يالصغير ما يكبرني لقب

[poet font="Simplified Arabic,4,darkblue,normal,normal" bkcolor="transparent" bkimage="backgrounds/14.gif" border="none,4,gray" type=0 line=200% align=center use=ex length=0 char="" num="0,black" filter=""]
يالصغير ما يكبرني لقب 0000ومايصغرني اليا انكرني صغير

ما خذينا الصيت من جمع الذهب 000ولا نسابة شيخ أو قربة أمير

كاسبينه من هل السيف الحدب 000الجنايز كان ما جاك النذير

صيتهم نجم على راسه لهب 000سمعوا الصقهان به واجهر ضرير

بالوفا تاريخ ابيض ينحسب 000لا حكوا بالحق حيين الضمير

ضيغمي ٍ للسناعيس انتسب 000لابت ٍ طلنا بها عرش ٍكبير

عند حدك يا كثير الهرج تب 000ولا تمر النار وثوبك من حرير

كان لك عز ٍ بذلي فتعقب 000والله إلا تبطي وحبلك قصير

احسب انك من صناديد العرب 000واثري ساترتك عباتك يا غرير

ما حسب لسّوس زراع القصب 000والقراده مادرا عنها البعير

لو حسبنا للحسايف والتعب 000مابذرنا يالعصافير الشعير

عن هلك وبراي لله احتسب 000الرجال اللي مجاراهم عسير

من قريش المصطفى وابو لهب 000والدغالب ما غشت عذب الغدير

للرجال من الرجاجيل العتب 000والزكاة اتحل في حال الفقير

لعن ابو وقتٍ غدينا به حطب 000تحرقه نارٍ.... يثورها أجير

ما ألومك الزمن سوا العجب 000هو بقى غير الكرامه بالجفير

ما أذل والراس يشم اللهب 000لو بقى من شمر ٍ طفل ٍ غرير

ما أهاب ولا يزلزلني غضب 000الشجاعة ورث والعاقل غزير

يا صغيّر ما يكبر باللقب 000غير منهو كان للدونه صغير

[/poet]


هذه الرئعه للمبدع طلال الرشيد

تحياتي لكم

قصيده تشبه كثيرا قائلها

كلمات لاتحتاج لمقدمة وهذا سر جمال القصيدة

والاروع من هذا كله

هو صاحبها



كلمات لشاعرنا الكبير طلال الرشيد

ولكن هنا نتسائل لماذا طلال الرشيد يبني سورا عاليا من التحفظ على هذه القصيده¿
لم ينشرها¿ ولم يتحدث عنها¿واي سوال يتعلق بهذه القصيده¿يتهرب عنه¿
ترا هل السبب الذي جعل طلال الرشيد يكتبها هو نفس السبب الذي يجلعه يتهرب عن الحديث عنها¿
لاندري¿

اختيار جميل اخوي انفاس القصيد

وكان بودي انام على القصيده هنا بس ماادري توك منزلها الحين لاني قبل شوي كنت الف ومانتبهت لها
بس حسافه
لي رجعه
بنروح نلحق على الضيف

لم نتلقى اجابه

على العموم حاب اعطي فكره عن القصيده

القصديه طبعا للشاعر طلال الرشيد ومناسبتها انه تقريبا في اعلانات امسية البحرين
كانوا في اعلاناتهم يكتبون الامير طلال الرشيد
فصارت معارضات من بعض ال سعود بأي حق تسمونه امير الامير ال سعود

فالامير عبد الرحمن بن مساعد اعتذر لطلال الرشيد


ويقال ان طلال الرشيد فمره كان بالمقناص وجاه شايب الظاهر اسمه شليويح شمري وقال له انا عندي اربع عيال الاثنين الكبار خذهم فدوه لك
وطبعا عارفين وش قصده

فقال له طلال الرشيد السالفه ماتستاهل
وبعدها قال القصيده

تحياتي دروبك على حضورك للموضوع

وعلى تعقيبك على القصيده 00 وذكر سبب التحفظ على القصيده

والشاعر طلال 00 شاعر بالفطره

تحياتي لك دروبك

انا بنسبه لي اظم صوتي لصوت الاخ دروب لانه تفريبا هذا ما حصل وهذي مناسبه القصيده وهي قصيده جدا معبره وحلوه والله يعطيك الف عافيه اخوي انفاس عرفت تختار شاعرك

[ALIGN=CENTER]أخي العزيز .. أنفاس القصد

بعد التحية والتقدير...

أختيار موفق سلمت أناملك على إنتقاااائها الجميل
صح لسااان الشاعر

دمــــــ لنا ـــــت

في أحر الشوق لأنتظاار جديدك أخي

لك مني خالص التحية والإحترام

أخاك المحب ... أميرالقلوب[/ALIGN]