ياليل .... أمرك غريب

[بنــــــت الباديه]

http://www.qatarat.com/

الليل
سحر ٍ عجيب
قصايد فرح
وأشواق
همس وضحك عشاق


والليل
وجه ٍ كئيب
يحكي عن هموم
وأسى
قلب ٍ نزف
نبض ٍ وقف
وجروح في كف الزمن
خل ٍ وفي
وخل ٍ نسى
ولحظات ما ترجع أبد
لكنها ما تنتسى


يا ليل يا بسمة لقا
ودمعة شقا
وعيون حارت في بهاك
تظنها توصل الى آخر مداك ¿¿
وعيون تشكي للقمر
تطلب من النجمة حلول
ترجي من الغيمة هطول
تكتب بألوان العتام
أغرب حكايات الغرام


أنت
عند بعض البشــر
تطيب هالسهرة معاك
في حضرتك يحلى الكلام
وأنت
عند بعض البشــر
يخشون بس لحظة لقاك
يريبهم هذا الظلام
ما يامنونك
ولا يبونك
والمستحيل
يبادرونك بالسلام


يا ليل
احترنا معاك
انت الصديق
وانت العدو
مرة نبيك
ومرات نعافك
الى متى نبقى نخافك ¿¿
متى تبدل ثياب الحزن ¿¿
وتلبس ثياب ٍ جداد
وتفارق ألوان الحداد
وتصير واضح للجميع

http://www.qatarat.com/

خاطره اعجبتني

[بنــــــت الباديه]

هلا بك

اخوي رعد

شاكره لك مرورك