[align=center]طموحات مقلع ايام القريه
الحقيقة ما ادري وين ابدأ معه 00 من هنا احسن :
كنت وأنا صغير (الى هلحين وانا صغير هذي السالفه قبل 3 سنوات 00 ايه هين) المهم
كنت مثل اي شخص له طموحات واماني واحلام يحاول الشخص التفكير فيها دايم الى
أن تتحق امنيته ويفرح بها 0
وانا كان لي طموح وأحلام كبيرة (مانيب سهل) وكان اكبر طموحاتي في القريه هو
تربية سلقه (كلبة الصيد) (امحق طموح) المهم كانت هالفكره تحفر في دمجتي بدريل
كل يوم ورغم وجود المكان لكن انتم عارفين الوالدين ما يبون هالأمور (كنهم يقولون
في صدورهم ما ربيناك انت نربي سلقتك معك) المهم كان هالطموح مشترك فيه معي
واحد من ربعي وقلنا لبعض لازم نفاتح ابوي ونقوله 0
المهم يوم انا تهورت وخويي تهور وكل واحد قال لأبوه عن الموضوع طبعا انا ابوي
مدلعني مره ولا قال لي شي بس تمردغ فيني ووطى في بطني وجلدني ويوم نحشت
لحقني نعاله الزبيريه وحرمني من الطلعه في الشوارع وخلاني بس من المدرسه الى
البيت والمسجد والمحل 0
وبعدين قلت يا ولد انت وجهك وجه طموح او احلام انثبر بس وخلك ادمي وانا اهوجس
واكلم نفسي جاني ابليس (اعوذبالله منه) ولعب براسي وقال لي انت امعه انت ما لك
رأي وضعيف كنك خويك 0
ويقول لي انت يا ابليس خلك رجال مثل ولا عليك من ابوك او غيره وسو اللي براسك
وخل انا وانت انتشارك ونربي سلقه قلت له بس 00 قال لا بس ولا شي انت رجال
قلت ما دامك بتصير معي شريك خلاص نحط السلقه في بيتكم يا ابليس طمر وقال لي
لا 00 لا 00 انا ما اقدر ابوي صعب مره 00 قلت له توك هلحين تعطيني دروس عن
المرجله والخوف وين راح كلامك 00 والله يوم هزبته وافق ابليس يحطها في بيتهم
قال لي خلاص عطني مهله الى بكره ابفاتح ابوي قلت له تم راح من عندي ويوم جاء
بكره ما جاء وبعده وبعده وخذ له حروة اربع ايام ما جاء وانا اقوم واروح ادوره في
حارتهم واشوفه يمشي ويتصدد عني ويطالع فيني بطرف عينه ما يبيني اشوفه
وانا الحقه واحجره في ربعه واقوله وينك والى وجهه كله طقوق ومتنفخ وحالته حاله
قلت له وش فيك قال رجاء لا تحرجني رح عني ترى ابوي يقول لا اشوفك تماشي
هالأشكال 0
شكريا
~ ~ ~ ~ ~ ~ ~ ~ ~ ~ ~ ~[/align]
