تورط محيميد

[align=justify]تورط محيميد

بسم الله الرحمن الرحيم اما بعدين000

سوف اقول لكم ذا القصه الي مالها دخل بالواقع وانما هي من نسج خيالي البحت(ويااااااااااااما ينسج خيالي )0

هذا يا طويلين العمر والسلامه كان فيه فتى يقال له محمد الملقب بمحيميد وكان سبحان الله يتصف بالفداغه المبرحه لدرجه انه اذا بدر منه ماينم عن ذكاء ودوه اهله يقرون عليه (يبالغ) المهم رجع ذا الافدغ المذكور اعلاه من المدرسه (يقالك يبونه يصير ذكي) وقت الظهر زي ما انتو عارفين ويكبس الغدا وتمسك غلط انه بيلعب كوره قالت له امه يا وليدي يا محمد روق المنقا مالها داعي الطلعه هالحين(امااا هي تقول روق المنقا خير تربيه حواري)0
قال مانيب ولا عليتس مني وبروح العب كوره (طبعا ماعليه شرهه افدغ)0
وفعلا راح وقام يحوس بذا الشموس الساعه12 الظهر ولابس بوت رياضه وفنيله كم طويل (حتى اسرى الحرب ماعذبوهم كذا) ويمشي في الحاره يدربي جمجمته=راسه ولا لقى احد يعطيه وجه كل زكرت الحاره ضربو الغدوه وقيلو (الي هي القيلوله) وفي حين غفله لقى شي كنه ثلاجه من بعيد ويوم امعن النظر (حلوه امعن) واذا به احد عيال الحراه ويدعى رامي وطبعا ذا الشي اذا كان محيميد يصنف افدغ فرامي يصنف من ذوات الاربع من قوه البلاهه ولو شفتو خدوده هلي كنها مخدات كنب كان اقتنعتو بمستوى الدلاخه الي يعاني منه رامي طبعا ناهيكم عن وصف حواجبه هالي كنها علامه ناقص فوق عيونه غاطسه بهالشحم مير خلو الوصف جانبا (عقب ماقطع ولد الناس) راح له محيميد وهو يتلفت لاحد يشوفه من زكرت الحاره يحاكي ذا الشي لانها عااااااااااار انه يتكلم مع ذا الشي بس زي ما قلت لكم انه مالقى غير ذا الثلاجه في الحاره والباقين مقيلين الشاهد من الكلام ان محيميد استخار الله ونادا ذا البقره الاليفه=رامي0
يووووووووووم ناداه الله يجيركم قامت الارض تهتز وبراطم محيميد قامت تصافق من قوه الهز واذا بشي اقرب مايكون تريله جايه من اخر الشارع تمشي ملييييييون ناصيه محيميد من الروعه محيميد بغى يوغما عليه بس بعد ماراحت النفاضه وام الركب من محيميد وبدا يفكر في فداحه المشكله اكتشف انه من غير المنطقي انه بيوقف وذا الشي مقبل يمه ولا يعتبر نفسه في عداد المفقودين (حتى مهوب الموتا هذا يدل على قوه الاصطدام)
استجمع قواه وقرر يوخر عن ذا القطار وفعلا بعد ما فرمل رامي (يؤ نسيت اعلمكم ان ذا الشي الي انا اوصفه رامي وهو يركض خخخخخ) المهم
قال رامي وش تبي قال محيميد وش رايك تلعب معي كوره (وهو يتلفت طبعا)
رامي ماكذب خبر وافق على سيده=على طول وراحو عند الساحه الي جنب المدرسه (من حبهم للمدرسه يلعبون حولها ا) طبعا اتفقو يكونون فريقين محيميد والهنود الي عند المدرسه فريق ورامي وباقي اعضائه فريق وبعد مباراه ماشافت الحلى ارتفع فيها ضغط محيميد للحد النهائي لان الهنود الي كان المفروض يلعبون في فريقه قام كل واحد يلعب على كيفه وشويه قلبوها كوره سله وقوه حره وذا البقره طاح فوق محيميد مرتين يعني اقل شي ثلاث ضلوع تكسرن في محيميد قفلت مع محمد وقال هاتو كورتي وبطلت معاد نيب لاعب انقلعو .والله وهو الي ياخذ الكوره من يد الهندي ويروح (لاحظو ان الهندي كان يلعب بيده) يوم وصل البيت الا امهم قاعده تكنس الحوش(مسكت غلط تكنس الظهر) اثر الدلاخه ماجته من بعيد المهم يوم شافته قالت وش بلاك صرت بلاك=اسود (احلى امه لغات)
قال من الشمس يمه قالت لاعاد تطلع في ذا القوايل ترى بتجيك حماره القايله قام محيميد والتفت عليها التفاته معززه ببتسامه صفراء تنم عن خبث وقال يمه لو ما تطلع حماره القايله لو تطلع قودزيلا بكبرها ماعلي منها عقب الي شفته اليوم
سكتت الام وهي كل بالها ان قودزيلا ذي شغاله الجيران وصرفت الموضوع وقالت ادخل ارقد وانا امك الظاهر انك قمت تجيب خيط وخيط رح ارقد لين يقومون ربعك
طبعا ربعه ذولا لين ضربو الغدوه يسمعون بالقيلوله واحدهم يصفق ثلاث شهور بالرحه في قيلوله وحده ماصارت قيلوله ذي غيبوبه الناس لين رقدو عيالهم يحطون عندهم مويه وذلا يشبكون في يديهم مغذي من قوه النوم
الواحد لين قام من النوم لقى اهله مجمعين له جرايد عشان يلحق الاحداث الي صارت وهو نايم (يبااااااااااالغ يا ناس خخخخخخخخخخخخ)0
عموما دخل الفتى واتجه نحو مرقده ومن قوه التعب والقهر الي صار فيه اليوم حط راسه عل المخده وناااااام(لاحظو انه ماتروش عقب ذالحره)ولاقام الا اليوم الصبح0

ملاحظه:الولد نام يوم الاثنين عام 1412هـ

<===يبااااااااااااااالغ
لوووووووووووووووووووووووو ووووووووووووووووووووووووو

وووول

هذا وارجو اني اكون ماطولت عليكم والي اللقاء في سولافه اخرى[/align]

منقول