حنا البدو ,,,, لناصر الفراعنه
[align=center]
" حـنا الـبدو أحرار وآسود ونمور "
:: ₪ :: :: ₪ ::
كان زميل شاعرنا ناصر الفراعنه يدخن في مكان محضور فيه التدخين .þ
ولم يكن يعلم بذلك فجاء إليه المسؤول عن ذلك المكان .
þفقال لهُ بكل سخرية :
þهذا أنتم يالبدو !!! þ
نلقاكم عند هذي وأردى ..!!!!!!!
فليته نصحه عن التدخين وليته ترك البدو وشأنهم
ومنذ متى والبداوة عيب أيها
المسؤول الأرعن .... ¿
لقد حمدنا الله على نعمة الأمن والأمان . þوالذي جعلنا أخوان متحابين .
þ
أولا تحمده أنت أيها المسؤول وقد عمُرَت كرشتُكَ
في ظل هذا الأمن والأمان .... !!!
الله من قلـبٍ علـى مرتـع الخـور
þكنـه هشيـمٍ دمـدم العـود بـالـي
كني عضيض اللي مع الخبت مسعور
þباقـي مـن المـدة ثلاثـة ليـالـي
يكفخ بـلا ريـشٍ وينفـخ بـلا زور
þويكفيه عـن رد الجـواب السؤالـي
دنياك يا خالد على السـرج والكـور
ما تفجع الا مـن زحـول الرجالـي
تجبر عراوي الكلب والبـوم والثـور
þوتكسـر عـراوي طيّبيـن العيالـي
تنـزل مقـام مخرّقـة كـل طابـور
þوترفـع مقـام مخرّزيـن النعـالـي
شاخت بها الأذنـاب لحّاسـة السـور
þسـود الوجيـه مبيّعيـن الشيـالـي
فيهـا وليـد الـلاش عالـم ودكتـور
þولقيطـة الحجّـاج حضـرة معالـي
وسلالـة الجـزّار مطـوة وساطـور
þتأمر علينـا فـي العصـور التوالـي
فإن كان يـا خالـد معنّـى ومنجـور
ما احدٍ يا ابن مدعث من الوقت سالي
وانته عريـبٍ وافـي الجـد مخيـور
يا صلب زايـد يـا كريـم السبالـي
أما معي تقطع مـن العـرق مشبـور
þوالا قطعـت العـرق كلـه لحـالـي
روحي مثل روحك على سبق مطيور
مـا بيـن قولـة لا تجيـن وتعالـي
فكان الزمـان بحـدّة البـدو مأمـور
þيا لـوم قلبـي يـوم ينحـاس بالـي
ترى يخالد ما ورا الشـوف مذخـور
þولا احدٍ يهدّ الطيـر والقـاع خالـي
من عقب ما حنا ذرى كـل مظهـور
علـى سـروج الصافنـات المتالـي
تنتف شواربنا علـى غيـر مبـرور
þونشرب مرار ويشرب الغيـر حالـي
ياطى الثعل هامـة ثمانيـن منعـور
والذيـب عـوّد فرْسـةٍ للرخـالـي
وولد الردي لا جاء على راس عنقور
þيبلاك فـي نفسـه لـو أنّـك مثالـي
صيده ليا جابه زريطـي وعصفـور
يوم النشامـى مـا تصيـد الهزالـي
بالهـرج عـدّة نابيـة كـل عثمـور
þوالفعل مـا ملّـى صغـار السحالـي
يـوم انّ كـلٍّ إلْـه حيلـة ومقـدور
þجـداه كشخـة غترتـه والعقـالـي
ولـدة حـرامٍ بـارد الخـدّ مقصـور
هيـسِ يكبّـر موخـره بالسمـالـي
سبوٍ جبو قدره مـع النـاس محقـور
وش عاد لو عدّى الرجـوم العوالـي
خبلٍ يدوّر مع قفـا النـاس ثغـرور
þوالقفو مـا نـوّخ ظهـور الجمالـي
والعنـز لـو ربـي رزقهـا بزمّـور
مـا يحتميهـا مـن ذيـاب السهالـي
ومن لا يحوش الطيب والعمر ميسور
ما يدركـه لـي مـا غشـاه الثفالـي
فياللـي تعذربنـا هبيـلٍ ومطـيـور
þأجْل البـداوة عيـب ¿ لا يالخمالـي
كان البداوة عيب ما نيـب مصغـور
يا طيب عيـب معطّريـن السلالـي
حنا البـدو أحـرار وآسـود ونمـور
سيـفٍ يقـصّ مروبعـات الحبالـي
حنا البدو حنـا عمـى كـلّ مغـرور
مـا حـنْ عيـال مضبّبيـن الدلالـي
يشهد لنا من حـدر الالحـاد مقبـور
ويشهد لنا في القـاع مـن لا يزالـي
حنا البدو سيـفٍ بالايمـان مشهـور
þوتشهـد عليـه قصارهـا والطوالـي
