استأذنكـــ..

أستاذنك بسافر أيام واجيك
وان طالت ايام السفر لا تحاتي



حتى و لو طولت ماني مخليك
ياللي بدونك ويش تسوا حياتي



تامر على حاجه¿¿ باودعك واليك
عسى عوض الأيام في المقبلاتِ



حتى يدي ما ودها تفارق يديك
ساكت وانا اشوف البلا في سكاتي



ما شفتني لا رحت منك التفت فيك
بلاي والله روحتي والتفاتي



لكن قبل ما اروح ودي أوصيك
وانت الوحيد اللي يقدر وصاتي



لاحدٍ سألك و قال لك وين مغليك
قل له لوازم لا قضاها بياتي



و أن طروا النسيان ماني بناسيك
يا راس مالي في الحياة وغناتي



و ان طروا السلوان ماني بساليك
طيفك معي حتى وانا في صلاتي



قلبي وهو قلبي إذا مر طاريك
لولا ضلوعي كان عزوا مماتي



لو جض صدري كان يمديه ياتيك
و يبات عندك ويهنا بالمباتي



أنا .. و قلبي .. و الغلا .. ساكنٍ فيك
و انته .. و قلبك .. و الغلا .. وسط ذاتي



غلاك مثل الحكم عند المماليك
أكبر طموحي .. لا .. كل أمنياتي


شف في غيابي أي حاجه تسليك
لأني بعدك أسلى مع ذكرياتي



أحاول اذكر أي شيٍ يطريك
واقول هو سوى وانا ذي سواتي



كني موادع كل شيٍ حواليك
و كني حسبت حساب حزة وفاتي



أحب لأني ما اقدر انساك و أبيك
و لا اقدر أخليك ياللي تحاتي



معنى أحب .. و ما اقدر أنسى .. و أخليك
يعني بدونك ويش تسوا حياتي

..{مــــــــــــــبدع بما تعنيه الكلمه

قصيده روعه ..}


جمعت بين الحب والفراق

من جد روعه

لآتحرمنا جديدك يالغلآ

:::

الله صح لسانك.

قصيده روعه من قلم من اقلام مبدعين .

قصيده صاحبها حساس رائع..

قصيده تجمع بين حب وفراق يعني وصفها خيال.

قصيده تجعل المتصفح يعيش مع القصيده قصتها وهذا دليل على ابدائعك.

قصيده والله اهنيك عليها لانها مبدعه من مبدع من قلم اكثر ابدائع.

تسلم ويعطيك مليون عافيه على القصيده التي تحمل كلمات كلها احساس.

نتطلع لجديدك وابدائعك وبوح قلمك.
تقبل مروري

يسلموو أختي سوفت قير علىآ تعطيركـ صفحتي..

يسلمووو ولد ياخلفهم انت فأذا كان قلمي مبدع فليس بأكثر من ابداع قلمكـ .والله لايحرمني منكـ..
وأتقبل :fl: مروركـ :fl: بطريق :fl: ملئ :fl: بألورد