تزعل واراضيك واتلذذ بتزعيلك .. لـ حمد السعيد ..<< تجنن ..

صبااااحكم / مسااااااكم سكـــــــــر ..

شخبااركم .. واليووم جبت لكم قصيده
لــ حمد السعيد .. <<لايقارن ..

::

::
( .. تزعل واراضيك .. )


تزعل واراضيك واتلذذ بتزعيلك

تبي الصراحه انا مجنون زعلاتك

لا قمت تبعد وانا اقرب وادنيلك

وامسك طرف غترتي وامش دمعاتك

وتبدي تعاتب وانا كلي انتباهيلك

ماسمعك شتقول انا عيني علي شفاتك

وتعيد حجيك وتفرك حيل منديلك

وتخالطت صادق حروفك بوناتك

واحاول ارضيك مدري منين انا ابديلك

واحتار واذكرك بعض زلاتك

واسمعك ماكتبته بك واغنيلك

طاروقك الي تحبه واكسر سكاتك

واستسمحك واعذرك واسمعك واشكيلك

واتلهف لبسمتك وارد ضحكاتك

يسرقني الوقت ولا يمديني احجيلك

كلامي الي تحفظته لشوفاتك

وقت الوعد فات وعيوني تراعيلك

واقفيت واشغلت قلبي بلتفاتاتك

عيني علي خطوتك والقلب يدعيلك

الله يحفظك من الحاسد وشماتك

تزعل واراضيك واتلذذ بتزعيلك

تبي الصراحه انا اعشق كل حالاتك

::


::



انشالله عجبتكم ..




تقبلو تحياتي


منقوووول

من جد لايقارن

يعني لايقارن

ذا الشاعر امووووت عليه بشكل غير طبيعي

اقتباس:

---

تزعل واراضيك واتلذذ بتزعيلك

تبي الصراحه انا اعشق كل حالاتك

---

صح لسان كاتبها وناقلها ^_*

لاتحرمينا ابداعاتك يالغلآ

تسلمين على مرورك

صح لسان قايلها
وتسلم يمين ناقلها
تحياتي :.
مـ غ ـرزهـ

وانتي تسلمين على مرورك

تزعل واراضيك واتلذذ بتزعيلك

تبي الصراحه انا مجنون زعلاتك ..

قصيده مبدعه من شاعر مبدع من عضو اكثر ابدائع نقلها في لنا..

قصيده كلمتها شجن وحروفها نغم.

قصيده تجعل قاريها يعيش معها في قصتها الرائعه.

قصيده تتكلم عن الحب والزعل وحتى في الزعل يتلذذ روعه ربي.

قصيده والله اهنيك من قلب عليها.

تسلمين ويعطيك العافيه على القصيده الرائعه.

نتطلع لجديدك وابدائعك المتواصل.

تقبلي مروري

انت المبدع
على مرورك

منور اخوي