المساعد الشخصي الرقمي

مشاهدة النسخة كاملة : قصة رسالة جوال



قلب_مسافر
07-12-2004, 08:50
السلام عليكم

كيف حالكم اخواني

بصراحه احترت هالسالفه تخص هالقسم والا قسم السواليف
لكن الضاهر انها تهم الجوالين والجوالات بصفه عامه :)

من زمن بعيد--->"قبل حوالي اسبوع" -->طبعا اللي بعيد عن حبيبه يصير عنده زمن بعيد
المهم واحد زميلي في العمل مجنون رسايل جوال -->"صدق مو صاحي" ماغير يرسل على هذا ويكتب لهذاك وطبعا اذا بيرسل لحد منا -->"اخوياه" مايروح يدور على الرقم من دفتر الجوال هو على طول يكتبه ويرسل لنا-->تقول هو دفتر الجوال.
الرجال هذا كان عنده رساله مالها داعي -->"يعني ماله داعي تعرفوها" الرساله من هالكلام المنمق الوسخ جدا جدا --->"قايل له يبيلك غسيل لسان" المهم وانا بعد ما سلمت من هالرساله اللي تقول غيمة سوداء تصبغ كل مكان.
المهم ارسل لي "ن" وارسل لصاحبي"ا" وارسل لابن عمه"ج"
وارسل "لابوه" اخ اخ واي
نعم بالغلط يدعس الرقم وكان يكتب رقم ابوه!!!!!!!!
حاول بكل الطرق انه يوقف الرساله لكن مافيه امل طارت الرسالة بفضيحتها وهو شوي تقلبت الوانه وانعفط فوق تحت!
ويقول وش اسوي اكيد الرساله الحين وصلت عنده وقراها والله انه ما يقوم اليوم يرفع راسه من التهزيء والشتايم "انت لا وهذا انا افكرك عاقل ومؤدب طلعت خبيث و لعين قم اطلع عن بيتي لا وراسللي هالرساله اللي زي وجهك سود الله وجهك من ولد"-->طبعا هذا تفكير صاحبنا
المهم الرجال هذا راح بيتهم ويستقبله الوالد هلا"ا"تعال تعشى "صاحبنا" لا بس مابي شيء"الوالد" مايصير تعال عندي لك سالفه"صاحبنا" بل!!!! رحنا فيها تكفخنا اليوم!
المهم صاحبنا قعد على السفرة يتعشى معه وسوالف وضحك مع الوالد وكان شيء لم يكن!
صاحبنا استسلم وقال الضاهر ان الرساله ماوصلت له يعني سلمنا "بييييب بيييييب بيييب" جوال الوالد يعلن عن وصول الرساله الهاجه من جوال صاحبنا في تمام الساعه الثامنه مساء يرجى من الوالد فتح الرساله للتاكد من الرساله وشكرا
صاحبنا سمع الجوال "بييييييييب بيييييييب بيييييب" -->صارت غير ما عليه مايهم خلينا نشوف وشلون صار وجه صاحبنا بوصول رسالته الى الوالد
ويقوم الوالد باخراج جواله من جيب ثوبه الممزق تمزيقا --->"امزح" وهو ياكل العشا مو مهتم من الرساله على باله رساله عاديه من شركة الاتصالات تقوله"يالله من مال الله"
المهم الوالد جلس يقرا الرساله وقعد فيها يمكن ثلاثة ايام بلياليها وهو يقرا الرساله حقت صاحبنا!!!!
المهم بعد مرور نحو ثلاثة ايام وليلتين قام الوالد اخيرا باستيعاب محتوى الرساله ويقوم من على العشا وهو وجهه متغير مولع نار "صاحبنا" وينه ما شوفه وين راح ----->"هنا لا موهنيه"<---------"هنا لا مو هنيه"
ايه هذا هو ---->" "
المهم الوالد ينادي على صاحبنا من غرفة الوالد
"صاحبنا" بل!!! جاك الموت ياتارك الصلاة
نعم يبه جايك الحين -->يمشي وهو يجر نفسه من الخوف
وصل الى غرفة الوالد --->"صاحبنا" نعم يبه
الوالد"وحطبه ليش تاخرت" لا ان ان انا كنت اتعشى ايه اتت اتت عشى " تعال ياولدي ما ادري مين اللى راسل لي هذي الرساله الوسخه الله يقطع اولاد اليوم
يقول "صاحبنا" ما ارتحت الا لما تاكدت ان اسمي طلع مو مخزن في جوال الوالد ولا يعرفه اصلا!!!!
"صاحبنا" خلهم عنك يبه هذولي اكيد ناس منحطين اخلاقيا
وماعندهم ادب مره--->وهو ياشر على نفسه
خلهم عنك يبه وقام صاحبنا بمسح الرساله واسمه من جوال الوالد

