... زائر يطرق الباب ...

عندما يطرق الحب باب قلبك برقه وخفه ...

هكذا .. تك .. تك .. تك .. ,

وتجيب انت بجفاء .. مين .. من عند الباب ¿¿

ويرد عليك ارق صوت سمعته في حياتك ,

.. افتح انا الحب .. انا الملاذ .. انا ظوق النجاة .. انا مظلة انتظارك .. انا

المطر ..., فتعبس وترد عليه بنجاسه ,

يايشخ من قالك نبغى حب .. يالله ضف وجهك .. حنا كذا مبسوطين ..

فيعاود الحب الطرق .. بلا يأس ولكن بتذلل وخضوع ,

الله يخليك افتح الباب .. ودعني ادخل .. ارجوك .. ارجوك .., فيرد صاحب

القلب بنجاسه اقل من السابقه ...

ياخي الله يعطينا ويعطيك .. لكن الحب لا يتراجع ..يبدأ الحب الان بالترجي

والاقناع ..

(الله يخليك افتح الباب شوي .. بس شوي .. خلني اسهر معك نعسل

ونفصفص .. وفي نهاية السهره بطلع ) , ويقتنع صاحب القلب المسيكين

ويففففتح الباب ...

(صررررررررررررر ...صررررررررررررررر ... صرررررررررررررررر ... صر صر صر )

لا تخافون هذا صوت باب القلب المصدي .. ويدخل الحب .. يدخل الحب

شامخ .. هازئا .. ويبدأ يتميلح (عاجبتني كلمة يتميلح) يسوي تنفس

صناعي لصاحب القلب (يهمزه) اذا لزم الامر .. ويقوله نكت بعد .. وبعدين

يقوم الحب يتثيقل .. ويقول .. يوه تأخرت .. لازم اروح قبل ماتصير الساعه12 (على باله سندريلا) .. ويفز صاحب القلب مثل الذي مسه مس ,

