المساعد الشخصي الرقمي

مشاهدة النسخة كاملة : قصيده تجسد معاناة الإبن عند تقصيره في حق أمه



SAMI656
07-08-2002, 02:49
قصيده تجسد معاناة الإبن عند تقصيره في حق أمه

أنقل لكم هذه القصيدة التي تجسد معاناة (الإبن) عند تقصيره في حق (أمّـه)0

وللعلم .......... القصة واقعية للشاعر نصار الظفيري

تحياتي للجميع



______________________________

يا يمّـه .. ماانتهي جيتك وطالب منك الغفران

أقبـّـل قاعة أقدامك واغسلها بدمعاتي

يا يمّـه .. كل مافيني يناديلك أنا ندمان

طلبتك¿.. قولي سامحتك وردي لوجهي بسماتي

أنا أدري قلبك الطيب كسرته بصدمة النكران

غلطت .. وغلطتي هذي تعير كل غلطاتي

تشوفي الشيب يا يمّـه ترى ماجا وأنا فرحان

وربي إلي رفع ذاتك ونزّل للردى ذاتي

فقدت الراحة من بعدك .. فقدت الطيبه والتحنان

بدونك .. راحتي غاية بدينك هذي راحاتي

أنا بعدك ولا حاجة أنا بعدك ترى عميان

أشوف .. ولا أشوف إلي يوريني مساواتي

أنا وسيد الشّـقى والهم من بعدك غدينا أخوان

يجيب هموم هالعالم .. ويرميها بمتاهاتي

صدقتي .. يوم قلتيلي تدين اليوم بس تندان

رميتك في بداياتي .. ورموني في نهاياتي

أنا من شالك بيده ورماك بأسفل البركان

نخيتيني .. وطلبتيني .. ولا حصلتي نخواتي

مثل ماهنتي بعيوني .. عليهم قلبي يمّـه هان

رموني وضعتهم فزعه .. وأنا الدمعات فزعاتي

يا يمّـه لا تظنيني أنا من فعلهم زعلان¿

سواتٍ فيك سويته وسوّو فيني سواتي

يا يمّـه .. يالله ظميني ودفيني بهالأحضان

أنا أدري فيك مشتاقه .. وهمك بس ملاقاتي

يا يمّـه (حيييييييل) ضميني أبي أرتاح أنا تعبان

تعبت أهرب من ذنوبي ابيك آخر مسافاتي

أبسمع منك أي كلمه .. لصوتك مسمعي ولهان

أبسمع (يمّــه) بصوتك أبذكر فيها نشواتي

أشوفك ساكته يمّـه ¿!!.. غفيتي ولا أنا غلطان¿

غفيتي يا بعد عمري¿.. تعبتي من مواساتي¿

يا يمّـه طالبك قومي .. إذا لي في عيونك شان

أشوف الموت بعيونك .. عساها تخيب هقواتي

تعالوا يا بشر شوفوا أنا محتار أنا تلفان

أنا أمّي مدري وش فيها أنا مدري أنا أحاتي

شنو ¿¿ أمّي أنا ماتت !!! لا لا.. لا ترى غلطان!!!

أنا أمّي ما تخليني على حزني ووناتي

أنا أمّي قلبها طيب ولا يمكن تبكي إنسان

أنا أمّي ما تبكيني .. ولا تتمنى آهاتي

يا يمّـه صح ما متي¿ .. وصح الموت تو ماحان¿

إذا متي أنا بعدك أبقضي وين ساعاتي..¿

يا يمّـه قومي يا يمّـه .. وقولي الموت لا ما كان

أنا جتيم وأنا ناوي أببدي فيك جناتي

تركتيني ومتي ليـه¿¿ تركتيني وأنا غرقان¿

ولا مسموح يا وليدي!! .. ولا تلعنك لعناتي!!

أنا الجاني .. وأنا المجني .. وأنا المخطي .. وأنا الندمان

وأنا بإيدي رميتك إيه .. وبعثرت أهم ملفاتي

وجيت من الهنا مفلس .. وقلبي من الضنا خسران

تركتيني على ناري أعدد فيك زلاتي

ولاني مرضيٍ ربي .. ولاني تابع الشيطان

أنا بعدك ترى مابين نهاياتي وبداياتي

يا يمّـه منتهي جيتك وكلي مرتجي غفران

وشفت الناس تلعني .. وتحذرني من الآتي..¡

________________________________


q:")(q:")(

أنفاس القصيد
07-08-2002, 04:28
مشاركه روعه 00 يعطيك العافيه

والله يجعلنا في صفوف المبرين بالوالدين

تحياتي لك

أمـ )(الجن )(ـيرة
07-08-2002, 11:32
اهلين SAMI656


مشكور اختيارك للقصيدة

عندي القصيدة بصوت الشاعر نفسه بس مرة مؤثرة

ماقدر اسمعها مره ثانيه لان كان نفسي اضيفها بالموضوع

SAMI656 ننتظر المزيد من الابداع

أميرالقلوب
07-08-2002, 21:00
أخي العزيز / سامي

بعد التحية والتقدير..

للكلمات وقع كبير على أحاسيسنا ومشاعرنا

فهي في مرات كثيرة

تعادل جريان الدم في الشريان

لأنها تحمل على السعادة في أحيان

ومرات تحمل على الحزن المستديم

وبين هذا وذاك سيل جارف من الأماني

منها ما تقر به العين ومنها ما يندرس

وفي طي النسيان يكون

فكم تمنيت من أماني على رأسها هذه الأمنية

أن أكون بااااارا بوالدي

اتمنى من ربي أن لا يحرمني من هذه الأمنيه

وان تكون في رضاه


رائع في كتاباتك ورائع في أختيارك

سلمت أخي الكريم (( ساامي ))

كلمات متأججه بالمشاعر الصادقه

دمــــ لنا ـــــــت أخي سااااامي

في أحر الشوووووق لإنتظاااار جديدك

اخاك المحب..أميرالقلوب

دروبك يالسهر
07-13-2002, 07:57
الله اكبر عليك SAMI656



كفيت ووفيت وماقصرت اخوي

ولكن اسمح لي اهديها للاخوان هنا بصوت الشاعر

اتوقع تسمح لي اتعدي على حقوقك المنتداويه :D


http://www.ozq8.com/she3er/s5s.ram

عاشقة المرحوم
07-14-2002, 02:47
مشكووووووووووووور اخوي sami656


بجد القصيده مره مؤثره واكبر من اني اتكلم او اقول او حتى احاول مجرد محاوله اني اتكلم فيها

وبجد مافي شي اروع من الاحساس برضى الام

ومافي شي اكثر ألم من سخط او فقد الام

يارب لاتحرمنا من رضاها

واحلى مقطع عجبني::

تدين اليوم بس تندان


")( اختك .. عاشقة المرحوم ")(