للي اكل صفعة من الزمن .... و من حبيبه

عادي وجودك كان وان رحت عادي
جايز اكون اول تعاطفت وياك
لكن فبالي كان تركك وكادي
لاتنفعل لاتثور لاتبرر خطاك
ماينفع الغرقان مد الايااادي'

طال البعاد ولع القلب فرقاك
ومن غيبتك صاب المولع مضره
اسهر طوال الليل واعيد ذكراك
واراجع الماضي وبالقلب حره
يذكر زمان فات بالخير وياك
الله يعيده لو بالايام مرره

الالم والهم والخوف الدفين
والشقى والضيم واهات العنا
والاسى والظلم والدمع الحزين
كلها اسماء والمعنا (انا )...وافي الجروح

لو الزمن مره يجينى على الكيف
مقدار ما يفهم لبيب الا شاره
بشرت غلطا تى بحسن التصاريف
واخذت من نفسي لنفسي بشاره
وش يحرج الرجال غير المو اقيف
اللي تنزل هيبته واعتباره
والله لو تعرض رقبتى على السيف
أهون علي من الندم والخساره !!!

الحين بس أقدر آخذ قراري
اللي من محيرني من العام لليوم
بعدك ونكرانك ورد اعتباري
ثلاث حاجات بها القلب مهموم

((مسكين قلبي هو بدى منه تقصير
هوناقصك يعني تجئ تستغله...!!))

زفـــــــت لـــى الفــــــرقا تبـــــاشير حلـــــمى
والـــــــحمد للة مابـــــــقى لــــــى كـــــود حســــرات

خلاص يكفيني معاناة وياك
ارحل وبرحل مابقا شي فيني
اتعبتني وياك واتعبني رضاك
واتعبت قلبي ياشقاي ونيني
محدن ترى فيني يسوي سواياك
محدن غيرك اهمومه تجيني

((يابنت...ياللي كل همك غرامي
الظاهر انك ..جاهله بالعناوين

كم قلت لك هالحب ماهو مرامي
روحي اكيد انك بدالي تلاقين ..!!))

فجري اللي تبينه من غيابك وغيبي
اصلا القلب ..ما بقى به شظايا !!
واتركي لي جروحي جعلها ما تطيبي
ولاتخلين عندي ..منك اية.. بقاياا !!
غلطتي واحتملها يوم اعامل بطيبي
واحسب الناس مثلي واضحين النوايا..!!

شفت المقفي وربي ما أتبعه لو خطوتين
وأصبعي وهواصبعي لامن غدرني أبقطعه
بأسألك سؤال واحد والجواب بكلمتين
لاصار قدرك والهوي خصمين من تاقف معه
ياخي عز الكرامه وانت دايم مستهين
ياخي ضرسك لو يعورك بذمتك ما تشلعه

سلامتك معاد لي رغبة فيك
لاصد قلبي صد من دون رجعه ..

مجبور نضحك يازمن العجايب ....
دام البشر صار بوجه وجهين....
غصب علينا نبتسم للمصايب.....
دنيا نسايرها على العسر واللين....
منها بكى طفل صغير وشايب....
وياما ضحك منها عليها مجانين....

مع السلامه

مانبي غير
فرقااك

دامك مقفي
مالنا
فيك
قدره

دنيا تضيق وفزعة الله قريبه
وعند الفرج مايخذ الضيق ساعة ....

لا فـاضــت أحــزانــي ولا زاد هـمـي
ولا إنشـويـت مـن الـفـراق وتحــرقــت

لا مـت مـن صـدك ولا فــار دمــي
لأن الحكــايـة كلــهـاا مضـيــعة وقــت

ما دام طعت الوقت فيني واقفيت

تحمل اللي يجيك لا جيت تايب

كفي دموعك مال للاحزان ميعاد
مادام هذي رغبتي فاهجريني
انتي سراب وكلمة الحب تنعاد
ماودي احرج خاطرك وافهميني
نفس الظروف ووقتنا كله عناد
ابلتمس لك عذر واعذريني

لا همني قربك ولاهمني رضاك
والله ولا ذكري بقلبي تجيبك
الصد عندي من بقايا عطايات
لا بوك لابو كل طاري يجــــيبك

هــذا الــزمــن حــاكم وأنــا فيــه
محكــوم
مــاهمنــي كبــر الفضــا و
أتســاعه
مــدام دمعــي جــف والقلــب
مصـدوم
بقــول للأحـزان سمعــا (ن) و
طــاعه
ومــدامني عشـــت الــزمن دوم
محـــروم
شيصيــر لوضـاقت علـــي كـل
ســاعه¿

أنهنت في حبــك وانا حــر ما أنهان
والحــر ما يرجع لشخص يهينــه
والله احبــك حب والقلب ما خان
حا فظ عهوود الحب يومك تبينه !
بس للاسف ما أقدر على حب خوان
يمشى يشيل اسمى وباجر يهينه !!!