لا نقطع الذمة .þ. ولا نشهـد الـزور
þولا نتلب العانـي ليـا جـاك جالـي
ولا نقلب الملـة.þ. ولا نطـرد العـور
þولا نسهج الشينـات وسـط المفالـي
ولا ننقل العجرا .. þولا نطلب الغـور
þولا نلحـق الكـف اليميـن الشمالـي
ولا نذبح العجفا .þ. ولا نسبق الـدور
ولا نطـرد المقفـي لشـدّ الرحالـي
ولا نزرع الصبخا .þ. ولا نحفر القور
ولا نطرح الا من السمـان الجزالـي
ولا نعبد الرتبه ولو هـو امبراطـور
ولا نهـاب الا عـزيـز الجـلالـي
ولا نخلف الهقوة.. þولا نطلق الحـور
الا علـى طيـب وحافـظ ووالــي
ما نقطع الساقة .. þولا نبعـج الشـور
þولا ندغـر القالـة بقـيـلٍ وقـالـي
ولا نبخس الكيلة.. þولا نجحـد النـور
þولا حِنْ من اللـي يكنـزون الريالـي
ولا نشعب الذلة ولا نخـاوي البـور
þزرق العيون ضراب شرْد السحالـي
ولا نضرب الطبلة.. þولا نشحذ الكور
þفضلـة عبيـدٍ للأكـابـر مـوالـي
ولا ندهل العِبْلة ولو طورهـا طـور
þوالرزق في يـدْ مـن عليـه اتكالـي
حنا البدو يوم اكثر النـاس طرطـور
þناطـى صمـا صمـيـم الجبـالـي
عشة,þولا قصرٍ علـى الـذل معمـور
نلعـب عليهـا الهـمّـلا همّـلالـي
عشة تدوم ولو علـى سبعـة بحـور
ولا قصر لا مالت بـه الريـح مالـي
حنا البدو يوم اشهـب الملـح منثـور
þيامـا خزمنـا روسهـا مـا نبالـي
رجّالنا في حومة الحـرب مسطـور
þورضيعنا مع ضرب الاشهب يلالـي
حنا على كبـد العـدو مـرّ ممـرور
þوعلى الخـوي مـيٍّ قـراحٍ زلالـي
ما قد وِخِذ من حقنـا كبـر الاظفـور
þمير الدهـر خلـى الخفايـف ثقالـي
من خلقة الدنيا إلـى نفخـة الصـور
þوالبدو أخَيْـر النـاس بـأول وتالـي
ذبّاحـةٍ يـوم اول الوقـت مـذعـور
حمّايـة المَرْكـي نـهـار القتـالـي
فحولٍ وسادتنا حصـا كـلّ شنظـور
ولحافنـا بيـض النجـوم المـدالـي
ما نبدي الشكوى لخاطـر ومخطـور
þألا على الواحـد أحـد ذو الجلالـي
ولا نغبط الحاكم على حكمـه الـدُور
اليا رعينـا فـي الفيـاض الخوالـي
ياما حـلا سـوق المعاشيـر بقفـور
þونجم السويبع مثـل قـرن الغزالـي
في خايعٍ توه مـن الوسـم ممطـور
þنوّار عشبـه مثـل نقـش الزوالـي
إبْلٍ رعوها البدو مـع كـلّ دعثـور
تسـوى شَبَحَـات الوجيـه المكالـي
روحك يا ابن مدعث على ريشة كرور
احذر بهـا صفـر العراقيـب تالـي
وان عذربوها بأشقر الكنـت معـذور
أغاديه يِذهب عن حشا الجوف صالي
وان عذربك من سِلْحة الناس مسمـور
þاشـرب وطـقّ مشقّـره لا تمـالـي
قبلك شرَبْه الجِهْر ناصـر ومنصـور
وعضيب وعقـاب عنِـزَة والهلالـي
وشرب ازرق الدخان ماهوب محظور
þالعيـب زرع الهافيـة عنـد غالـي
ابشـر يخالـد دام لــي دمٍّ يـفـور
þمانيـب مـن هـو قـال دوّر بدالـي
أمـا خذينـا حقّنـا واقبـل الـنـور
ولا ترانـا مـن بـنـات الحـلالـي
ماني وانا ناصر بهـورٍ ولـد هـور
وانا الذي مـن راس عمـي وخالـي
فيالله في كونٍ مثـل كـون جمعـور
هشهـاش بـاروده سـوات الخيالـي
يصبح به الهافي عن العـز مكسـور
þويصبح به الطيب علـى راس عالـي
ناخذ به خفـاف الموازيـن بالـدور
þوكم راس نذلٍ عـن كتوفـه يشالـي
والنصر الى قالوا على الضد منصور
þما هو علـى زعْلـة خـويٍّ قبالـي
وما قلّ دلّ وزبدة الـروض حمـرور
þوالا كثيـر الهـرج مالـه ومـالـي
الشاعر : ناصر الفراعنه [/align]
