جامليني ... عشاني

جيتك وأنا يا بنت الأشواق عاني
..................... جيتك على نيّة لقا ..... والجفى موت

وصلك نصبني لين هجرك رماني
..................... وأصبحت أرتّب لي من الحزن تابوت

حنّي علي وجامليني .. عشاني
..................... خلّيني أشعر إن انا إنسان مبخوت

لا جمّع الله شملهن هالمعاني
..................... عجزت أترجم ما تمنّيت بـ بيوت

هو ضعف ¿

مدري !!

بس أنا بالثواني

أموت بك

وأحيا وصل

وارجع آموت

بسكوت جيتك وإزدحم بي مكاني
..................... لكن وراسك .. لازم آجيك بسكوت

ما دامك أثمن امنية بالاماني
..................... جيتك : عقاب .. وشفتك الغالية : نوت

بك خوفي اللي كم يشابه أماني
..................... وبك من بريق الجوهر / الدر / ياقوت

يا صوتي اللي ما تعدّى لساني
..................... السمع مبطي ما طرق بابه الصوت

لا تتركيني دام انا جيت عاني
..................... حرام ترك النفس يا بنت للموت

[RAM]http://www.movn.net/q9ayd_m5tarah/3wath_nffa3.ram[/RAM]



قصيده للشاعر عوض نفاع

قرأتها في منتدى وحبيت انكم تشاركوني القراءه لأبيات لامست شفافية الحزن بكل معانيها

اخوكم فيصل

[SOUND]http://www.movn.net/q9ayd_m5tarah/3wath_nffa3.ram[/SOUND]

أخــــــوي
فيصــــــل
مشاركه رائعه
لا تتركيني دام انا جيت عاني
..................... حرام ترك النفس يا بنت للموت

واختيار أجمل
سعدت فعلا بقرأت ماأخترته لنا
تسلم وحياك الله بمنتدى قطرات

تحياتي
أختك
بنــــتالبـــــاديه
")(

هلا اخى فيصل

تسلم والله

اختيار رائع