ممكن أعرف ردة فعلكم¿!

[بنــــــت الباديه]

:zkh21m:

السلام عليكم ورحمة الله وبركاته

عندي قضيه واحب اطرحها واعرف رايكم فيها

وبالنسبه لي أعتبرها أجتماعيه

فلنفرض مثلا أن الموقف اللي بذكره حصل معاك

شنو بتكون ردة فعلك وطريقة تصرفك¿!

http://www.qatarat.com/images/imported/2004/01/1.jpg

نبدأ بالقضيه

بسم الله


المكان: عالم النت الواسع
الموقع بالتحديد: الماسنجر
أطراف القضيه: ثلاثه ( حسب عهدة الراوي)
الزمن : غيرمحدود أو باالأصح فتره زمنيه قصيره



دخلت الماسنجر كعادتك وصادفت مجموعه متصله عندك
بدت السلامات والسوالف مع شخص نقدر نقول ان الفتره اللي تعرفت عليه من خلالها قليله مقارنة بغيره .... أو انك تعرفه من خلال شيء معين غير الماسنجر فلنفرض مثلا منتدى أو شات وتمت إظافتك له أو إظافته لك ماتفرق ...
المهم انك كنت تعرفه من خلال كتاباته وطريقة تعامله معك ومع غيرك
ومرت فتره اعتقد انها كافيه من بعد الاظافه يعني قدرت تكون فكره عنه وعن شخصيته وخلال المده هذي ماشفت منه الا كل خير ....


في نفس هاليوم وفي اثناء حديثكم استأذن منك


بررررررب تلفووووون


بعد خمس دقايق أو أقل رجع

باااااااك

وبدأ يخربط بالكلام ويقول أشياء تصدمك ماتخليك تنطق بكلمه..... مابدرت منه ابد من اول يوم اظافه ولاتوقعت ابد انها بتبدر منه

اعتقد ان اقل شيء بتسويه انك تطلع من الماسنجر من غير أي نقاش او ابدأ رااااي

فلنفرض انك ارسلت له رساله تستغرب من تصرفه وانك ماتوقعت ان هالشيء يبدر منه

وبعدها يجيك اعتذار منه

في انه مو هو اللي كان يتكلم معاك وانه قام من الجهاز وطلع من الغرفه كلها من بعد التلفون اللي جااه
وان شخص متطفل هو اللي تحدث بلسانه وجلس على جهازه
وهو اللي خربط بالكلام
وانه ماعرف اللي صار الا ثاني يوم من رسالتك اللي ارسلتها له
وان الكلام اللي إ نقال لا يمكن انه يبدر منه ولاهذي اخلاقه
¿¿¿¿¿¿¿!!!!!!!!

ممكن اعرف شنو بتكون ردة فعلكم لو حصل معكم هالموقف

هل بتقوم بحظر هذا الشخص وحذفه من القائمه عندك¿
هل بتصدق روايته وان هالشيء ممكن يحدث فعلا¿
هل حدث معاك¿ وسبق وقام شخص بالتحدث بلسانك ¿
هل من الممكن انك تسامح وتغفر وتعطيه فرصه¿
هل من الممكن فعلا إن الكلام اللي إ نقال بدر منه فعلا ولما شاف ردة فعلك إختلق هذي الروايه¿

سؤال أخير

هل ممكن يخطر في بالك ان اللي صار لك اختبار من هذا الشخص حتى يعرف شخصيتك اكثر¿¿¿¿¿¿

أتمنى ان القضيه تكون واضحه

ممكن اعرف ردة فعلكم
اذا حصل هالموقف معكم
¿¿!!!!

في إنتظار تفاعلكم مع القضيه

:zkh21m:

[أموووولة]

اول شي مشكوووووره على المووضوووووع

ثاني شي ردي على سؤاالج الاول حسب الاختيااااراااتو بالنسبه لاني بنت
وطبعا تفرق انج بنت والا ولد ويفرق اللي يكلمك بنت والا ولد

اذا اللي يكلمني ولد ف على طووو ل اقووووم بحظر هذا الشخص وحذفه من القائمه عندك¿


لان الاولاد

دايما هذي سوااالفهم




يا انهم يسووون مقلب والا متعمدين


اما اذا بنت وعلى هذا القددر من الاخلاق

من الممكن اني اعطيها فرصه اخيرا


وارد ولقووول انا الآراء مختلفه من شخص
لي الثاااني


وعلى العموووم مشكووووورة واااايد
موضووووووعج

يهبل

[شــــاطر]

