قصيدة خلف هذال بالجنادرية
على هذا المكان ومن رعاه ومن تربع iiفيه
سلام وراية الاسلام فوق الراس مرفوعه
ترف بكل عز وكل مجد وضمها iiبيديه
امام المسلمين وكلمته بالكون iiمسموعه
أخص القايد الاعلى فهد درع الوطن iiحاميه
من العدوان ما عاثت فلول الشرك iiبربوعه
ملكنا اللي نحبه ثم نحبه والغلا iiنغليه
على دربه نسير ونستنير الدرب iiبسموعه
ملكنا اللي يشرف حاضره ومشرفٍ iiماضيه
يسجل له مدى التاريخ للتاريخ iiموسوعه
ملكنا اللي فتح قلبه لنا يالله لنا iiتحييه
فريدات الخصايل في مقر العز iiمجموعه
يصون مقدسات وبالثبات مخططه iiماشيه
عسى أوطانه لبراق الحيا بالرجع iiمرجوعه
تمتعنا بعهده بالرخاء والخير iiوالترفيه
شربنا الماء قراح ومدنا وامتد iiينبوعه
ليا صّدر قرار يتم وبريشة قلم iiيمضيه
يورّد جاري التنفيذ والاوراق iiمدفوعه
يوجه ما يوجَّه منفرد بالراي iiوالتوجيه
يحلّ اوضاع غيره ما ابتحل في حل iiموضوعه
ليا منّه تنهّض زلزل الغبرا تحت iiرجليه
يامكبر هيبته والارض تستكلم تحت iiطوعه
سعوديٍ ملا الكرسي صحيح ومنصبه iiماليه
ليا زمجر وطالع بالسباع تخر iiمفجوعه
تليق به القياده والسياده والامن iiمضفيه
على شبه الجزيرة ساد تشريعه iiومشروعه
بلاده ما يقارب ربع قرن بساعده iiيبنيه
ولايَتبع فهد يُتبع فهد وخطاه iiمتبوعه
يعود الراي لاهل الراي واخذ الراي من iiراعيه
يعد ارياه مفتوله ومثنيه ومربوعه
بتوع ليا مضى يمضي بسيف العدل ما iiيثنيه
ليا عدوا قواطيع السيوف ابتر iiوقاطوعه
ليا اشتد الخصيم بخصمته من حكمته iiينهيه
ينوخ للحقوق وتصبح الحقاد iiمرجوعه
جبل راسي ومن طبع الجبل ما يحترك iiراسيه
ذرى المفزوع واللي طار عنها الستر iiمفجوعه
جنودك يافهد شعبك لياطق الحدى iiحاديه
فداك الامن يفداك الحرس والجيش iiوفروعه
عليك براس الافعى ما دفق سمه وكيف iiوليه
يروّجها الغبي واللي ثقتنا منه iiمنزوعه
من الضربه يطيح من اوله والحق على تاليه
قبل فتك الافاعي خلها في البيض iiمخلوعه
عصابه يا بوفيصل بثت التشويش iiوالتشويه
على ارضك ما لها بيعه ومن بيعتك iiمخلوعه
على يمناك اخوك اللي مناظيم السرب iiتتليه
على اكتافه كبار الواجبات اليوم iiموضوعه
تصدى من تعدى ويتحدى والوطن iiيعنيه
تعبّر كلمةٍ في نشرة الاخبار iiمذيوعه
صدق راعي المثل لاركبت حر ارقد ولا توصيه
ولو حددت له رحلة شهر ياتيك باسبوعه
نرحب في ولي العهد ونحييه iiوتحييه
جماهير تردد له بيوت الشعر مبدوعه
يامرحبا واهلين يارجل الوطن iiذاويه
بعد هذا الزعيم انت الوطن وحماه iiودروعه
علينا عهد لك ياسيدي والعهد ما iiنصخيه
عواتقنا قلايدها العهد بايمان iiمقطوعه
معك سلطان حماي الحدود ليا احتمى iiصاليه
يجيب لك القلايع من يدين القوم iiمقلوعه
يسلم ثالث الاثنين ويعافيه iiويدوّيه
ابوخالد له الهامات بالتقدير iiمخضوعه
على الارهاب شنوا حرب شعوا واقطعوا iiطاريه
تموت الشجرة اللي من عروق الجذع iiمقطوعه
على من روّع الصيام خزي ولعنة iiتخزيه
عسى من راعهم رب الفلق يبلاه ويروعه
تموت اطفال وتموت النسا فعل طغى iiطاغيه
بكل الوصف وحش مفترس ويغير iiبفزوعه
جريمة ما تشبه بالجرايم يصعب iiالتشبيه
عقول للحدث ما استوعبت خرقا iiومصدوعه
كلام للبعيد وللقريب يسمعه باذنيه
لعله يستفيد ويستقر العلم iiباسموعه
نجابه طغمة بان الردى منها ولاتخفيه
هذا والله هو الارهاب مهما يختلف iiنوعه
خذت عدوى وجتنا بالوبا من تلمسه تعديه
كفى الله شرها وبقدرة الرحمن iiمقلوعه
ملغمة المصاحف ما لها بين الرجال iiوجيه
هبت والله وجيه للهوى وابليس iiمركوعه
