نصيحة حب...

توك صغيره وابتديتي تحبين..!!
من علمك ليل السهر ياصغيره¿¿
بدري عليك العشق يابنت هاللحين,,حرام هذا القلب وشهو مصيره
انتي بريئه في الهوى ليه تشقين,,دروبه طولن عليك وعسيره
رحتي بدربن ماله أصلا عناوين,,وانتي مشاويرك من أول قصيره
ياطفلتن حبت وراحت على وين,,عقب الهنا ذقتي الحياة المريره
وينك ووين الحب والشوق والبين,,عنيتي عيونك وصرتي سهيره
اصحج تسلي كان ودك تسلين,,الورد لولا اللون وشهو عبيره
خليتي دروسك وصرتي تحاتين,,الدرس بديره وصرتي بديره
وصرتي بعد من غير هذا تغارين,,والمشكله يابنت ماانتي خبيره
نصيحتي لك كان ودك تردين,,يم السعاده والحياة المثيره
خلك بجو العايله لاتعدين,,ماما وبابا والعجوز الضريره
شيبانك اللي مايبونك تعانين,,من بينهم عشتي كأنك أميره
الحب قبلك هز ناس كثيرين,,خلا القلوب تعيش همن وحيره
الحب يفضح لاانكشف داخل العين,,وانتي بنفسك ماهقيتك بصيره
طيعي كلامي واحذري لاتمادين,,تراجعي لا عل في الأمر خيره
عيشي الطفوله والبراءه لك سنين,,وبعدين حبي لا غديتي كبيره

[align=center]الحب قبلك هز ناس كثيرين,,خلا القلوب تعيش همن وحيره

لافض فوك يسلمو خيو عالنصيحه بس اظن محدن بماخذها[/align]

الله الله عليك ..


تسلم ..