عـ,,ـشـ,,ـق ‘‘ الـ,,ـبـ,,ـنـ,,ـات‘‘
عــشق البنـــات
حبيبي مشتاقه لك والشوق موت
ماعاد فيني انتظر..حاولت لكن ماقويت
حاول تحس ..حاول تفهم حالتي..
بنت اعشقت!!
تدري اذا البنت اعشقت وش ممكن يصير¿¿
يووووه لو تدري وش عشق البنات!!
موت وحياه ..
واشياء ابد ماتنوصف..
تبي تعرف البنت اذا دشت هوى¿¿
تنثر لها دمعه حلووووه
تشبه لحبات المطر..
بس دافيه حيل
وتشري لها شمعه لونها وردي..
وتفرح اذا هي تحترق!!
وتجلس بغرفتها كثير..
تصحى وتنام ..
ودايم كسل..
وتظحك شوي ! وتبكي شوي!
وتقول احيانا كلام هي نفسها ماتفهمه!!!
وتغير العطر القديم.. وتكره ملابسها القديمه..
وتشري لها دفتر جديد..
وتكتب عيليه بعض الطلاسم والحروف!!
والباقي كله شخبطه¿!
وتمووت بالليمون والشاهي الخفيف..
وتقرا شعر كله غزل..
وتقول يووووووووه!!!
الله على (عشق البنات)
يحليلهم!!
مره يحبون الهوى!
واذا دخلو ضاعو ولا دلو طريق..
امشي على شط الهوى..
وشوف البنات
هذيك غرقانه..
وهذي تصيح..
والثالثه تمشي وتطيح!!
وبحر الهوى ملعون¿
مايرحم احد..
يموت في (قتل البنات)
عرفت وش (عشق البنات)
اعرف انا وحده اعشقت!!
وبغت من الفرحه تطير
فديتها كانت صغيره حيل
واللي تحب بعد صغير
وتواعدوا.. وتعاهدوا
وينوا من الفرحه خيااال
واختاروا اسماء العيال
ومشى العمر وهم سوا..
يبنون احلام وامل
وفجأه صحوا من حلمهم
يقول امي مارضت¿¿!!
ويقول صعبه اتزوجك
يمكن عرفتي غيري رجال كثير!!
حتى اتهمها بالخيانه¿¿!!
معقوله العاشق يخون¿¿
وعشق مضى بلحظه يهون¿¿
بكت..بكت..بكت
لين دمعتها يبست..
من جد ماعنده ضمير!!
حبيبي تدري ايش¿¿
انا بصراحه خايفه..
اخاف يوم تتركني على جال الطريق..
وترحل بعيد..
وتصبح مثل باقي الرجال..
ماتفهم قلوب البنات!!
تدري ايش يصير¿¿
والله لاامووت من القهر!!
وابكي على معنى الهوى!!
واخذ عزى (كل البنات)
واكتب رساله (للقمر)
واقوله لاتنخدع من الرجال مهما وصفوك!!
ومهما تغنو في بهاك!!
باكر يخلونك تموت من القهر!!
مثل (البنات)
