للعيّارين فقط 000 ممنوع الدخول لمن هم دون الـ 18 سنه !!!
للعيّارين فقط 000 ممنوع الدخول لمن هم دون الـ 18 سنه !!!
بسم الله وعلى بركة الله 000 ولاحول ولا قوة الا بالله 00
تم بحمد الله سدح هذا الموضوع سدحاُ مبيناُ 000 نافعاً غير ضار 000
نعود من جديد في هذا الصرخ الشامخ والمنتدى الجبّار الكويّس أوي ( أكوس شي في الاكواس ) تمت كتابة هذا الموضوع في منطقة محل ماضيع ابليس ولده حيث يقيم خالي سليّم ابو فلقه وعمتي هيله ام شظاف 00000 مابي اطول عليكم000 ودي انكم تبحرون في موضوعي ابحاراً 000 حتى لو كان هذا الابحار على مرابيع عماير مثل فلونه 000
اترككم مع الموضوع 000 وكلي أمل ورجاء بأن لا يتم تضليل الموضوع ثم نتفه واللي يبي يسوّي حركات الشميسي ذي موب ازين له
منذ نعومة اظفاري وانا متابع جيّد للتلفزيون واحب اطالع كل ماهو جديد وخصوصاً التمفيليات (( جمع تمثيليه وعلى قولة البزارين تمفيليه )) وتلقوني مسنتر عند كل مسلسل تقول يعطوني راتب آخر الشهر على المتابعه والتسدّح
من خلال هذه الخبره المكتسبه والمنبثقه (( ياعالم منبثقه فوق مستواكم وربي )) من عدد انبطاحتي وانجضاعاتي على بطني أمام الشاشه البلّـوريه وقدام كل مسلسل وفلم عربي قدرت اطلع بعدد لابأس به من الملاحظات وخصوصاً على الافلام والمسلسلات المصريه ولا يهونون اخواننا الخليجيين 000
<<=--- وش عندك يالفرنسي
نبدأ بالمسلسلات المصريه اللي من يوم يبدا المسلسل لين ينتهي والقصه معروفه 0000 واحد يمشي بالجامعه وماسك الكتب يمرّ جنب بنت مزيونه ثمّن يطقها بكتفه مسوي مادرى ¡ وتطيح كتب البنت ثمّن يسوي اخلاق وينزل يشيل الكتب وهي تسوي مستحيه تقعد تعضض اصابعها ثمّن يعطيها الكتب ويناظرها بنص عين يقول لها آسف وهي على طول تخق يعني يشبكها ولد اللذينا سريع سريع
بعد التعارف يبدا يغازلها بقاعة المحاظرات بس موب غزل فاحش يعني يناظرها ويبتسم وهي برضه مسويه تستحي وهي رايحتن فيها وعلى ماقالو الاخوه المصريين (( غرئانه لشوشتها )) ثمنّ عاد يبدون يمونون على بعض ويصيرون يفطرون ويروحون كوفي شوب ومطاعم برا الجامعه ويشربون العصير هذاك اللي يصير فوق الكاس نص ليمونه ولا نص بردقانه
(( طيب حطو ليمونه ولا بردقانه كامله يامال المصع ترا الكيلو بخمسطعش والله يديم الرخص ))
ثمن عاد البنت تقول تعال اخطبني من اهلي مايصير وش يقولون الناس وهم يشوفوني كل ابو دايم معك انا بنت حموله ولازم تجي البيوت من ابوابها 00000
يعجبكم الولد سنايدي موب راعي لف ودوران يجي ولد اللذينا لابوها ويخطبها والاب ودّه يستر على بنته لازم يوافق 0000000 بعد الموافقه تبدا عاد المراجه ويصيرون يطلعون مع بعض وطول المسلسل ماعندهم الا كلمتين وهي
(( بتحبيني ياعطيّات ¿¿ بحبّك أوي أوي يابرعي ))
ويسهرون برّا لآخر الليل بحجة انهم مخطوبين وعلى قولتهم (( أرينا الفاتحه ))خخخخخخخ ثمن تبدا عاد المشكله اللي ماتنحل أبد وهي ((^ الشـّـئـه ^)) وما أدراك مالشئه تروح 25 حلقه من المسلسل وهم يدوّرون شئه ثمن اذا لقو الشئه يعرسون وينتهي المسلسل .
