المساعد الشخصي الرقمي

مشاهدة النسخة كاملة : ولد العم (( أولــــى )) ببنت عمه



الجناحي
11-25-2004, 19:12
هذا اعتقاد سائد قديما بشكل كبييييييييييييييير ..

و الى هذه الايام هو سائد

بعض العوائل مازالت تعتقد به ..

ان ابن العم اولى ببنت عمه ...

و كثيرا ما تترتب عليه مشاكل كبيرة بين الاهل بسبب رفض الطرفين او احدهم ...

فالاطفال من و هم صغارا ..

فلان لفلانه
و فلانه لفلان .......


عندي كذا سؤال ...لكم انت يالشباب وهم البنات ونبي الصراحة


الشباب :
اذا صار معاك هالموقف ( قالوا لك تزوج بنت عمك ) ..
توافق علشان خاطر اهلك و عمك ..
و تفاديا للمشاكل ..¿¿
يمكن تحبها بعدين

اذا ماتبيها ...
شلون تتصرف بدون ماتجرح عمك او تضايق ابوك





البنات :
اذا صار معاك هالموقف ..
توافقين
و اذا ما تبينه شلون ترفضينه بدون مايزعل احد ( لا ابوك و لا عمك و لا ولد عمك )

و اذا ولد عمك يبيك ..
بس انتي تعتبرينه نفس اخوك
او ببالك شخص ثاني ...

شلون تصرفتوا فيه ¿¿¿¿¿¿

ولكم التعليق..

تحياتي

الوفاء
11-26-2004, 05:04
السلام عليكم
اخ الجناحي
اشكر ك على الموضوع الحساس جدا
فعلاااا الكثيرررر يعاني من هالمشكله

بنسبه للاسئله
اذا صار معاك هالموقف ..
توافقين
و اذا ما تبينه شلون ترفضينه بدون مايزعل احد ( لا ابوك و لا عمك و لا ولد عمك )

و اذا ولد عمك يبيك ..
بس انتي تعتبرينه نفس اخوك
او ببالك شخص ثاني ...

من وجهة نظري
كل شي بالتفاهم والاقناع يصيرر ومهما كان هذي حياة مو لعبه على قولتهم
هنا تكمن المشكله
اذا انا اعتبره مثل اخوي وهو يبني
الموقف هو اللي يحكم اكثر من ناحيه القبول او الرفض

ادري اني ما قدرت اتوصل للحل بس المعذره
منكم نستفيد
يعطيك العااافيه اخوي
تحيتي

الجناحي
11-26-2004, 16:27
هلابك اختي الوفاء

بصراحه فيه بعض العايلات ما ينفع التفاهم معهم في هالامور

والله يعين الابناء

ولكن في هذا الوقت بدأت تخلص بعض العائلات من هذه التقاليد

وبدأ الحوار يأخذ حيزا كبير في هذا المجتمع الصغير

واذا تنازل اي طرف عن بعض قناعاته يحصل نقطة لقاء ممكن الجميع يجد منها مخرجا

وننتظر باقي الاراء

تحياتي

بنــــــت الباديه
11-26-2004, 18:56
السلام عليكم ورحمة الله وبركاته

ولد العم أولى ببنت عمه

هذه مصطلحات قلت ولله الحمد

في وقتنا الحالي

في السابق كان من الصعب جدا

انت يتم رفض ولد العم

او حتى تزويج البنت قبل اخذ راي عمها

واذا يبيها لولده او تشوف نصيبها

لكن حاليا الزواجات من عيال العم

قلت وبشكل كبير

تلقى الكثير يبتعد عنها

تلافي للمشاكل

يمكن للحين في عقليات متحجره

تفرض رايها على البنت

وتعتبر رد ولد العم عيبه بحق العايله

وبالنسبه لتساؤلاتك

ولو حصل هالموقف معاي وشلون بتصرف

لايمكن ابدا اربط مصيري بشخص انا مو مقتنعه فيه

حتى لو مايبقى غيره

لأن هذي حياتي

ومحد بيتحمل نتايجها غيري

الكثير يعتقدون ان الزواج من عيال العم هو حمايه للبنت

وان محد بيعزها ويحترمها كثره

وانا اشوف انه العكس كل مابعدنا يكون احسن

نديم الليل
11-26-2004, 20:13
اخوي الجنااااحي الف شكر على طرح هذا الموضوع الحساس جدا


اما بالنسبه لي انا


هذاااا زواااج مو لعبه عشره عمر مو يوم وليله


والله العظيم صدق من قااال المثل


((((( الاقااااااارب عقاااارب)))))