ســــــراب
07-12-2004, 09:44
السلام عليكم

كثيررررررررر تصير مثل هالأمور

<<<< اسأل مجرب هههههههههه

بس والله يالولد لعبته التصريف ههههههههه


صحيح اذا راحت الرساله ماتقدر توقفها.....

يعطيك العافيه اخوي قلب على موضوعك الرائع ...............

دانـــــــــــه
07-12-2004, 23:51
هههههههههههه

موقف يستاهل الشماته

دايم تصير انك ترسل بالغلط

بس الحمد الله ماعندنا سوالفكم يالشباب
تسلم استاذنا قلب مسافر ... اعجبني سردك للموقف :)

قلب_مسافر
07-13-2004, 06:44
يعطيك العافية أخوي سراب


هههههههههههههههههه

الواحد اذا طب بمصيبه لازم يدور له على أي حل


-----------------------

أستاذة دانة

ههههههههههههه قصدك سوالفه هووووووووووو

ويسرني اعجابك

شهادة أعتز حقيقة فيها

بنــــــت الباديه
07-15-2004, 02:37
ههههههههههههههههههههههههه ه

مشاكل الجوالات ماتخلص

ومواقفها أكثر

خاصه اذا جاء شخص يسووووي فيك مقالب وألاعيب

بيوم من الأيام

أنا من النوع اللي يحذف جواله ولايدري فيه

وبمره شفت 8 مكالمات لم يرد عليها

ونفس الرقم استغربت

قلت في نفسي أكيد وحده من البنات مغيره رقم تلفونها أو شيء

المهم دقيت على الرقم

ومحد رد علي

شوي والا يدق نفس الرقم

رديت والا صوووت ماقط مر علي من قبل

وتبدأ السلامات

<<< وهذي مو مستوعبه شيء

وينج يالقاطعه جذي تسوووين بريفجت عمرج وماتسئلين

<<<< والإخت منصدمه بجد

منو معاي من انتي

نسيتيني

انا حليمه رفيجتج ايام الثانويه

¿¿¿¿¿!!!!!!

<<<< ماتعرف احد بهالأسم

قلت لها اختي غلطانه مو انا اللي تدورين عليها

قالت لا انتي

وشلووون الوالده والأخوان

وبدت تذكر أسامي

<<<< هنيه زادت صدمتها أكثر

أول مره يمر عليها موقف جذي

وتقووول لي صبري عندي وحده بتكلمج

وهم الصوت الثاني ماعرفته هم عارفيني وانا لا

وهم الثانيه سلامات ووينج وتعاتب البنت وتتشره

استغربت بجد وحتى صابتني ربكه ياربي من هذوول وشنو يبووون

شوووي والا تقوووول فلانه عندج

فلانه = أختي<<<<< مشفرتها هههههههههههههه

قلت لها فلانه منو

<<< للحين تقوول بنفسها غلطانين بالرقم وهم ذاكرين أسامي

قلت ايه عندي

بس منو اقولها قالت عطينيها وهي بتعرف

ناديت اختي قلت يمكن تكون رفيجتها أو شيء

وهم نفس الحاله اللي صارت معاي صارت معاها

ماعرفت الصووووت

لأن الصووووت غريب بشكل ومامر علينا من قبل أبد

ويمكن ساعه نحاول فيها

بالأخير قلنا لها بتقووولين من انتي وإلا بنظطر نقفل الخط

<<<< المفروض من الأول

هنيه ماتت ضحك البنت

ورجعت لصوتها الطبيعي

ههههههههههههههههههههه

طلعت بنت عمي مبدله رقم تلفونها ومسوووويه هالمقلب فينا

بس جد صووتها متغير لا وتشكل بعد بالأصوات

<<<< كانت أول وأخر مره ترد فيها على أرقام غريبه

هذا موقف ثاني .......

