الحب مايعرف صغير ولا كبير
بسم الله الرحمن الرحيم
موضوعي اليوم مثل الي قبله بسيط جدا بس احس انه فيه فايده ولا ادري انتم احكمو على ها الشي يعني ردودكم على ها الموضوع هو الي بيثبت اذا ها الشي فيه فايده ولا¿
المهم هذي قصه واقعيه وبعدها بقولكم وشو الموضوع¿
القصه هي:
زوجه لقت معاناة مع زوجها خلال عشر سنوات لين انفصلو راح الاب لسوريا وتزوج وترك ام بناته لحالها تصارع المسؤليه لحالها مع 5 بنات وما عطاها الله الولد لحكمه لا يعلمها الا هو.
المهم عاشت لبناتها الاب والام وكل شي لهن بلا وظيفه ولا مساند سوى الله ثم اهل الخير..صار يوم من الايام وكانو جامعين مبلغ من المال ودهم يشترون فيه بيت لانهم كانت الجمعيه ماجرتهم بيت من اهل اخير..صار يوم من الايام قالت الام لبناتها عن رغبتها بشراء البيت علشان تامن مستقبل بناتها
رفضو بناتها وبشده قالو لامهم ليش محنا زي الناس نسافر ونشوف الدنيا حالنا حال اي ناس غيرنا, قلب الام رهيف وش سوت¿ ضحت بفلوس البيت وقالت اوكي نسافر بس من وين لنا محرم ¿وصعبه هناك ياجرون حرمه فندق وحنا ما معنا كرت عائله به رجال كلكم بنات وانا يوم طلقني ابوكم طلعني من دفتر العائله¿وش السوات¿جلست ليلة كامله تفكر وما تبي بناتها ينحرمون من السفر¿
كان بجنب بيتهم واحد عزوبي من منطقه ثانيه جاي لديرتهم علشان يدرس طب,المهم كان اذا مرضت احد بناتها تتصل عليه يجي يكشف عليهن لانها ما في احد عندها يوديهم للمستشفى او رجال يسوق وهي حرمه ما تسوق وما تقدر توقف تكسي بنص اليل لحالها ,المهم كانت تستعين بجارهم العزوبي وكان قمه با الاحترام ,المهم صار من بكرى دقت عليه الام وبكل احترام قالت له (اسمع يا جار انا لولا ظروفي ما دقيت وابيك بموضوع كلمه ورد غطاها ومن دون اني اقلل ادبي او يروح تفكيرك بعيد ....)وقالت له الموضوع كله يوم خلصت قالها (طيب وش المطلوب¿)قالت(ابيك بس تملك علي فتره السفره واذا جينا نتطلق ابيك بس محرم ولك سعيك على ها الشي بس بشرط زواجنا ذا على الورق بس)طبعا زواج زي كذا شرعا محرم واخطت بها النقطه بس شفقة الام على بناتها خلتها ترتكب ها الخطا...المهم قالهاافكر,ثمن من بكرى وافق وراح ملك عليها وسافر بهم واستانسو بناتها وهو واياهاكل واحد بجهه ,يوم وصلو الديره قالت له يله عاد طلق ومشكور على جميلك ذا...ردت فعله غريبه,,قال لها مراح اطلق,,تعجبت من ردت فعله,,قالها (الصراحه خلال ها السفره خليتني اغير نظرتي با الحريم كنت اكره الحريم بقوه من وحده حبيتها وخانتني والحين شفتك قمه با الاحترام والاخلاق وتضحياتك علشان بناتك حفاظك علي كزوج رغم ان زواجنا على روق والحين الصراحه ابي اعلن زواجنا)تعجبت الحرمه وقالت له(انا اكبر منك وانت شاب وانا مطلقه وانا لي بنات وانت جامعي وانا ما معي الا ثانويه عامه مراح يرضى لا الناس ولا اهلك ولا المجتمع)قال لها(انا ما يهمني احد انا اشتري الاخلاق قبل كل شي والرسول صلى الله عليه وسلم تزوج السيده خديجه وهي اكبر منه وياليت توافقي)وافقت وكملو زواجهم وجابت ولدين منه وصار ما يشوف بدنيا غيرها وتوظف وصار دكتور وصار يصرف عليهم ومحد يمن عليهم وشرو بيت الي كانو يحلمون به من فضل الله ثم فضل ا الشاب.....(انتهت القصه)...........................,,
موضوعي ليش المجتمع يرفض مثل ها الامور ذي ان المطلقه تتزوج ولد او الارمله...او الكبيره تزوج واحد اصغر منها ¿او الحظريه تتزوج بدوي او العكس
والتعصب القبلي..اذا الحب شريف ليش ما ينسون ها الفوارق¿يعني هنا بمجتمعنا الحب غير والزواج غير وكثير الطلاق..¿مو تشجيع للعلاقات الغراميه لا بس فيه شي اسمه حب شريف واظح¿ليش ما يطور هالزواج ¿ويتركون ها العوائق الي ذكرت فوق¿¿
اتمنى ما يوخذ كلامي ما اخذ سلبي ومنب من الي يرمي لتشجيع للعلاقات قبل الزواج او علاقات سريه¿ با العكس انا ضد العلاقات الغراميه الباطله..
انا اقصد العوائق الي ذكرت فوق للعلاقه الشريفه ليش ما تزول¿
انتظر ردكم ولا تفهمني غلط.
وشكرا:fl:
!~¤§¦ الغندرري ¦§¤~
