~*¤ô§ô¤*~طــــــواري لــيـــــل~*¤ô§ô¤*~
الضيقه اللي تقلبني و أقلبها
يا الله عساها طواري ليل وتعدي
لي يوم ثالث تجاذبني وأجاذبها
ألين شدت بيديها على يدّي
ما كني إلا قريب من قرايبها
و ما كنها إلا سليله من نما جدّي
ياكثرماهي لفتني وكيف أحس بها
بس الوكاد بغثاها بيحت سدّي
أضعفني وضعي و أنا اللي كنت غالبها
ثوب الشجاعه غدى ما هو على قدي
ما بين قصّر..نعم وش قلت..و أسحبها
كان الحديث الطويل المرهق الجدّي
حدوني أبعد و لا أقرب يم مضاربها
و الحق يركب من اللي كان متعدّي
أذكر حلفت قسمت أرحل و لا أقربها
وشلون مدري و لكن كان ذا ردّي
غلبّني وقتي كثر ما هو مغلبها
لا هو تهيا و لا هو قابل يهدّي
لو هي دموعي ترد الوصل بسكبها
ألين تجرح و تاسمني على خدّي
مير البلا ما تفيد و حظ صاحبها
ما طاب لحظه و لا من طاب متردّي
خلها على الله و أنا من وقت كاتبها
بصبر و برجي عزومي و أعتزي بشدّي
و الضيقه اللي تقلبني و أقلبها
في عونت الله يجيها يوم و تعدّي
