شمس شمر

السلام عليكم ورحمة الله وبركاتة

سلام يللي تدعـون الشجاعـه
سلام يللي بالجهالـه حكيتـوا
الكذب بالتاريخ مابـه نفاعـه
حنا رقينا المجد وانتم هويتـوا
حنا هلا الطولات فرد وجماعـه
حنا هلا الفزعه لامن شكيتـوا
حنا حكمنا دارك بظرف ساعـه
حنا حكمنا نجد وانتـم هبيتـوا
حنا كسرنا خشوم غصب وطاعه
حنا حكمنا شيوخ وانتم رعيتوا
كل القبايل وقفت فـي مناعـه
ويوم الطنايا جندلوكم غديتـوا
ام الجماجم والصريف وتباعـه
كل المواقع تذكره لـو نسيتـوا
غرير من شمر يسوى ضباعـه
يسوقها شيخ بامـره مشيتـوا
شمر كما شمس ياصل شعاعـه
ابعد مدى بالكون لو انعميتـوا
هذي وصيه خذها مني وداعـه
البير عند شمر لامـن ظميتـوا
كن نصيحة عاقل يـوم باعـه
النارر عند شمر لامن خطيتـوا
الزم حدودك ياخسيس البضاعه
كلن عرف قدره وانتـم بديتـوا

يا ولد صح لسانك اخوي

هذا الشعر شعرك ¿

و الا ناقشه ¿


على العموم : صح لسانك

غالى الثمن اشكرك اخوي على المرور الرائع