الشباب .....

[*الدمع الحزين*]

مرحبا يا اصحاب .....

أخونا ولد الفهد ماخلى كلمة عن البنات ....لكن نسى يتكلم عن الشباب .....
شباب هالأيام شي مو طبيعي ....
تدق البنت على تلفونة غلطانة بعد خمس دقايق تلاقية دق عليها .....وحبيتك وعجبني صوتك وبتزوجك وتلاقية يكلم عشر معاها قالهم نفس الكلام ....وإذاشبع منها وزع رقمها ولعب بسمعتها لعب النار بالحطب ..
يعني الولد اللي يسوي كذا يرضى على اخته أو خالتة او اي وحدة من اهلة يصير فيها كذا ...طبعالاااااااا..إذا لاااااااطيب ليش تسوي في بنات الناس كذا ..مهم هم بعد خواتك....

وغيره وغيره من مشاكل من هذا النوع ......والله يعلم المستخبي .....
هذي مشكلة من مشاكل مجتمعنا ...اتمنى ان احد يرد علي ونتناقش في هذي المشكلة .......
اختكم الدمع الحزين .....باي

[نديم الليل]

صح لسانك اختي الدمع الحزين

وكلامك 100 % وهذا يصير معنا كثير

ولاكن مو كل الشباب كذا تلقين 90 % يحب اللعب

والعربجه و10 % ماودك تتكلمين عنه لانك تحسين

انك مقصرة في حقه.........

واترك الموضوع للبقيه

تحياتي / اختكم نديم الليل

[*الدمع الحزين*]

مشكورة أختي نديم الليل .......أحساسك حلو وذوقك احلى ......لانك رديتي علي ......
باي

[نديم المحبين]

أختي العزيزه
*الدمع الحزين*
:hla2mm:

أشكرك على موضوعك الجميل
أولاً المشكلة ليست بالهاتف فقط
المشكله موجوده بالمجمعات التجاريه
بالمنتزهات العائليه
لكن ماهو السبب ¿
أسمحي لي بالمداخله
--------------
تدق البنت على تلفونة غلطانة بعد خمس دقايق تلاقية دق عليها
وحبيتك وعجبني صوتك وبتزوجك وتلاقية يكلم عشر معاها قالهم نفس الكلام
----------------
غالباً كلامك صحيح ولا يختلف عليه سوى شخص مكابر
ولكن ماهو السبب حتى يعاود الأتصال عليها
لماذا لا تكون البنت هي السبب بأسلوبها وطريقة كلامها
أعتقد لو كان بنبرة صوتها شي من الحدة مستحيل يعاود الأتصال بها .
يوجد من الشباب من يبادر بالأتصال على اي رقم حتى اذا اكتشف غلطه بالرقم
ومن رد عليه هي بنت سوف يكرر الأتصال
-------------
للأسف ( بعض ) البنات يكون لهن السبب بهذه المشكله
وهي التي تبين للشاب أستعدادها لتقبل التحرش حتى لو بالكلام منه
من لبسها وعطرها يعني تتخيلين انها رايحه لحفلة زواج وليس للسوق
-------------
أخيراً يوجد من الشباب من فيهم الخير
ومن البنات من فيهن الخير
والله يهدي الجميع لما فيه خير


تحياتي وأشواقي
أخــ( نديم المحبين )ـــوكم

[r7eell]

السلام عليكم ورحمة الله وبركاته


الفراغ هو السبب الرئيسي والدافع القوي للمعاكسات التلفونيه وهي ظاهرة اجتماعيه خطيره منبعها ضعف الايمان

وعدم مراقبة كل بنت وشاب بتصرفاته من خلال الاسلوب بالكلام مثل ما قال الاخ نديم المحبين بان البنت بطريقه كلامها من خلال نبره صوتها وتنعيم صوتها دافع لجعل الشاب يشعر بأستجابتها وقبولها للمحادثه

كما ان لو كل بنت و ولد قدر يقضي وقت فراغه بالشي المفيد اكيد ماراح يكون في وقت للمعاكسات
بس للاسف وقت الفراغ والروتين الممل وعدم الاستفاده من الوقت سبب قوي للمعاكسات وكثره اجهزة الهاتف بالبيت وغرف الابناء كذلك سبب يدفع الابناء باستعمال الهاتف بطريقه غير نافعه

يجب على الاهل مراقبة ابناءهم في كيفيه استخدام الهاتف للضروره فقط



وشكرا

[هناك]

السلام عليكم ورحمه الله وبركاته
شكرا اخواني على التطرق في موضوع مهم منتشر الايام هذي بكثره
والسبب الاهل وكما قال اخوي نديم واختي قطره
والتربيه والبيئه المحيطه لها التاثير الكبير
لا اكثر من الرد على هذا الموضوع لكفاية الاخوان برد عليه
تحياتي للجميع
اخوكم وينك¿¿¿
(هناك)

[غيوض]

