اقراء بعض النصائح

السلام عليكم ......
كيفكم ...... بس ودي
اقدم لكم بعض النصائح اللي ممكن تحتاجون لها في حياتكم اليومية

اخوي اذا تبي تطفش واحد وترفع ضغطه: خليه الين ينام وبعز الظهر (القايله) قم وطف
المكيف عليه وراقبه بعد خمس دقايق ...... وشف وش رايح يصير وضحك
حيييييييييييييييييييييييي ييل


شوف الثانية

اذا كان هناك عزيمة يعني عشاء.....بعد ماتغسل افتح المويه الحارة الين تشوفها تولع وسكر
المغسلة وشوف الي بعدك وش يصير بحاله بس اضحك من قلللللللللللب

اذا جاك واحد ماتبيه وسويت له شاي.....لا تجيب كاسة ام عروه عليك بكاسات الجبن وصب
له بها....واملها حيل للأخر على شان مايقدر يمسك الكاسه واذا كانت الخدامه ما تعرف
تسوي شاي خلها هي اللي تسويه
واذا كان عندك ضيف دمه ثقيل وتبغاه يمشي خل واحد من الشباب يدق عليك جوال كل شويه
وكل مره كلمه على انه واحد ثاني وقول " لالا والله مقدر الحين عندي ضيف يمكن بعد
عشر دقايق "........ولا تنسى شي مهم لاتلبس ساعة عشان كل شويه تسأله كم
الساعة ...ولما يكلمك لاترد عليه على طول من أول مره سو نفسك ما سمعته


واذا اتصل بك واحد دمه ثقيل وثرثار رد باختصارات الحمدلله ايه لا مادري يمكن الظاهر
احاول واذا طوّل اوهمه انك تكلم واحد بجنبك اذا شفته بعده يثرثر ومش ناوي يخلص استخدم
حيلة الخط المقطوع وقول " ألو ألووووووووو وينك .....ألوووووووووووو يابو الشباب
الظاهر ان الخط انقطع " بعد كذا سكر السماعة ... بس وتفتك منه ...الا اذا اتصل ثانيه ساعتها
عاد الباقي عليك





واذا بغيت تجنن الخدامه ادخل المطبخ واشرب نص كاس عصير وكأنك مش متعمد كب الباقي
ع البلاط واذا كان المطبخ مفروش يكون احسن ........... وافتح الثلاجه وطلع سلة فاكه اخذ
منها شي بسيط واتركها ع النمليه وخذ السكرية وانت طالع من المطبخ ارميها ع الباب
واذا نامت وهي بعز النوم صحيها وقولها تسويلك عشا ........ساعتها بيكون الضغط عند ألف
الا شرطه


بس الخوف انها تحط لك سم فيران ...!!!!!!!

واذا حبيت ترفع ضغط اهلك الحريم لما يطلبوا منك توديهم السوق بعد ما يجهزوا ويطلعوا
اركب السيارة وخليك طبيعي وفجأه قلهم أففففففف السيارة موراضيه تشتغل طبعاً انت ماخذ
احتياطك وفاصل اصبع البتري و شوف شبيسوون فيك ساعتها .........الله يعينك عليهم أقصد
عليهن ....


والطريقه الثانيه عشان يحرمون يطلبوا منك توديهم السوق ....لاتشغل مكيف السياره بس
التهويه المراوح وقلهم التكييف خربان خلهم ينطبخون واذا قالوا نبغى نفتح النوافذ قلهم خربانات
واذا فتحتوهم ما راح يتسكروا بعدين


ملاحظة : جربها أكثر من مره على التوالي واضمن لك نجاحها بعد كذا راح يحرموا صدقني
تراني مجربها .........

واذا كلمك صاحبك ع الجوال وحسيت انه مستعجل بس يبغى منك شي مهم أرفع صوتك وقله
" ترى ماسمعك الصوت مشوش ويقطع ألو ايه ايه معاك الو وووو وينك " ورد على كلمه
وحده وطنش بالباقي وشوف شيصيرله.


اذا بغيت ترفع ضغط واحد معاك بالسياره لما تطلب أكل من السيارة صر على العامل على
إن طلبيتك "سفري رد على أي شيء ينقال لك بـ" هذا اللي أنت تظنه وانت عند اخوياك تدرب
على اصدار صوت الفاكس والا المودم فك قلم السائل وبالصدفة كب الحبر حقه على الفرشة
عد اعداد عشوائية اذا شفت واحد قاعد يعد علشان تلخبطه .
خذ جوال واحد منهم وهو مايدري وقفله وخبه ( ملاحظة لازم تطفيه لان بيظن انه ذكي
ويتصل على جواله عشان يعرف مكانه من الصوت ..... بس على مين ...علينا )
خخخخخخخ





إذا كانو يحبو مباريات كرة القدم اختار فلم اسود وابيض بايخ وتظاهر نك مندمج معاه مر
غير ألوان التلفزيون علشان تصير كل الصورة خضراء , وأصر على انك "تحبها كذا !!"
كرر هذي الحركات اكثر من مره وشوف وش راح يصير معك : -"ان تسمع هالصوت ¿"
" وشو ¿"
-" لالا .. ما عليك .. لا تشغل نفسك"
اسأل اخوياك أسئلة غريبة مرة وبعدين سو نفسك تكتب الجواب في ورقة وإن سألوك .. قل "
ولا شيء"


اذا أرسل لك أحد نكتة.. سو لها له forward ثاني مرة
وش رايكم في الطريقه





وانشالله تكون هالنصايح مفيده بالنسبة لكم عموماً اذا استفدتوا منها لاتنسوا تشكروني وتدعولي
بالتوفيق ...... بس ليكون تسووها فيني .......... ترى أزعل .....حيل
تحياتي
اخوووكم سعوود

[ALIGN=CENTER] مرحبـــ hi ـــا

اهلين سعوود

الله يهداك وش ذا النصايح

بلاوي وخراب بيوت على ماقالوا

http://www.qatarat.com/ http://www.qatarat.com/ http://www.qatarat.com/

ولا وشنو تقول ادعو لي

الا وربي بيدعون عليك


http://www.qatarat.com/images/imported/2003/02/1.gif
http://www.qatarat.com/images/imported/2003/02/1.gif يعطيك العافيه وانشالله الجاي احلى واحلى http://www.qatarat.com/images/imported/2003/02/1.gif

http://www.qatarat.com/images/imported/2003/02/1.gif[/ALIGN]

اهلين اخوي ساري
طيب انت جرب وشف:D:D:D
:cool:يموت في النذاله
تحياتي..
سعوود