هذا بالنسبه للمسلسلات اما الافلام ياقلبي لاتحزن !!
" وحده من ثنتين"
1- اما ان الفلم يصير كله مراجه وكلام فاضي ويكتبون لك قبل يبدا الفلم لايحق لأقل من 18 سنه بالمشاهده ((وشحتهم يعني وراه مايناظرون ¿ )) طيب دامكم عارفين ان الفلم مارج وفيه لقطات غير لائقه وخارجه على القانون وراكم تعرضونه "" عجايب"" 0
2- او ان الفلم يجيك مخدرات وعصابات واكشن على بالهم راضعين مع حقين هوليود 000000 وتبدا عاد هنا إبداعات المخرجين ويجيبون لك اصوات تفحيط ومطاردات ومرتن من المرات جايبين مطارده بالبحر يعني لنشات تلاحق بعض وحاطين صوت تفحيط !!! خير انشالله كراتين حنا يعني ¿¿ ولا تجيك مطارده بوسط الديره والسياره اللي تنطرد مرسيدس وسبحان الله وبقدرة واحد أحد تطيح السياره من فوق جبل واذا طاحت بالارض تنقلب بيجو ! ( اللهم لا اعتراض ) 0000000 يعني المنتج عجزان يدفع خمسين الف جنيه زياده ويخلي الفلم ناجح ومافيه نصب 0
كل هذي كوم وسالفة المباحث بالافلام المصريه كوم ثاني ...... يعني تكـلّـف الشرطه واحد من المباحث بمراقبة مجرم ..... يجيك ابو الشباب اللي هو المباحث يشتري نظارات شمسيّه ويبدا يلاحق المجرم من مكان لمكان واذا قعد المجرم بمطعم تلقاه يجلس بالطاوله اللي جنبه وطاق النظارات الشمسّيه بالليل ومعه جريده شاقها من النص مسوي يراقب المجرم خخخخخخخخخخ الشرهه ميب عليهم والله 00000 الشرهه على السطل اللي منسدح على بطنه يتابع هالخرابيط
-=-=-=-=-=-=-=-=--=-=-=-=-=-=--=-=-=-=-=-=-=-=-=-=-
-=-=-=-=-=-=-=-=--=-=-=-=-=-=--=-=-=-=-=-=-=-=-=-=-
][][ المسلسلات الخليجيه ][][
كان ودي اكتب عنها بس اختصاراً للوقت ¡ والجهد ¡ والايدي العامله ¡ ابختصرها بكلمتين وهي بصراحه ماغير استعراض فلل وقصور وسيارات واذا تكلمنا عن المسلسلات السعوديه بالذات ابعرف شي واحد !! الحين وراه زينب العسكري تمثـّل كل الادوار000000 يعني تجيك بمسلسل واحد هي الام والبنت والعجوز ومابقى الا تصير الاب !! قضو الممثلات يعني ¿ ولا هي لها كل شي مثل نظامنا ايام الابتدائي اذا لعبنا كوره
(( أول بلنتي وأول فاول 0000 اول كل شي 0000 حلـّى هي))
خخخخخخخخ
يالله يارب لاتحرمنا من تلفزيوننا الحبيب 0000 اللهم احفظ لنا وزير الاعلام 000 يالله يارب يرجعون ايام عدنان ولينا اصرف من هالمسلسلات 000 ولاتهون هايدي وسنشيرو 0
.:: الفوائد والاستنتاجات ::.
* اذا جا فلم بالتلفزيون على طول البس تكميلة وزارة المعارف وكنادر ام حبال واطلع الشارع العب كوره مع عيال الحاره اصرف لك 0
* حاول انك ماتنسدح قدام التلفزيون لانك اذا انسدحت اكيد تبي تخش جو حتى لو كان الفلم شين 000 وهذا اللي حنا مانبيه يصير يالربع 0
* اذا كتبو هذا الفلم لمن فوق 18 سنه عناد لهم ناد اخوانك الصغيرين خلهم يتفرجون 0000 وتسوي خير والله لو تنادي عيال الجيران 0
* اذا فقدتوني اسبوع اعرفو ان الانتربول مسكوني بتهمة التجريح مع اني انقد نقد هادف وبنّاء ومن صالح الكره السعوديه 0
وتقبلو تحياتي ...
هــااااوي