انا من النوع اللي مايحفظ ارقام الجوالات

اللهم الوالد

والباقي مخزنه ارقامهم

<<<< مره كانت بتودي نفسها بداهيه

ههههههههههههههههههه

كتبت رسالة عتاب لصديقتي كنت وقتها متهاوشه معها مو هواش لكن تغلي وعتاب

ومااقدر اطلع اللي في قلبي الا برساله

تتوقعوووووون

وين كانت بتطيرررررررر الرساله






لزووووج أختي




بس ربي ستر

واستوعبت ان الرقم مو هو

ولحقت عليها

والا كان علووووم

مواقف الجوالات ماتخلص

قلب_مسافر
07-15-2004, 10:52
السلام عليكم ورحمة الله وبركاتة

هلا فيك أختي بنت البادية ومنورة المنتدى بعد طول هالغيبة

سوالف الجوالات غريبة مره

مره احترقت الشريحه وأنا خارج المملكه

وقبل كانت الجوالات التخزين في الشريحه بس

والله يا انا ضعت

ما ادل ............... ولا اعرف الا ارقام السعوديه

ادق عليهم وماحد يرد

في الاخير اتصلت على صاحبي في الاتصالات وطلع لي ارقام اصحابي في السعوديه

وساعه وهم يملوني ارقام

وأنااااااااااا أكتب ..............هههههههههههههه

واشتريت شريحه من هناك

ولا اشتغلت ......... ابلش بعمرك يا ولد

واشتري ثانيه واشوى تشتغل :)

المشكله الوقت متأخر .......... وما فيه الا هالسوق السودا شغاله

------------------------------

سالفه ثانيه :

قبل كم شهر صارت لي سالفة برضه غريبة

بصرااااااااااااااحه مت عليها من الضحك

ههههههههههههههههه

طال عمركم . . . .

وحده قريبتي توها متزوجه

أرسلت لي رسالة الساعه 4 الفجر

الرسالة تقول

( حبيبي . . . أبشرك الحمد لله ترانا وصلنا )


:c:

بصراحه دخن مخي

أما حبيبي مااااا لها داعي بالمره

لاع وبعد توها متزوجه

وش القصه ¿ ¿ ¿¿

طيب وين وصلوا

وليه هالحزه

بصراحه عجز لا أرقد

الصباح أتصلت على أهلي وسألتهم

وش اخبار فلانه وزواجها :)

<<<------------ بيسوي استخبارات

قالوا لا الحمد لله مبسوطه هي وزوجها والبارح سافرت ويا أهلها . . . .

هههههههه أكتشفت أن اسمي الاول مثل اسم زوجها

الضاهر مخزنة الارقام على الاسم الاول مو اسم العائله

وهنا صار الغلط

المهم

تصدقون تخانقت هي وزوجها

تقول أنه ما سأل عليها

وهو يقول ما خبرتني ولا برساله أنها وصلت

هههههههههههههه عاد اص

لاحد يقول لهم قصة الرسالة

--------------------

السالفة الثانيه

اليوم الساعه 9 الصباح

يعني قبل شوي :)

اتصل على بنقالي من بنقاليكا هههههههههههه اقصد شكله من دكا

يقول لي عطني فتح الباري

اي فتح الباري هالحزه

لا ويني عند نفسي

رقمي زين

ههههههههههههههههههههههه

قلت له ياخي رونق نمبر

شوي اتصل مره ثانيه

قلت في نفسي

ما اخليه يدفع اللي وراه ودونه . . . . . واقوله اصبر شوي الحين بيجي

ياولد

أخز الشيطان ولا ترد

وسلامتكم :)