إن كان شايف !!

إن كان شايف في بعادي تسهيل
فعرف تراني ناوي بالبعادي
أبشر بسعدك ف الليال المقابيل
هدار حيلي صارشيء وكادي
الحر مايرضى حياة المذاليل
ولي عزة نادمتها في مهادي
كرامتي نبع سقاها المحاصيل
زود عليها زاد فيني عنادي
والله ما أرضى بشوف مر الغرابيل
تلفى ديار اللي سكن في فؤادي
خذ خافق ماله معي أي تعليل
ينفعك يمكن لا فقدت الودادي
وش حاجتي به لا قطعت المواصيل
مالي أبد به حاجة أو مرادي
خل الحكي يا سيد كل الرجاجيل
أعرفك دايم طامح للهدادي
أتبع هروج أهل النفوس المهابيل
يمكن يعضونك بشد الزنادي
الملح ولبارود والبن والهيل
والسيف والمهره علوم الجهادي
ماهي هروج بالقفا عدلها ميل
خيالها غندورة في حدادي
إلى متى أسقيك يادافن السيل
وإلى متى تحرق خضار البوادي
أرجاك روح و¿أتبع القال والقيل
ليلك طويل وفي نهارك سوادي
وأبشر ترى هذي أصول التحاليل
البعد قررته وهذا أعتقادي

الفـ( وين الوفا¿)ـواز

الفـ( وين الوفا¿)ـواز
سلمت يمناك كلمات توضح مدى الاعتزاز بالنفس والبعد عن الذل ولوكان من اشد المحبين

يعطيك العافيه واستمر على ذلك

تحيتي

هلا وغلا ومشكووووور على الرد اللي يفرح القلب ولو كان ملتاع

ولكم خالص تحياتي
wen-alwfa-sf-2@hotmail.com