حبيبته بيأخذها واحد غيره

هذا الشاعر جا وحضر زواج حبيبتهـ ..

وهو يخاطب بهذي القصيدة زوج حبيبتهـ ..





أبد .. ما جيت اباركلك ولكن جيـت باوصّيـك


على اللي ناوي ٍ تدخل بهـا الليلـه .. مُعذّبْتـي

*****


ترى لولا الظروف اللي عطتْك وحدّت محاكيك


قسم بالله ما تدخل عليهـا لـو علـى رْقبْتـي

*****


ولكنّ النصيب اقوى ولا ادري ويش اسوّي فيك


نعم .. صارت معزّبتك .. ولا صارت معزّبْتي

*****


كذا شاءت بنا الأقدار تحرمني لجـل تعطيـك



كذا لازم عشان تفوز إنت ..وأنا أخسر بتجربْتـي

*****


تراها غاليه جـداً .. وتكفـى .. والله يخليـك



تـدللها .. تدلعهـا .. تنسّيـهـا مصاحبْـتـي

*****


أنا من كثر ما اغليها أحس اني بديـت اغليـك



ولا تسـأل بأيّـة حـق ولا ّ وشهي مناسبْـتـي¿

*****


لإنك لو بتسألني بتسمع شـي مـا يرضيـك


لذا ياخـوي لا تسـأل ولا تسمـع لأجوبْتـي
:mad:
*****


أبيك تحطها داخل عيونـك وبيـن اياديـك



وهي دلوعه اعتـادت علـى كثـرة مداعبْتـي

*****


فداعبها شوي شـوي حتـى تشتهـي طاريـك



وشاغبها إلين تقـول لـك: بطّـل مشاغبْتـي

*****


واذا هي مالها خلقك..ولا تضحك ولا تسلّيـك



تحمّلها وإسألهـا: يـا عمـري ليـه عصّبْتـي ¿¿

*****


ويويلك اسمع انّك يوم تضربها وهـي تشكيـك



ما يحتاج اورّي لك بفـن الضـرب موهبْتـي

*****


صحيح انك بتملكها ومعـك الصـك بالتمليـك



وانا عارف حدود الله ومـن حقـك معاقبْتـي

*****


ولكن قلّها المجنـون وصّانـي وهـو يعنيـك



يقول انّـه بينتظـرك ولـو شيّـب وشيّبْتـي

*****


وانا مجنونها اللي ما نساها وانت مـا يمديـك



تغطّي ذكرياتي في هواها.. وربْـع تجربْتـي




*****

أحس اني تماديت بكلامي.. والغضب حاديـك



ولو انّك في مكاني ما تفكّـر فـي محاسبْتـي

*****


كفاك اني تركت الليله اشغالي عشـان اجيـك



دخلت القاعه برجلي ولا ادري ويش عاقبْتـي

*****


وانا ما جيت اخرّب عرسك الليلـه ولا أذّيـك



أنا جيتك عشان اخاطبـك وتسمـع مخاطبْتـي

*****

توصّى..وانتبه..واحرص عليهـا والله يهنّيـك



ترى كل الكلام اللي طلَع من ضيقـيَ وكبْتـي

*****


ولكن ما قدرت انّي أقوله وانـت مـا يخفيـك



أخاف انّـي إذا قلتـه تقـوم وتقطـع رْقبْتـي


تقـوم وتقطـع رْقبْتـي ...............


***************

وقســـــم القسمــــات إنـــي بكيـــــت ..

وش رايكــــــــــــــمـ بالقصيدهــ ¿¿

وربي تعور القلب الله يصبره

انا بعرف ليش كل هذا الحب ويتركها لغيره¿¿¿


:mad::mad::mad::mad::mad::mad::mad:

وااااااااااااااااااااااو جونان بصراحه تسلم الايادي الصادق وربي روعه
تقبل ردي وعبير ودي

[align=center]الله يسلمك مـــــــــ مس ــــــس
مشكوره وما قصرتي على الرد [/align]