مرحباااااااا بنوتة

والله ما تهون علي أني أحظرة اذا تاسف واعتذر لي بشكل رسمي

بعطيه فرصه وان تكررت

يااااااااااااااااااااويله

بحذف الماسنجر كله

وهي مثل ما قالت اختي امووووووووولة تعتمد على الشخص

واذا كان ولد او بنت

ايضا نفسية الشخص فيه ناس تقبل وفيه ناس لااا

انا من جهتي بعطيه فرصه

واشوف اخرتها

مابي اطول

اترك الباقي لكم

شكرا لك بنووووتة على الموضوع

تحياتي

[دعاء]

بسم الله اختي الغالية بنت البادية : اولا المهان لايهين الا نفسه فقط والحروف ليس اهانة ابدا انما تعبرعن شخصية صاحبها ونفسيته

وبالنسبة لي ممكن ارد عليه لاعرفه حجمه فقط وممكن انصحه لعله يرتقي بنفسه الوضيعة الرخيصة التي لاكرامة لها علي الاطلاق .

وكلامك يدل علي انك من بيئة محترمة وحساسة لاتقبلين العيب مهما كان .وان لم تنفع النصيحة الحظر اولي والله الشافي الهادي

لهؤلاء .. ههههههههههههه

[الوفاء]

مرحبا بنوته
تسلمين على الموضوع الحساس جدا

هل بتقوم بحظر هذا الشخص وحذفه من القائمه عندك¿
طبعا لاا ما راح احظره بعد اعتذاره واترك له فرصه

هل بتصدق روايته وان هالشيء ممكن يحدث فعلا¿
ممكن ليش لا كل شي جايز بهاالدنيا
هل حدث معاك¿ وسبق وقام شخص بالتحدث بلسانك ¿
نعم حدث ولكن شرحت الوضع اللي صار واعتذرت
هل من الممكن انك تسامح وتغفر وتعطيه فرصه¿
نعم من الممكن لان راح احط مكاني مكانه
هل من الممكن فعلا إن الكلام اللي إ نقال بدر منه فعلا ولما شاف ردة فعلك إختلق هذي الروايه¿

طبعاا ممكن ليه لا
هل ممكن يخطر في بالك ان اللي صار لك اختبار من هذا الشخص حتى يعرف شخصيتك اكثر¿¿¿¿¿¿

قد يخطر وقد لا يخطر لكن في معظم الاحيان لا يخطر

طبعا مثل قال الاخوان انه الناس نفسيات وناس تقبل ونا س ما تقبل على اني من الناس اللي ماتقبل
هالشي لكن اذا حصل و وضحت لي الاسباب ممكن اقبل

تحياتي لك

[شبيه الريح]

عزيزتى/ بنت الباديه

بعد التحيه اليك منى وشكرا لك على طرح هذا الموضوع
واتمنى ان نتواصل بطرح مثل هذه المواضيع من خلال
صفحتك وذلك لحدوث مثل تلك المواقف 0
عزيزتى انتى قلتى في بداية حديثك عن الموضوع :
.................................................. .............................
دخلت الماسنجر كعادتك وصادفت مجموعه متصله عندك
بدت السلامات والسوالف مع شخص نقدر نقول ان الفتره اللي تعرفت عليه من خلالها قليله مقارنة بغيره .... أو انك تعرفه من خلال شيء معين غير الماسنجر فلنفرض مثلا منتدى أو شات وتمت إظافتك له أو إظافته لك ماتفرق ...
المهم انك كنت تعرفه من خلال كتاباته وطريقة تعامله معك ومع غيرك
ومرت فتره اعتقد انها كافيه من بعد الاظافه يعني قدرت تكون فكره عنه وعن شخصيته وخلال المده هذي ماشفت منه الا كل خير ....
في نفس هاليوم وفي اثناء حديثكم استأذن منك
بررررررب تلفووووون
بعد خمس دقايق أو أقل رجع
باااااااك
وبدأ يخربط بالكلام ويقول أشياء تصدمك ماتخليك تنطق بكلمه..... مابدرت منه ابد من اول يوم اظافه ولاتوقعت ابد انها بتبدر منه
.................................................. .................................................. .................................................. ..........