رص المشاعر بالحبر يا قلم رص
وبعد المشاعر باقي الحب رصه
قلبي يعاني وانت بالحب مختص
وانت اللذي عقلي بلافكار خصه
قصه غرام وكانت اكبر من النص
فها حبيب ساكن القلب نصه
اخر كلامي اطلبك ياقلم وص
خلو علاجي بالاشواق وصه

قالت فمان الله واقفت وانا اقول
متى علي يا زين تنوي الرجوعي
قالت وهي تبكي فراقٍ على طول
واهتز قلبي هزتينٍ تروعي
واقفت وانا حاير ما ادري وش اقول
حاولت اجامل وافضحنّي دموعي
ونيت ونه واحدٍ طاح مقتول
منها خفق قلبي وحطّم ضلوعي
من شاف حالي عقبهم قال لاحول
اسهر وحدي والخلايق هجوعي

عشرة عمر معك انتهت وانتهينا
وآخر دقايقها دموع الوداعي
شيٍ طبيعي نفترق من بعضنا
فرقا وراها ما اظن اجتماعي
غرّت بنا الايام غصبٍ علينا
واستعجل المكتوب طوى شراعي
ورد المحبه فرّطت به يدينا
واصبح هوانا مرجعه للضياعي
لابد ما تنسي حدينا السنينا
والا بقلبي جروحه وساعي

لاتنصدم لو شفت بعيوني الموت ..!!
قبلك اشوف الموت .. داخل كياني
تعبت ارتب لك من احساسي بيوت
تعبت افكر كيف قلبك رماني..!
لا تكسر أغصاني لجل تقطف التوت
ياخي دخيلك ماتلاحظ مكــــــاني ..¿!

انا لاجتني الزله من الجاهل وهو كذاب
تركت القافله تمشي وراها تنبح كلابه
ترى بدري على مثلي تعيب وساسها معياب
ياليت اللي يعيبني يحاول يستر ثيابه

خل الجمال اللي بوجهك يسرك
لاصار قلبك من حلا الروح خالي
لاصرت ماترفا حبيبن يبرك
وش خانت العشره من اول وتالي
اللي وطا هالناس لازم يمرك
اصبر وشوف الوقت يثبت مقالي

بحضر زفافك مثل باقي المعازيم
لو كان في ليلة زفافك وفاتي
بحضر نهاية قصة الحب والضيم
واكتب على جرح الهواء ذكرياتي

ودعتها واخفيت عنها دموعي
خايف تحس بحسرتي والتياعي
قالت فمان الله ونطر رجوعي
واشرت بالتوديع حال استماعي
ساكت ولا رديت ماهي طبوعي
من عبرتي تفرض علي امتناعي

تعشق معي عشره وفينـا تفننـت

هـذا تبسملـه وهـذا شطبـتـه

انا ترى لااقفيـت قفيّـت مابنـت

والشخص لامني كرهته كرهتـه

مااذل نفسي وارخي الراس يابنت

واللي بغا فراقي تـرى ماجبرتـه

نفسي عزيزه وافهم العلم لاهنـت

الـذل مايـوم ٍ بعمـري تبعـتـه

رفضت غيرك وانت بالحب مالنت

ياقرد حظي يوم غيرك رفضتـه

واذا الغلا يرجع على معرفة نت

انسى الذي بينـي وبينـك كتبتـه

حسبي عليك بجرح قلبي تمكنـت

ادخلت سم الغدر فيـه وجرحتـه

وانا نسيت اني عرفتك على النت

كنت اعتقدك اوفى عشير ٍعرفته

واثر الغلا زوّال ياسرع ماخنـت

كم واحد ٍ غيري بزيفـك عشقتـه

مصدر حيــــــــاتي عزتي واعذرينـــي
مقدر اواصل بالهوى حـــــــــاني الراس
صحيح حبك نقـــــــطة الضعف فـــــــــيني
مانكرت لــكن عــــــزتي مالــــــها قـــــــياس

