
واحبك.. واحبك
بس ما اقدر اقول اكثر
كفاية كلمة ترقى على متون السما قربك
وهذي حروفي ياعمري تهمس لك
:h22:انا احبــــك:h22:
ـــــــــــــــــــــــ
المحرومه

:wrd19m:

قلب_مسافر

12-30-2003, 03:23

هالزين مهما وصفته أعتبر ظالمه
غصبا عن الوصف لا جاء صوب وصفك يبيد
و انا الصراحة أعذره
ماني بلايمه
كل ما اشوفك احس الزين عنده رصيد
و ضعه يطمن مادامك بأول القائمة
وكل ما قرب لوجهك اصفق ايد بإيد
و أقول كيف اترسم
سبحان مين راسمه
إن كان تبغين شوري
خلي راسك عنيد
و زيادتك في التواضع مالها لازمة
لا قالوا الناس حلوة
قولي ايش الجديد¿
لا تفرحي قولي ادري روسكم سالمة
بقولك كلمتين
ان كان للزين ديرة فإنتي العاصمة

دانـــــــــــه

12-31-2003, 03:23

:swanheart

لو ... بكيت

لو بكيت ادموع عيني ماتفيد ..
وان شكيت الشكوى مافيها مسد
كل يوم ايذوب في جسمي وريد
اتصبر.. مير ماعندي جلد
نار شوقي لك يذوبها الحديد
واندثر دمعي على خدي مدد
دايم ياشوق شوقي لك يزيد
وإن سألت العين لك فيها مرد
دمعتي تنبيك عن حبك اكيد
غيرها ياروح روحي وش بعد
كان قلبي قبل عرفي لك عنيد
مايحن ولا رمي غيرك لحد..
لين طوعته بحبك ياوحيد
والمحب يطيع محبوبه وحد
ياحبيبي غير شوفك ما أريد
دورك طرفي طاير فيه السهد
ياحبيبي فيك ياحلو القصيد
لو كتبت الشعر في غيري شرد
اتغنى فيك بأشواق تشيد..
باأصدق اللي قيل من نبت ايولد!

الشاعره .. غيوض

:zkh24: