أبيها

ابيها عقد من فضه وابيها عقد من الماس
وابي غالي الذهب يـــبرق يحلي كل اساورهـا

ابيها وسم في صدري وابيها رسم عالكراس
وابي تكتب حروف اسمــي بصفحه من دفاترهـا

ابيها وقت فعل الشر تكون لعقلي الوسواس
وابيها وقت فعل الخــير هي اللي بس اشاورهـا

ابيها تضمني بالحيل وعلى صدري تحط الراس
وابيها وسط ذاك الليــل نجومي اللي اسامرهـا

ابيها صوت يطربني يذكرني بصدى الاجراس
وابيهـا كل لحظاتــــــي .. من اولهـا لاخرهـــــا

ابيها اطهر العالم بعمره ما وطا الادنــــــاس
وابي تقـهر جميـع النـــاس ولابــه شي يقهرهـــا

ابيها دوم مبسوطه ابيها ماتشوف البـــاس
ابيهـا تكــــون لـي ورده تعـطــرني واعطرهـــــا

ابي تسكن وسط روحي ابيها اقرب من الانفاس
وابي من غــير ماتـامر انفـــذ كل اوامرهــــا

ابيها قصر في قلبي ابي ضلوعي تكون الساس
وابي تفـرش قصـر حــبي بلحظــه من مشــاعرها

ابيها تكون خاطرتي ابيها تكون لي احساس
وابي انــا الوحيــــد اللي تحبـــه في خواطـــــرها

ابيها تموت في نزفي ..تحبه حب بدون قيـــاس
وابي لامن قرت شعـري تضيــع بحب شاعـرها

صح لسانك أخوي أمير الحب
بس كلمة (أبيهــــــــــــا ) ذكرتني بدرب الزلق
انشاء الله نسمع الكثير الكثير منك ومن مقالاتك
اخوك موادع غرام