اقـــــســـى قــصـــــيـــــدة حـــــــــــب

[align=center]:::::::::::::::::::::::::::::::::::::::::::
لا جيت ابنسى واتراجـع واسامحـك
صاحن جروحي واشتكن لي طعونك!!

كلك خيانه !! قول وشلـون ابمنحـك
وش موقفك من شخص دايم يخونك!!

اكبر خطا.. لو جيت يمك اصالحـك
اول تحـول لاتغـرك .. إلحـونـــــك

اللي تقوله صح لـو كنـت جارحـك
(مير) انت غارق للاسف في ظنونك

وصفك نسيته بس .. باقي ملامحـك
بنهيك وانهـي بالنهايـه .. جنونـك

ماتستحق امـد (كفـي) واصافحـك
مثلك غلط عمري وابحيا .. بدونـك

لعبت دورك شاهدات(ن) مسارحـك
خدعتني واظهرت خافـي فنونـــك!!

كنت اعتقد قلبي هو ابرز مطامحـك
اللي يبيع النـاس .. لجلـه يصونـك

تعبت اسوق الشوق يمك واصارحـك
اخلصت لك بالحب شوفـت عيونــك

لكن خسارة صرت غايـة مصالحــك
ياليتني ماجيـت لحظـه .. بكونــك

بالامس كنت بنشوة الحب ..امازحك
اخيـل برقـك واتحـرى امـزونـــــــك

واليوم من صفحة حياتـي ابمسحـك
هديت صرحك ثم طاحـت ركونــك

ولابي عيوني لو تصـورت تلمحـك
اعلنت موتك .. وانسجن لي كفونـك

وان جيت تطلب ترتجيني .. اسامحك
بهديك طعنه .. من بقايا .. طعونك!![/align]

تعبت اسوق الشوق يمك واصارحـك
اخلصت لك بالحب شوفـت عيونــك


قصيده رائعه اخوي امير يعطيك الف عافيه

اخوك ســـــراب....

اخوي امير00000رائع رائع رائع0000الله عليك دمت لنا متأالقا

رئع اخوى امير
امير دائما يحب القصائد
الرومنسيه والعاطفيه
يحب يحرك مشاعرنا
ويذكرنا بان الحب موجود
ولا زال .......................
غيووضه

وان جيت تطلب ترتجيني اسامحك
بهديك طعنه من بقايا طعونك
قصيده اكثر من رائعه وابياتها قاسيه فعلا ...والله يعطيك العافيه ياامير.

هلا سراب وشكرا لك لمرورك الكريم ووضع تعليق على قصيدة زينتها بردك

مذهلة ودمتي لنا أيضا يا صاحبة القلم الذي أذهل الألباب بروائعه

غيوض غيوض يا صديقتي وزميلتي الجميلة لا يوجد أحمل من الحب لأكتب عنه وأذكركم كما ذكرتي بان هناك شيء اسمه الحب

العنبر الله يعافيك وشكرا لك

من خلال تفاعلك مع المبتدئين وانت ترفع من معنوياتهم وتحاول ان تشاركهم احلامهم
تستحق ان تكون اميرا على احلمنا الجميلة لان الاحلام دايم اجمل من الواقع ولو لم تكن اجمل لما اصبحت حلم نتمنى تحقيقه لا استغرب منك هذه الرومنسية الست باميرالاحلام
دمتـــــــــــم سيدي امير الاحلام

عزيزي يسود الصمت لقد أخجلتني ولست أقوم إلا بواجبي

عزيزي وإنه لشرف لي بأن أشاركم أحلامكم

التي تفرح قلبي وتبعث الأمل

وبانتظار جديدك عزيزي