اعتلي يانفس واعقل ياخفوق
.وارقدي ياعين وارحل ياهوى
بنصحك ياقلب لايطويك شوق
روحته مع جيته عند سوى
من يحطك تحت لاتعليه فوق
ومن يحطك فوق يبشر لانوى
الكرامة مايوطيها امخلوق
والنجم لاطاح قالوله هوى

أبتركك للغير منهو يسليك
وأببتعد وأنسى ماضي مسيرك

دامك هويت الغير فالله يهنيك
وأنا باعيش أذكر على الدوم خيرك

خلك معه خلك.. يمكن يراعيك
بس لاتجيني لامن خلاك وحب غيرك

قال ابي امشي
قلت عفوا على وين
قال بقفي
قلت مرواح جدي
وش صار يعني لابغيت تقفي
بأموت يعني لانويت بصدي
انا قوي الباس مانيب مسكين
واموت انا في شي اسمه تحدي

ان جيت من غرب انا لاروح من شرقا
لابارك الله في درب فيك يجمعني
وياللي على فراقه عيوني غدت غرقا
كلي من اقصاي في حبك مغرقني
واللي طحاالارض وخلا هالسماء
زرقا لعلمك كيف تندم يوم تهجرني

عتبرني حلم عابـر في حياتك

اعتبر حبي سحــابة في سماك

اعتبرني من بقايــا ذكرياتك

اعتبرني شخص مـا يرغب لقاك

ابتعد واجمع مع غيري شتاتك

يوم صــار الغير هو غاية هواك

التسلي بالمشاعر من صفاتك

يـــا فقير الحب اتبع من غواك

روح دور يا عديم الذات ذاتك

بارخص الاسعار يخسر من شراك

بسكت واخبي جرح قلبي عن الناس
مادمت ياخلي في بعدي تناسيت
افهم ترا مافيني شي من الياس
لاني عرف الحب صادق وحبيت
دام الغلا مع كل شخص له اقياس
مات الغلا من يوم عني تخليت

طلعت روحي قد ما احاول أرضيك
والقلب حاول فيك قدر استطاعه
والعين باغلى دمع راحت تناديك
وتشكيك شكوى ميتين المجاعه
والله لو ادري ان هذه مواريك
وانك نويت تخون واثمن وداعه
ما كان صدقتك ولا جبت طاريك
يا واحد فرق بشملي وباعه
اخذت مني ما يهمك ويكفيك
اخذت كلي صدق ماهو اشاعه

للمعزه براسي يابنيه رصيد
لوتطيح المعزه وش نبي بالحياة
كانها بلمعاند ابشري بالعنيد
وكانها بالتحدي ماتحدى بنات

وصيت هلي لاذبحني غلاكم
قدام بيتك بالثرا يدفنوني
ترتاح روحي يوم اجي في ثراكم
وذا وحشتك قلهم يظهروني
هذا الوعد والله يقبل عزاكم
واذا مشيتوا فوق قبري ((اذكروني ))

تكفـون امانـه بلغـوه التحيـات ** ولا ياخـذه ظنـه ويشـره عليـه

بعلمه وضعي واصوغه بالابيـات ** تشرحله الموضوع وكل القضيـه

هاذي الحروف اللي عليها علامات ** ارسلتها لـه والله خـوف وخفيـه

حطوني في لعبه ولابـه خيـارات ** ورضيت بالواقع وصرت الضحيه

اعيش مع غيره ولالـي مجـالات ** ولازم اكـون بدنيتـن واقعـيـه

والله عقبـه هالليالـي عسيـرات ** كثرت همومي والحزن وش بديـه

ماذقت طعم النوم من كثر الاهـات ** ماعاد اميـز مـن نهـار وعشيـه

لايحسبنـي عايشـن بالمـسـرات ** واللي خلقني كل امـوري رديـه

اصبر واجامل والصدر فيه ضيقات ** عسا الفرج منـك يـارب البريـه

ابيه يذكرني علـي كـل الاوقـات ** يذكـر حبيبـه بالمحبـه وفـيـه

خلـوه دايـم يعتبرهـا سهـالات ** وترا الخوي دايم ما ينسـا خويـه

يارب توصـل للغـلا هالتحيـات ** ولا ياخـذه ظنـه ويشـره عليـه

(( منقول بتصرف ))

كلمات قريتها ... و مشاعر حسيتها .... حبيت انكم تشاركوني فيها

غالـــ الثمن ـي