هاه وش تقول تروح وتخليني .. لا .. لا..ارجوك لاتروح .. اصبر .. انا ما اقدر

اعيش من دونك .. انت حياتي .. انت روحي .. انت ملاذي .. انت طوق نجاتي يتنفس الحب الصعداء وينظر لصاحب القلب بطرف عينه ويقول بعد
(اوكي بس بشرط )هاه قام الحب يتشرط.. وطبعا ما باليد حيله يترك صاحب القلب الحب على كيفه .. ويفتح باب القلب مره اخرى ...
(سرررررر .... سررررررر)
هذا ماهو سر هذا صوت باب القلب بعد ما زيته الحب بس الظاهر انه
زيت بريك ... المهم يقوم الحب بأخراج كل القراشيع والمطاريس القديمه
دافور ... شيشه مكسوره .. لي مكشكش .. وكيسة حب فصفص فيها
نصها .. وداعا من اليوم للمعسل والفصفص ومرحبا بأهل الحسا
(وش دخل اهل الحسا بالموضوع) ..يمكن على طاري الفصفص.. والشي
بالشي يذكر .. جمله اعتراضيه ( وش اخبار رفيقك... ¿) ويقوم الحب بتأثيث القلب من جديد.. طبعا الحب راقي .. يرمي في ها الزاويه روايه
لجابر بيبل ماركيز (الحب في ازمنة الكوليرا) وفي الزاويه الثانيه مسرحيه
لشكسبير (روميو وجولييت) وعلى جمب سي ديات لسمفو نيات متنوعه
وعند الباب بالضبط شريط عبد الكريم عبد القادر (وينك).. ويرش شوي
عطور ..ويضء الشوع ..وورد مجفف على الطاوله .. ياسلام ..وين ايام
المعسل والفصفص ..¿!
لكن ...
لكن ...
لكن ...
الحب..ما هو طيب الى هالدرجه ..خلاص ..هو احتل المكان ..احتل الراس والقلب .. والجسد.. واشياء كثيره ,وتحول منافس قوي لصاحب القلب ..على حياة المسيكين فأصبح يتصرف على كيفه .. يرمي هذا ..
مو عاجبه هذاك .. والله يعينه على فواتير التلفون اللي توصل الى خانة الالوف .. الف ورا الف.. لا هذا بعد اذا ما سحبوا فواتير جواله .. وفشوله
عند اهل القرى المجاوره ... طبعا الحب واثق من نفسه .. حاط رجل على رجل ( ياشين القراوى اذا حطوا رجل على رجل .. انا مره شفت قروي حاط رجل على رجل .. ودك تقلبه هو والكرسي اللي جالس عليه.
ايه ما علينا)عموما حتى القراوىيعرفون ان الحب يتكون من حرفين..
حروفهم تختلف شوي حنا حاء وباء وهم باء .. وباء .. معليش فارق لغه بس !! المهم نرجع لصاحب القلب الدايخ .. اللي يهوجس بالحب في كل مكان حتى اعوذ بالله من الشيطان .. يمكن يهوجس به في الصلاه .. استغفر الله .. من شر هذا الحب ويبدأ يتنهد ويتأوه .. ويمكن يهج من الدوام قبل نهايته .. عشان يلتقط بضع لقيمات من الحب .. واحيانا يلجأ الى موقف السيارات .. تدرون ليه ¿¿¿ لا هذي ماراح اقولكم عليها فكروا فيها واللي يعرف الحل اكيد بيعطيه جورج قرداحي المليون .. بس لا
ينساني ترا اخوكم مطفر مره ...
صدقوني انا الحين اقف عاجز ... لا استطيع ان انهي سالفة الحب مع
مع صاحب القلب التعبان من الحب ... تعرفون ليه ¿¿¿
لان الحب مثل العلك المسطوع في الاسفلت ... وصقعته الشمس الى ان قال بس ... بعدين تجي انت لابس جزمه جديده وكاشخ به .. وتدوس
على العلك .. وش رايك بالنتيجه ¿
هذا هو الحب .. علم سايح ما تقدر تتفكك منه .. ( وينك ياعبد القاهر
الجرجاني تسمع التشبيه .. عموما ما اظنك تعرف وس العلك )
على فكره اذا انتهيتم من مضغ العلك لفوه .. لفوه في منديل بعدين تخلصو منه عشان ما يجي طفل غرير ويقع فيه ...
الحب يحتاج واحد صلب .. قادر على تحمل الصدمات.. قادر على الصرف..
قادر على المنع .. قادر على المضغ .. قادر على التحليق بالروح .. قادر
على الاستماع لعبدالكريم عبد القادر دون ملل ..
الحب.. ممنوع دخوله تحت سن الخمسه والعشرين ..(يعني بعد ماجرب
الواحد الاحب يخش على طول للحب) لانه بعد الخامسه والعشرين يكون
دخل موحلة الكهوله وما عليه حسافه ...

ياناس ياهووووه... والله اني تشربكت شربكه ... كيف اخلص هالموضوع
احد يساعدني .. احد ينقذني .. احد يطلعني من الحفره اللي طحت
فيها ولكن وش اقول ... خاتمه هي اذا ادركت اسرار الحياه...
لن ترى جديرا بالحب ...
الا الله ...

ونعم بالله ...



ولكم تحياتي


هاااوي

ونعم بالله هو الملجاء وهو المدبر للامور بس القلب لحب وش السواه
هااااااااوي ياخي انا اعارضك في كلمة علكه واحب اوضح لك شي
الحب يبي من يخلص فيه بأمانه مو لعبه او ستار يتخبون وراه اصحاب النفوس الضعيفه( فوووووكس يعني ثعالب¿) وهذا الزمان مافي احد مايحب بس المشكله نااااادر الي يحبون بأخلاص وشف طعم الحب بعدين مو علكه في الارض بتقول الحب ياسمين ويزين ريحته اذا صار الحب بامانه والإ راح تكون في صدمات قووووويه على الطرف الثاني والله يعينه بس مااارده بينسا والله خلق نعمة النسيان

[ALIGN=CENTER] مرحبـــ HI ـــا

اهلين هاااوي

مشكور على الموضوع

وانا اتفق مع اخوي سعوود في بعض كلامه

الحب يحتاج من يناظره ويحميه بعيونه

صحيح ان كلمة حب من حرفين ¡¡ لكن لها اعراض اكبر كثير من عدد

حروفها



http://www.qatarat.com/images/imported/2003/02/1.gif
http://www.qatarat.com/images/imported/2003/02/1.gif يعطيك العافيه وانشالله الجاي احلى واحلى http://www.qatarat.com/images/imported/2003/02/1.gif
http://www.qatarat.com/images/imported/2003/02/1.gif[/ALIGN]