عندما نتعرف على اناس بمثل مااثنيتى على هذا الشخص الذى كونت فكره عنه وعن شخصيته وانك ماشفت منه الاخير

وكان الحديث في الماسنجر دائما وفي وقتها ممتاز وطبيعي جدا 0

لكن ¿¿¿ فجأه تغير الحديث خلال دقائق معدوده وحديث غير المعتاد

الا يكون هذا شافع لهذا الشخص الذى عرفت شخصيته بانها رائعه ومتميزه

وهل سيتغير كلامه المعتاد خلال دقائق وفجأه الى كلام بذىء يصدمك فيه

بعد التفكير في ذلك انا التمس له العذر واصفح عن مابدر من غيره والذى

ليس له ذنب فيه 0

وفي المقابل انا اعتب عليه بجعل جهازه مفتوح وبعدم تنبيهه لمن هم معه

بان لايقربو الجهاز حفاظا على من معه

فلو كنت مكانك لصفحت وسامحت
.................................................. .............................
هل بتقوم بحظر هذا الشخص وحذفه من القائمه عندك¿اكيد لا ولا

هل بتصدق روايته وان هالشيء ممكن يحدث فعلا¿ساصدق لامكانية حدوثه

هل حدث معاك¿ وسبق وقام شخص بالتحدث بلسانك ¿سبق ولكن بموافقتى ومعرفتى

هل من الممكن انك تسامح وتغفر وتعطيه فرصه¿جدا ساسامح

هل من الممكن فعلا إن الكلام اللي إ نقال بدر منه فعلا ولما شاف ردة فعلك إختلق هذي الروايه¿لااعتقد

سؤال أخير

هل ممكن يخطر في بالك ان اللي صار لك اختبار من هذا الشخص حتى يعرف شخصيتك اكثر¿¿¿¿¿¿لااعتقد

اخيرا بمثل ماكونت فكره عنه اكيد هو كون فكرة عنك ومهما كان فمن يحترم الاخرين جديرا بالاحترام

اشكرك عزيزتى بنت الباديه على طرح هذه المشكله واخذ اراء الاخرين فيها 0 فهذه وجهة نظري 0

تحياتى

[فيصل]

أختي العزيزه / بنت الباديه
السلام عليكم
بعد التحية والتقدير....

****

قلتي اول ما اشوف هالتصرف اول شيئ اطلع من الماسنجر وبعدين ارسل له رد اعتبار
ليه ما أقوم بحظره أو حذفه تلقائيا أول ما أشوف انه تصرف هالتصرف الغير لائق معي
هل كان عندي شك إنه ممكن يكون فوق هالمستوى وإنه ماراح يبدر منه هالشيئ ¿
طبعا صعبه الحكم على شخص من خلال النت
لأن الناس ممكن تتلون بألوان من ورى هالشاشه
بس يمكن أغلب الناس راح تترسم عليها ملامح اخلاقها
طبعا اذا كان عندي شك إنه ماراح يسوي هالشيئ راح أحظره الى وقت لاحق :)
وإن كنت لا والله متوقع هالشيئ منه راح احذفه بدون تردد

****

من كلامك إتظح لي ان الشخص ماجاء منه الا كل خير
ليه ما أصدقه ¿ وليه أظن فيه هالظن ¿
مع اني ادري انه ممكن يصير لي نفس هالموقف
وراح تكون أخلاقي وتعاملاتي السابقه
هي البرهان الوحيد لشخص مايعرفني الا من خلال النت
راح أصدقه
وبما اني صدقته أكيد راح اتقبل اعتذاره وأعطيه فرصه

****

هل من الممكن فعلا إن الكلام اللي إ نقال بدر منه فعلا ولما شاف ردة فعلك إختلق هذي الروايه¿
لا
لأني قدرت اكون فكره عنه وخلال الفتره اللي طافت ماشفت منه الا كل خير

****
هل ممكن يخطر في بالك ان اللي صار لك اختبار من هذا الشخص حتى يعرف شخصيتك اكثر¿
كل شيئ جايز
بس تظل اخلاقه الدليل الوحيد على حسن النيه

****
هل حدث معاك¿ وسبق وقام شخص بالتحدث بلسانك ¿
ما أذكر





***************

بنت الباديه

في إنتظااار مشاركاتك القادمه

لكِ مني كل التقدير والإحترام

أخوك

فيصل

[دانـــــــــــه]

السلام عليكم ...
بصراحه استغرب هالموضوع منك بنوته
المفروض الواحد مايضيف الا واحد واثق منه
مامعنى كلمة ثقه¿¿¿¿
الثقه تعطيك الجواب الشافي ولا تضيعك
والعتاب يحل المشكله
خلاص اسامحه واطلب منه انه مره ثانيه مايترك الماسنجر ويطلع
او مثلا يعطيك خبر بوجود احد معه وانتي مثلا تسوي عليه حظر ... وخلاص..
شخص مضاف بالماسنجر عندك اكيد مابتضيق معه السبل ولا يلاقي الا هالسلوب الوضيع حتى يختبرك ابسط حل يستخدم اسلوب الغزل ولا يستخدم اشياء تخدش الحياء شلون بيتغير بسرعه هاذي
شنو بيستفيد ..
هالاسلوب بتعرفينه من طريقة تعامله معاج ومومعقوله انه بيغير اسلوبه بثواني معدوده وخاصه ان الاحترام متبادل بينكم

[قلب_مسافر]

السلام عليكم

بصراحه أنا مع رأي الأخت دانه

أعتقد أني لو راجعت أوراقي القديمة . . . . وما أستعجلت بالحكم

يمكن أحصل أشياء تشفع لهالشخص وتأكد كلامه

أما إذا كان شخص عادي . . . . . ولا يهمني قطع الإتصال به

فلا أرى أي مانع من ( الباب اللي يجيك منه الريح . . . *)

أحم . .