موضوعك حلو بس حبيت اقول ان كل تصرف يتصرفه الانسان يعكس شخصيته
اذا الانسان يتلاعب بالالفاط مع الفتاه فانه غير صادق مع نفسه لانه قاعد يكذب على نفسه
والانسان اللى يكذب فى عوطفه طول عمره بيكون غير صادق فى عواطفه حتى مع اهله وزوجته فى المستقبل
وراح يندم على كل لحضه باع ضميره فى عواطفه
مع تحياتى لكل شاب وشابه..........
غيوووووووووووضه :070:

[بنــــــت الباديه]

السلام عليكم ورحمة الله وبركاته

للشاب والفتاه

دوووور كبير بهذا الموضوع

صعب إنا نلقي اللوم على واحد منهم

المعاكساااات ظاهره غريبه وموجوده بمجتمعاتنا بكثره

والأطراف بها القضيه مو بس البنت والولد

المجمتع بأسره مسئول عن هذي الظاهره

والأسره كذلك وتربيتها لأبنائها لها العامل الكبير بتوعية وارشاد أبنائها وتقوية الوازع الديني وتربيتهم على الأخلاق والفضائل

والمعاكسات مو بس مقتصره على التلفون

المعاكسات بكل مكان

بالمجمعات ...... حدث ولاحرج أشكال وأنواع من شباب وبنات

كل واحد فيهم كاشخ على سنكة عشره

البنت مكياج كامل وقزازة عطر كامله كأنها رايحه لحفله او مناسبه
مو جايه حتى تقضى حوايجها واغراضها
إذا احنا يالبنات نقعد نتفرج عليها وعلى لبسها ونقعد نتكلم عليها
فما بالكم الشباب¿¿¿¿¿
بصراحه ماينلامون
وخنكون صريحين ..........
بس هم الشباب تلقاهم وقت الأعياد بالأسواق وان سئلتهم ليش
قالوا نتقضى للعيد
طيب تتقظون للعيد كل يوم¿¿¿¿!!!!!!!
يعني من كثر أغراضكم وإلا لبسكم كلها دشداشه وغتره وإلا شماغ
لا وياليته واحد والا ثنين
شله كامله جايه تتقضى وتأخذ نصيبها من توزيع الأرقام
لدرجة إن بينهم يصير تحدي
من يرقم أكثر أو ينعطى وجه
وللأسف بوقتنا هذا الترقيم مااقتصر على الشباب
البنات صارت توزع أرقامها وتتحرش بالشباب
مواقف كثيره تمر عليك تنصدم منها وماتتوقعها
بس لللأسف انحدرت مجتمعاتنا وبشكل كبير
لا أخلاقيات ولا فضائل
والسبب هو البعد عن الإسلام
حتى المستشفيات والمستوصفات ماسلمت
والنت أيضا اصبح وسيله سريعه لترقيم وللمعاكسات

والمشكله الكبيره
والطامه الكبرى
إن شباب وبنات بعمر الزهووور
بسن المراهقه وأقل
12 سنه
يعاكسوووون
مرت علي مواقف كثيره وخاصه من هالأعمار هذي وانصدمت فعلا منها
ماتوقعت تطلع منهم السوالف هذي ......
يمسك لك التلفون ويقعد يشير بالأرقام ويزعج خلق الله
ويسبب مشاكل للناس هم بغنى عنها
وبعضهم يفرح ويستانس اذا سبب مشاكل لأهل البيت
بعضهم يدق على أرقام مايعرفها
ويردون عليه أطفال صغار
ويقعد يسئله وياخذ معلومات منه
انت منو¿
من عندك¿
وهلم جره من الأسئله
وطبعا الطفل الصغير على نيته يقووول كل اللي عنده اسمه واسم ابوه وامه
وخواته
حتى جيرانهم ان بغى
!!!!!!!!!!!¿¿¿¿¿¿¿¿¿¿
فعلا شيء يبكي ويحزن
مشاكل ومصايب صارت والسبب لعبه من شخص ماعنده لاضمير ولا أخلاق
اسر كامله تدمرت وتشردت والسبب واحد فاضي يحب يتسلى بأعراض الناس
مايدري انه بيجيه يوم وبينرد له اللي سواه
لكل ظالم يوم .........
بس شنقووول التقليد الأعمى وأصحاب السوء مايخلون أحد بحاله .....
حتى بعضهم إذا قلت له ليش
يقووول أنا شسويت هذا ابوي والا أخوي
الكل يوزع ارقام ويعاكس
جت علي أنا
¿¿¿¿¿¿¿¿¿¿
!!!!!!!!!!!
شيء عجيب فعلا

ادري طولت بالموضوع
بس مهما كتبت ماراح اوفي الموضوع حقه
اللهم صن أعراضنا وأعراض المسلمين
وقنا من شر و فتن هذه الدنيا
تحياتي

أختكم
بنــــت البــــاديه