قصايـدي كـم رددوهـا العشاشيـق
[align=center]
يابو الخـدود المترفـات الرقاقـه
ياعين حرًّ في طويـل الشواهيـق
ياللي شكى مما حمل عظـم ساقـه
إسمع كلام اللي حظوظـه تخافيـق
يا صاحبي ماعاد في القلب طاقـه
على الهموم وغربة الروح والضيق
يا صاحبي والصبـر مـرّن مذاقـه
وأنا تجرعته علـى نشفـة الريـق
يا أعز و أغلى من ربطني وثاقـه
ما غيرك أحـدن دثرتـه المعاليـق
لك منزلٍ ما فيـه مخلـوق فاقـه
ولك قيمةٍ فاقت جميـع المخاليـق
اصون ذكرك عـن كـلام الحماقـه
وعن كلمة الشامت وحكي المطافيق
مديت لك كـف الرضـا والصداقـه
وكتبت فيك من الفرايـد طواريـق
وقدمت لك من يانـع الـورد باقـه
قصايـدٍ كـم رددوهـا العشاشيـق
وعطيتني من كاس حبـك ذواقـه
وأنا عطيتك نبع قبلـك فـلا ذيـق
وفتحت لك بين المحاديـب طاقـه
وصكيت في وجهي وساع الطواريق
أشفق على شوفك ووصلك شفاقـه
وأثرك تحاول بالجفـا و التفاريـق
ما قبلك احدن هزنـي فـي فراقـه
من راح عنّي جعل دربـه توافيـق
ما اسلك مساليك الـدروب الدقاقـه
أصبر لو إن الحمل ما شاله طويق
شف قلبي اللي زاد فيـه اشتياقـه
وشف دمعي اللي غرق الخد تغريق
حفظت عهد الحـب والزيـن باقـه
وأنا عليه غصون قلبـي مدانيـق
مير المنافـق مـا يسـره نفاقـه
تجيبـه الأيـام لا صـار تحقيـق
لكن لـو دمـي سريـع احتراقـه
العهد تحفظـه الرجـال المطاليـق
بصون حبك لـو قطعـت العلاقـه
وحنا عوايدنـا نصـون المواثيـق
تحياااااااتي[/align]