كن فيه وحده فوق قالت أنه فيه فرق بالمعاملات أو في الأخلاق بين الذكور والإناث .

عزيزتي :

التركيبة الأخلاقية واحدة . .. لا تفرق بين جنس أو جنسية معينة

فالقواعد الأخلاقية ثابته

والحلال بين والحرام بين

فما حاك في النفس

سده واستريح

ولكن لا أستعجل في الحكم

إذا كان الشخص فعلا غريبة منه هالتصرف

العجلة من الشيطان

وفي التأني السلامه

ولا تسرع

فالموت أسرع

تحياتي ¡ ¡ ¡


************************ الموضوع ساخن جدا ( في مايكروويف على غفله (* ************************

[بنــــــت الباديه]

:wrd2mm:

ياهلا ومرحبا

أموله
شاطر
دعاء
الوفاء
شبيه الريح
فيصل
دانه
قلب_مسافر

شاكره لكم أحبتي تعليقكم على القضيه

وكم اسعدني وجود هذا الكم الهائل من التعليقات على الموضوع

إختلفت الأراء حول القضيه

وبالنسبه لي اتفقت معكم

بعدم التسرع بالحكم حتى لا أظلم الطرف الأخر

واعطي فرصه لأنه فعلا مثل ماقلتم تصرفاته معي واخلاقه بتكون شافعه له

شاكره لكم ومن كل قلبي وقفتكم

:wrd2mm:

[ضحــ عشق ــية]

اختي بنت البادية
اعتذر عن ردي المتأخر جداً
ولكن أحب أن أطرح رأيي


هل بتقوم بحظر هذا الشخص وحذفه من القائمه عندك¿
بصراحة لاأقوم بحظره وحذفه الا اذا تكرر الموقف

هل بتصدق روايته وان هالشيء ممكن يحدث فعلا¿
ممكن يحدث هذا الشئ وليس مستغرباً

هل حدث معاك¿ وسبق وقام شخص بالتحدث بلسانك ¿
نعم لقد قام احد الاشخاص ذات يوم بالتحدث بلساني في شات قطرات وحدث مشكلة بسببه

هل من الممكن انك تسامح وتغفر وتعطيه فرصه¿
نعم

هل من الممكن فعلا إن الكلام اللي إ نقال بدر منه فعلا ولما شاف ردة فعلك إختلق هذي الروايه¿
لاأعتقد هذا الشئ

سؤال أخير

هل ممكن يخطر في بالك ان اللي صار لك اختبار من هذا الشخص حتى يعرف شخصيتك اكثر¿¿¿¿¿¿
هذا السؤال له ردان
الأول: يمكن أن يكون كذلك
الثاني: لاأعتقد ذلك


تقبلي أسفي عن التأخر في الرد والتواجد
وتقبلي احترامي وتقديري

ضحــ عشق ــية

[شوق الروح]

بنت الباديه ...........


انا رأيي بالموضوع اقولج صراحه ......................... سامحيه / سامحيها


لأن مثل ما يقولون :- ((( المسامح كريم )))


و اشكرج على طرح مشكلتج لنا


تحياتي اختج :-

[شهر زاد]

ههههههههههههاي انا سويت هالشي
اخوي كان بتكلم بامسنجر وبعدين الباب دق قام يفتحة وانتهزت الفرصة
وعاتبت الشخص اللي بيراسل معاة لانة فعلا ثقيل وبايخ نفذني وبعدين فصلت معاة علشان اخوي لمن يرجع مايعرف
ولمن رجع اخوي قلت لة هو فصل
هةههه
كان بدخل معاة يوميا لمدة ساعة1 مليت انا حبيت اضع حد
الحين الحمد للة ارتحت

[** شفا الجروح **]

بصرااااااااحه ........... صارلي هالموقف ..................



مع عضو من أعضاء المنتدى ........ كان في احد يدخل على ايميلي و يتكلم على اني انا اللي قاعده أتكلم ..... و بصراااحه شغله ترفع الضغط