والحين كثير الحسد بالعائلات والحقد وشلون اخذ احد يقرب لي

والله البعد احسن


وترك التعليق للبقيه


تحيتي
ندووومه

الجناحي
11-26-2004, 20:51
بنت الباديه

سعيد بتواجدك

وارائك جدا منطقيه ولكن تبقى وجهة نظر بنت الباديه وفي انتظار البقيه

تحياتي لكي ولا عدمت حضورك الدائم

طويلة العمــر
01-09-2005, 17:44
السلام عليكم ورحمة الله وبركاته

أهلين أخوي الجناحي
هذي المشكله كانت بالماضي وكان أكثر من يعاني منها الفتاة
أما الشاب أو ولد العم بياخذ بنت عمه وبعدها ياخذ اللي يبي لكن المظلوم الوحيد هي البنت

http://www.qatarat.com/images/imported/2004/12/1.gif

وأنا أرى إن هذي العادات إختفت في عصرنا بس مو مره
يعني الأهل بيفضلو للبنت ولد عمها على غيره
أوضح أكثر
لو جاء واحد وخطب البنت وبنفس الوقت ولد عمها خطبها
الأب بيوافق على ولد العم

http://www.qatarat.com/images/imported/2004/12/1.gif

أما من ناحية الأسئله
مثل ماقالو أخواتي قبلي
الزواج مو لعبه وعشان أرضي عمي اتزوج ولده
ولو صار لي هالموقف راح أرفض بكل إصرار لو كنت ما أحبه
أما لو مثل ماقلت أن يكون ولد عمي يبيني فالبنت مهما كان راح تتغير نظرتها له
بكون أنه يحبها ويبيها فتضحي عشان هالحب وعشان يستمر ولو ماتبيه لكن بتقول بنفسها راح تتغير مشاعري لو أخذته

http://www.jaralqamr.com/smiles/smile_files/smile2_data/922.gif

يعطيك العافيه أخوي الجناحي على هالموضوع الحلو
وأتمنى أني ألاقي مواضيع أكثر تشويق للنقاش وتبادل الرأي

أختك // طويلة العمر

ضحــ عشق ــية
01-09-2005, 19:56
السلام عليكم ورحمة الله وبركاته

اخي الجناحي
اشكر لك طرح هذا الموضوع


اذا صار معاك هالموقف ( قالوا لك تزوج بنت عمك ) ..
توافق علشان خاطر اهلك و عمك ..
و تفاديا للمشاكل ..¿¿
الزواج بالتفاهم
فإذا كنت مقتنع أوافق
وإذا لم أقتنع فما علي سوى توضيح موقفي بدون أي تعصب أو مشاكل


يمكن تحبها بعدين

يقولون الحب يجي بالعشرة
وياما أزواج تزوجوا مايعرفوا بعض وحبوا بعض بعد الزواج حب اسطوري


اذا ماتبيها ...

أما أحبها إذا ماأبيها الإجابة صعبة¿¿¿¿


شلون تتصرف بدون ماتجرح عمك او تضايق ابوك

أتصرف بتوضيح موقفي من الموضوع

وفي نظري أن هذه الظاهر كما أسلف بعض الأخوة والأخوات أنها شبه منقرضة

أكرر شكري

الحنون1@
01-16-2005, 00:14
مابي اطول المسئله شكرا اخوي على طرحك الجميل والمهم في نفس الوقت يمكن ذكرو اخواني جوانب ونسوا جانب بس حبيييييييت احط عليه استفهامات الي هو نسينا جانب قضاء الله وقدره فلا تعصبون زعلنا يوم يومين سنه قطعنا ثيابنا بكينا كرهنا الدنيا مالنا الا مكتوب الله لنا وفي الاخير اتمنا من الله أن لا يجمع قلبين الا بارك الله لهما وجمع بينهما في خير اعذروني أن كان ردي قاسي

أبووسام
01-30-2005, 00:35
بسم الله الرحمن الرحيم
اخوي الجناحيالشباب :
اذا صار معاك هالموقف ( قالوا لك تزوج بنت عمك ) ..
توافق علشان خاطر اهلك و عمك ..
و تفاديا للمشاكل ..¿¿
يمكن تحبها بعدين

اذا ماتبيها ...
شلون تتصرف بدون ماتجرح عمك او تضايق ابوك


الظفر مايطلع من اللحم والدم عمره ماصار ماء
وقد ورد فيما معنى الحديث عن النبي صلى الله عليه وسلم قال:
(المراءه تنكح لمالها وجمالها وحسبها ودينها فاظفر بذات الدين تربت يداك)
اما بنسبه يمكن احبها ¿
هذي بتكون بنت عمي وعيبها هو عيبي ولي يلحقها يلحقني والحب كله بيكون بعد الزواج اما اذا كانت ماريدها راح أواجههم بالحقيقه زعل من زعل ورضى من رضى



تركتم في حفظ الله

فتون
03-06-2005, 02:24
أرفضه يزعل اللي يزعل ويرضى اللي يرضا
الزواج مو لعبه

حــ الإمارات ـــور
03-12-2005, 18:45
استخيير واشوف وين الله كاتب لي الخير

بنت مصريه
04-03-2005, 14:04
بسم الله الرحمن الرحيم
الحمد لله والصلاة والسلام على رسول الله وعلى آله وصحبه أجمعين
اخى فى الله ما اصبح هذا الكلام موجود اصلاااااا
والبركه فى وسائل الاعلام
ذهبو الابناء هم اللى يفرضوا على الاباء وليس العكس
اختك فى الله
بنت مصــــــــــــــــــريه

نور مسقط
04-09-2005, 12:35
مشكور أخوي موضوعك هام

اللي صاير اللحين أن القلب وما يختار

ومثل ما قال اخونا الحنون في الاول والاخر

كل شي قسمة ونصيب



تحياتي / حفيظة