الـــســـعــــــــادة

[نبع الوفا]

لقيت اخونا ضحية عشق رايح جاي

ولا على لسانه الا بيت شعر يردده

ليت السعادة تنشرى بحر الأموال === والله لأشري بحر مالي سعاده


أعجبني البيت

قلت : من اللي قايل هالقصيدة ¿
قال : ماني متعود اخذ من قصايد احد
قلت : يعني هذي من قصايدك !!!
قال : ايه
قلت : سمعني القصيدة اجل
قال : والله الى الان ما كتبت غير هالبيت
قلت : اجل عن اذنك البيت راح عليك القصيدة عندي <--------<< ابوك يالنذاله


المهم

خلاصة السالفة الحين بين اياديكم

ولكم الحكم


اتمنى تعجبكم



ليـت السعـاده تنشـرى بحـر الأمـوال = والله لأشري من حر مالي سعاده

وأبــني بـهـا قـصـر وأجـر مــوال = وأغـني لــذاك الــلي ذبحني بعاده

لا صوّت بصوته ولا دق جوال = ياناس أنا والله يقهرني عناده

لاموني فيه الناس أعمام وأخوال = وشافوا على صدري حرف بقلاده

تلومون مغرم وأنتم تعرفون الأحوال¿ = ترى الغلا جيشٍ ثقيل عتاده

نظرة عيونه سم وسهوم وأهوال = رماني بسهمه وأحكم سداده

أنا صويب سهمه لو قلت أقوال = وحكيك منبعه لاشك كثر البلاده

[ضحــ عشق ــية]

صح لساني
قصدي لسانك نبع الوفا

رائعة من الروائع الواقعية



ليت السعاده تنشرى بحـر الأمـوال=والله لأشري من حر مالـي سعـاده


سلمت يمينك اخوي
بس لاتعيدها
ههههه

[نبع الوفا]

صح بدنك ضحية عشق

لولا روعة حضورك الدائم في كل مكان داخل وخارج المنتدى لما ولدت القصيدة

وان كان ما كتبته مميزاً فهذا بعض مما يتساقط من اوراقك فيلتقطه من يسيرون خلفك

لا عدمتك

الف شكر يالغلا

[مذهلة]

صح لساك اخوي نبع الوفا..وسلمت الانامل

[نبع الوفا]

صح بدنك اختي مذهلة

وربي يسلمك ويخليك لعين ترجيك

[فتاة الشاطئ]

يسلمووووووووووووو اختي قصيدة روعة
وموضوع اروع ههههههههه اجمل
وتقبلي تحياتي

[ســــــراب]

صح لسااااانك اخوي نبع الوفاااااااا

وصح لسان صاحب مطلع القصيده


ضحيه شاعر ولا ندري مايسير